گجرات ٹائٹنز نے چنئی سپر کنگز کو 35 رنز سے شکست دی ہے۔ پہلے بلے بازی کرتے ہوئےگجرات ٹائٹنز نے پلے آف کے نقطہ نظر سے ایک اہم میچ میں 231 رنز کا بڑا اسکور بنایا تھا۔ شبمن گل کے 104 رنز اور سائی سدرشن کے 103 رنز نے گجرات کو بڑے اسکور تک پہنچایا۔ دوسری طرف ہدف کا تعاقب کرتے ہوئے چنئی سپر کنگز صرف 196 رنز بنا سکی۔ چنئی کی شروعات بہت خراب رہی کیونکہ ٹیم نے 10 رنز کے اندر 3 وکٹ گنوا دیے۔ تاہم ڈیرل مچل اور معین علی کے درمیان 109 رنز کی شراکت ہوئی۔ مچل نے 34 گیندوں پر 63 رنز بنائے، اس دوران انہوں نے 7 چوکے اور 3 چھکے لگائے۔ وہیں معین علی نے 36 گیندوں پر 56 رنز کی اننگز کھیلی جس کے دوران انہوں نے 4 چوکے اور 4 چھکے لگائے۔ لیکن یہ دونوں ٹیم کو فتح سے ہمکنار نہیں کر سکے۔ گجرات کی جانب سے موہت شرما نے سب سے زیادہ وکٹیں حاصل کیں۔ انہوں نے ڈیرل مچل، معین علی اور شیوم دوبے کی اہم وکٹیں حاصل کیں۔
چنئی سپر کنگز نے232 رنز کے ہدف کا تعاقب کرتے ہوئے پاور پلے اوور میں 3 وکٹوں کے نقصان پر 43 رنز بنائے تھے۔ یہاں سے ڈیرل مچل اور معین علی کے درمیان 109 رنز کی شاندار شراکت ہوئی۔ دونوں نے اگلے 6 اوورز میں 76 رنز جوڑے جس کی وجہ سے 12 اوورز کے بعد ٹیم کا اسکور 3 وکٹوں پر 119 رنز ہو گیا۔ اس دوران مچل 13ویں اوور کی دوسری گیند پر بڑا شاٹ کھیلتے ہوئے 63 رنز بنانے کے بعد آؤٹ ہو گئے۔ 15ویں اوور میں معین علی بھی 56 رنز بنانے کے بعد پویلین لوٹ گئے۔ چنئی سپر کنگز نے 15 اوور میں 143 رن بنائے تھے اور ٹیم کو جیت کے لئے آخری 5 اوور میں 89 رن درکار تھے۔
That memorable moment 😍
Sai Sudharsan goes back for a scintillating knock but not before thoroughly entertaining the crowd 👏💯
Watch the match LIVE on @JioCinema and @StarSportsIndia 💻📱#TATAIPL | #GTvCSK pic.twitter.com/VRF5VGDiVg
— IndianPremierLeague (@IPL) May 10, 2024
شیوم دوبے بھی 21 رن بنانے کے بعد 17 ویں اوور میں آؤٹ ہوئے لیکن رویندرا جڈیجہ آج گیند بازوں کو مات دینے کے موڈ میں تھے۔ اس دوران راشد خان نے 18ویں اوور میں 2 وکٹیں لے کر گجرات کی جیت کو تقریباً یقینی بنا لیا تھا۔ صورتحال یہ تھی کہ چنئی کو جیتنے کے لیے آخری اوور میں 52 رنز بنانے تھے۔ آخر میں دھونی نے 11 گیندوں میں 26 رنز کی شاندار اننگز کھیلی لیکن کافی کوششوں کے باوجودچنئی سپر کنگز ، 8 وکٹوں کے نقصان پر 196 رنز ہی بنا سکی۔ اس کے ساتھ ہی اس میچ میں چنئی کو 35 رنز سے شکست کا سامنا کرنا پڑا۔
The Helicopter Shot 🚁
A maximum from #CSK‘s Number 7️⃣💥
Watch the match LIVE on @StarSportsIndia and @JioCinema 💻📱#TATAIPL | #GTvCSK pic.twitter.com/2QAN3jPjTb
— IndianPremierLeague (@IPL) May 10, 2024
گجرات ٹائٹنز کی اس جیت کے ساتھ ہی آئی پی ایل 2024 میں پلے آف کی دوڑ دلچسپ ہو گئی ہے۔ چنئی سپر کنگز اب بھی 12 پوائنٹس کے ساتھ پوائنٹس ٹیبل میں چوتھے مقام پر ہے۔ ٹیم کو کوالیفائی کرنے کے لیے اگلے دو میچ جیتنے ہوں گے۔ چنئی سپر کنگز کی شکست آر سی بی کے لیے بھی اچھی خبر ہے کیونکہ چنئی کی جیت سے ٹاپ۔4 میں ان کا راستہ بہت مشکل ہو سکتا تھا۔ اب RCB اور گجرات ٹائٹنز بالترتیب 7ویں اور 8ویں پوزیشن پر ہیں اور دونوں کے 10 پوائنٹس ہیں۔ CSK کی شکست سے GT اور RCB کی پلے آف میں پہنچنے کی امیدیں ختم نہیں ہوئی ہیں۔
آخری 3 اوور میں چنئی سپر کنگز کو جیت کے لیے 64 رنز درکار تھے۔ راشد خان 18ویں اوور میں بولنگ کرنے آئے جس میں انہوں نے صرف 2 رنز دیے۔ انہوں نے رویندرا جڈیجہ کو اپنے اوور کی تیسری گیند پر ڈیوڈ ملر کے ہاتھوں آؤٹ کرایا۔ جڈیجہ نے 10 گیندوں میں 18 رنز بنائے۔ مچل سینٹنر بھی اوور کی 5ویں گیند پر صفر کےا سکور پر آؤٹ ہو گئے۔ اگرچہ دھونی ابھی بھی کریز پر موجود تھے لیکن 2 اوورز میں 62 رنز بنانا تقریباً ناممکن تھا۔ ان 2 وکٹوں کے ساتھ ہی راشد خان نے جی ٹی کی جیت کو تقریباً یقینی بنا لیا تھا۔
All the way 🚀
Shubman Gill with a free flowing half century 👏
Opening stand continues to flourish 🙌
Watch the match LIVE on @JioCinema and @StarSportsIndia 💻📱#TATAIPL | #GTvCSK pic.twitter.com/6DIVOhehz7
— IndianPremierLeague (@IPL) May 10, 2024
گجرات ٹائٹنز کے لیے دونوں اوپنرز شبھمن گل اور سائی سدرشن نے سنچری اننگز کھیلی۔ گیل نے 55 گیندوں میں 104 رنز بنائے، اس دوران انہوں نے 9 چوکے اور 6 چھکے لگائے۔ دوسری جانب سدرشن نے 51 گیندوں پر 103 رنز کی اننگز کھیلی۔ اس میں ان کے بلے سے 5 چوکے اور 7 چھکے لگے۔ گل۔سدرشن آئی پی ایل کی تاریخ کی تیسری جوڑی ہیں جنہوں نے میچ کی ایک اننگز میں سنچریاں بنائیں۔ اس کے علاوہ گل اور سدرشن نے آئی پی ایل کی تاریخ میں پہلی وکٹ کے لیے سب سے بڑی شراکت کا ریکارڈ بھی اپنے نام کر لیا ہے۔ گل اور سدرشن نے پہلی وکٹ کے لیے 210 رنز جوڑے۔ ان سے پہلے 2022 میں کوئنٹن ڈی کاک اور کے ایل راہول نے پہلی وکٹ کے لیے 210 رنز کی شراکت داری کی تھی۔