فاسٹ بولر محمد شامی کی ایڑی کی کامیاب سرجری ہوئی ہے۔ انہوں نے سوشل میڈیا پلیٹ فارم ایکس پر تصویریں شیئر کرکے اپنے علاج کے بارے میں جانکاری دی۔ کامیاب سرجری کے بارے میں معلومات دیتے ہوئے شامی نے کہا کہ وہ صحت یاب ہو رہے ہیں۔ شامی کے مطابق مکمل صحت یاب ہونے میں کچھ وقت لگے گا لیکن وہ کرکٹ کے میدان میں واپسی کے لیے پراعتماد ہیں۔ واپسی کے لیے حیرت انگیز جوش و خروش دکھاتے ہوئے، شامی نے کہا، ‘ابھی ہیل کے ایکیلز ٹینڈن کا کامیاب آپریشن ہوا ہے! صحت یاب ہونے میں کچھ وقت لگے گالیکن میں اپنے پھر ایک بار اپنے پیروں پر کھڑے ہونے کے لیے بہت بے تاب ہوں۔
Just had a successful heel operation on my achilles tendon! 👟 Recovery is going to take some time, but looking forward to getting back on my feet. #AchillesRecovery #HeelSurgery #RoadToRecovery pic.twitter.com/LYpzCNyKjS
— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) February 26, 2024
شامی ورلڈ کپ کے دوران زخمی ہوئے تھے۔شامی 19 نومبر کو نریندر مودی اسٹیڈیم میں منعقدہ ون ڈے ورلڈ کپ فائنل 2023 کے دوران زخمی ہوئے تھے۔ وہ زخمی ٹخنے کے ساتھ ورلڈ کپ میں کھیلے تھے۔ انہوں نے ٹورنامنٹ میں شاندار کارکردگی کا مظاہرہ کیا اور سات میچوں میں 24 وکٹیں حاصل کیں۔ وہ سب سے زیادہ وکٹیں لینے والے بولر تھے۔ تاہم اس کے بعد وہ مسلسل کرکٹ ایکشن سے دور ہیں۔
شامی بھی آئی پی ایل نہیں کھیل سکیں گے۔
آئی پی ایل 2024 شروع ہونے میں ابھی تقریباً ایک ماہ باقی ہے۔ اس سے پہلے 2022 کی چیمپئن ٹیم اور 2023 کی رنر اپ گجرات ٹائٹنز کو بڑا جھٹکا لگا ہے۔ خبر رساں ایجنسی پی ٹی آئی نے بی سی سی آئی کے حوالے سے بتایا کہ شامی بائیں ٹخنے کی چوٹ کی وجہ سے پورے آئی پی ایل سیزن سے باہر ہو گئے ہیں۔ غور طلب ہے کہ شامی کو انجری کی وجہ سے جنوبی افریقہ کے دورے کے لیے بھی منتخب نہیں کیا گیا تھا۔ اس کے علاوہ وہ انگلینڈ کے خلاف ٹیسٹ سیریز سے بھی باہر ہو گئے تھے۔
شامی کی غیر موجودگی گجرات کے لیے بہت نقصان دہ ہو سکتی ہے۔ ہاردک پانڈیا کے گجرات چھوڑ کر ممبئی انڈینس جانے کی وجہ سے ٹیم کو پہلے ہی نقصان کا سامنا ہے۔ ہاردک، جو گجرات کے کپتان تھے، کو گزشتہ سال نیلامی سے قبل ممبئی نے جی ٹی کو فروخت کیا تھا۔