احمد آباد: ہندوستان اور آسٹریلیا کی ٹیمیں آئی سی سی ورلڈ کپ 2023 کے فائنل میں جلد ہی ایک دوسرے کے آمنے سامنے ہونے والی ہیں۔ 2 بار کی چمپئن ہندوستانی ٹیم کا مقابلہ 5 بار کی سابق چمپئن آسٹریلیا سے ہے۔ ٹیم انڈیا 12 سال بعد ٹائٹل جیتنے کی دہلیز پر کھڑی ہے۔ ہندوستانی ٹیم لگاتار 10 میچ جیت کر ایک نئے ریکارڈ کی طرف بڑھ رہی ہے۔ احمد آباد کے نریندر مودی اسٹیڈیم میں فائنل کے لیے اسٹیج مکمل طور پر تیار ہے۔ اس میچ کو دیکھنے کے لیے ریکارڈ 1 لاکھ 30 ہزار تماشائیوں کی اسٹیڈیم پہنچنے کی توقع ہے۔ ٹیم انڈیا نے سیمی فائنل میں نیوزی لینڈ کو شکست دی تھی جبکہ آسٹریلیا نے دوسرے سیمی فائنل میں جنوبی افریقہ کو شکست دے کر فائنل کا ٹکٹ حاصل کر لیا تھا۔ ٹیم انڈیا فائنل معرکے کے لیے ہوٹل سے اسٹیڈیم پہنچ چکی ہے اور ٹاس بھی ہو چکا ہے۔
آسٹریلیا نے جیتا ٹاس، ٹیم انڈیا کو بیٹنگ کے لیے بلایا
ورلڈ کپ 2023 کے فائنل میں آسٹریلیا کے کپتان پیٹ کمنز نے ٹاس جیت کر پہلے گیند بازی کا فیصلہ کیا ہے۔ انہوں نے ہندوستانی ٹیم کو پہلے بیٹنگ کے لیے بلایا ہے۔ کینگرو ٹیم نے اس میچ میں رنز کا تعاقب کرنے کا فیصلہ کیا ہے۔ کپتان روہت شرما کی ٹیم آسٹریلیا کو بڑا ہدف دینا چاہے گی۔
IND vs AUS Final: ہندوستان بمقابلہ آسٹریلیا میں گھماسان، 20 سال پرانا حساب برابر کرنے کا موقع
20 سال پرانا بدلہ لینا چاہے گی ٹیم انڈیا
سال 2003 میں ورلڈ کپ کے فائنل میں ہندوستان اور آسٹریلیا کے درمیان ٹکراؤ ہوا تھا۔ تب کینگرو ٹیم نے کپتان رکی پونٹنگ کی 140 رنز کی دھماکہ خیز ناقابل شکست اننگز کی بدولت 2 وکٹوں پر 359 رنز کا بڑا اسکور بنا لیا تھا۔ ہندوستانی ٹیم صرف 234 رنز پر ڈھیر ہوگئی تھی۔ اس طرح ہندوستان فائنل میچ جیتنے سے محروم رہا۔ ہندوستان اس کا بدلہ ضرور لینا چاہے گا۔
کوہلی بنا چکے ہیں 711 رن
رواں ورلڈ کپ میں ہندوستانی اسٹار بلے باز وراٹ کوہلی نے سب سے زیادہ 711 رن بنائے ہیں جبکہ بولنگ میں محمد شامی نے اب تک شاندار بولنگ کی ہے۔ شامی نے 6 میچوں میں 23 وکٹیں لے کر سنسنی پیدا کر دی ہے۔ وراٹ اور شریاس نے اس ورلڈ کپ میں اب تک 537 رن کی شراکت داری کی ہے۔ شریاس آئیر نے اس ورلڈ کپ میں مسلسل دو سنچریاں بنا کر خود کو پلیئر آف دی سیریز کی دوڑ میں شامل کر لیا ہے۔ ٹیم انڈیا کے لیے اچھی بات یہ ہے کہ اس وقت اس کے بلے باز اور گیند باز بہترین فارم میں ہیں۔
آسٹریلیا کی پلیئنگ الیون
آسٹریلیا کی پلیئنگ الیون: ٹریوس ہیڈ، ڈیوڈ وارنر، مچل مارش، اسٹیو اسمتھ، مارنس لیبوشین، گلین میکسویل، جوش انگلس (وکٹ کیپر)، مچل اسٹارک، پیٹ کمنز (کپتان)، ایڈم زمپا، جوش ہیزل ووڈ۔
ٹیم انڈیا کی پلیئنگ الیون
ٹیم انڈیا کے پلیئنگ الیون: روہت شرما (کپتان)، شھبمن گل، وراٹ کوہلی، شریاس آئیر، کے ایل راہل (وکٹ کیپر)، سوریہ کمار یادیو، رویندر جڈیجہ، محمد شامی، کلدیپ یادیو، جسپریت بمراہ، محمد سراج۔