Tag Archives: Mohammed Siraj

اسپورٹس

راجکوٹ ٹیسٹ میچ میں محمدسراج کاجلوہ، تباہ کْن پولنگ کرکے6وکٹیں حاصل کی، ٹیم انڈیا 126رنزسے آگے

نئی دہلی:انڈین کرکٹ ٹیم نے راجکوٹ ٹیسٹ میچ میں زبردست واپسی کی ہے۔ ٹیم انڈیا نے میچ کے پہلے دن ٹاس جیت کر بیٹنگ کا فیصلہ کیا۔ خراب آغاز کے بعد کپتان روہت شرما اور آل راؤنڈر رویندر جڈیجہ کی سنچری اننگز کی بدولت ٹیم نے پہلی اننگز میں 445 رنز بنائے۔ میچ کے دوسرے روز پہلی اننگز کھیلنے آئی انگلش ٹیم نے 2 وکٹوں پر 207 رنز بنائے تھے تاہم تیسرے روز ہی دوسرے سیشن میں انگلینڈ کی پوری ٹیم 319 رنز پر ڈھیر ہوگئی۔ ٹیم انڈیا کو پہلی اننگز کی بنیاد پر 126 رنز کی اہم برتری حاصل ہے۔

انگلینڈ کے خلاف کھیلی جا رہی 5 ٹیسٹ میچوں کی سیریز کے تیسرے میچ میں ہندوستان نے زبردست واپسی کی ہے۔ میچ کے تیسرے روز انگلینڈ کی ٹیم 207 رنز سے آگے آئی اورربردست بولنگ کرتے ہوئے ہندوستان نے پوری انگلینڈ ٹیم کی اننگز 319 رنز پر سمیٹ دی۔ بلے باز دوسرے دن کے سکور میں صرف 112 رنز کا اضافہ کر سکے۔ کلدیپ یادو نے وکٹیں لینا شروع کیں اور اس کے بعد محمد سراج نے جسپریت بمراہ کے ساتھ مل کر گیند پر تباہی مچادی۔

20 رنز پر 5 وکٹیں گریں۔

انگلینڈ کی ٹیم 299 رنز کے اسکور پر 5 وکٹیں گنوا چکی تھی۔ اس اسکور پر ٹیم کی چھٹی وکٹ کپتان بین اسٹوکس کی صورت میں گری۔ اس کے بعد محمد سراج نے بین فاکس کو اسی سکور پر واپس جانے پر مجبور کر دیا۔ اس طرح انگلینڈ نے 299 رنز پر دو وکٹیں گنوا دیں۔ اس کے بعد 314 رنز کے اسکور پر ریحان احمد کو سراج نے دھیمی گیند پر چکمہ دے کر بولڈ کردیا۔ اس اسکور پر ٹام ہارٹلے کو رویندرا جدیجا کی گیند پر دھرو جورل نے اسٹمپ کیا۔

319 رنز کے اسکور پر جیمز اینڈرسن اپنے اگلے ہی اوور میں محمد سراج کے ہاتھوں کلین بولڈ ہوگئے۔ اس طرح ٹیم کا سکور 299 سے 319 رنز 5 وکٹوں سے بڑھ کر 10 تک پہنچ گیا۔ انگلینڈ کے خلاف پہلی اننگز میں سراج نے 84 رنز کے عوض 4 وکٹیں حاصل کیں جبکہ جڈیجہ اور کلدیپ نے 2-2 وکٹیں حاصل کیں۔ آر اشون اور جسپریت بمراہ نے 1-1 وکٹ حاصل کی۔

اسپورٹس

تیسرے ٹیسٹ سے پہلے ٹیم انڈیا کو لگا جھٹکا، خطرناک گیند باز ہوسکتا ہے باہر، سراج کی واپسی ممکن

نئی دہلی : انگلینڈ کو وشاکھاپٹنم میں ہندوستان کے خلاف دوسرے ٹیسٹ میں شکست کا منہ دیکھنا پڑا۔ اس طرح سیریز 1-1 سے برابر ہے۔ ہندوستان اور انگلینڈ کے درمیان تیسرا ٹیسٹ گجرات کے سوراشٹر کرکٹ ایسوسی ایشن اسٹیڈیم میں کھیلا جائے گا۔ یہ ٹیسٹ میچ 15 فروری سے شروع ہوگا جو 19 فروری تک جاری رہے گا۔ اس سے پہلے خبر آرہی کہ جسپریت بمراہ تیسرے ٹیسٹ سے باہر ہو سکتے ہیں۔

کرک بز کی ایک رپورٹ کے مطابق جسپریت بمراہ کو تیسرے ٹیسٹ کے لئے بریک دیا جا سکتا ہے۔ اس کا مطلب ہے کہ اگر ایسا ہوتا ہے تو وہ تیسرے میچ میں کھیلتے نظر نہیں آئیں گے۔ سلیکٹرز اور ٹیم مینجمنٹ نے فیصلہ کیا ہے کہ بمراہ کو راج کوٹ ٹیسٹ کے لئے آرام دیا جائے۔ ان کی نظر آخری دو ٹیسٹ کھیلنے پر ہوگی۔ اگر ایسا ہوا تو محمد سراج کی ٹیم میں واپسی ہو سکتی ہے۔ سراج نے دوسرا ٹیسٹ نہیں کھیلا تھا۔

دوسرے ٹیسٹ میچ میں 9 وکٹیں لینے والے جسپریت بمراہ کو میچ کا بہترین کھلاڑی منتخب کیا گیا تھا۔ بمراہ نے ہندوستان کے لیے ایسے وقت میں وکٹ حاصل کی جب ٹیم کو اس کی سب سے زیادہ ضرورت تھی۔ میچ کا رخ ٹیم انڈیا کی طرف موڑنے کے لیے انہیں اس ایوارڈ کے لئے منتخب کیا گیا تھا۔ بتادیں کہ دوسرے میچ میں بمراہ نے 91 رنز دے کر 9 وکٹیں حاصل کی تھیں۔ پہلے میچ میں بھی بمراہ نے شاندار گیند بازی کی تھی اور کل 6 وکٹیں حاصل کی تھیں۔

یہ بھی پڑھئے: آٹھ سالوں تک دنیا سے چھپائے رکھا، اب عرفان پٹھان کی اہلیہ کا چہرہ آیا نظر، خوبصورتی میں بالی ووڈ اداکاراوں کو دیتی ہیں مات

یہ بھی پڑھئے: پاکستانی کرکٹر کو ہندوستانی لڑکی سے ہوا پیار، تین بیٹیوں کی ماں کو طلاق دے کر کی تھی شادی

تیسرے ٹیسٹ کیلئے ٹیم انڈیا کی ممکنہ پلیئنگ: یشسوی جیسوال، روہت شرما (کپتان)، رجت پاٹیدار/ وراٹ کوہلی، شریس ایئر، کے ایل راہل (وکٹ کیپر)، شریکر بھرت، رویندر جڈیجہ، روی چندرن اشون، اکشر پٹیل، مکیش کمار اور محمد سراج ۔

اسپورٹس

آپ مایوس ہوں اور وزیر اعظم آکر حوصلہ بڑھائیں تو اس سے بہتر کیا… محمد شامی کا دل جیتنے والا جواب

نئی دہلی: ورلڈ کپ 2023 میں اچھی کارکردگی دکھانے کے باوجود ہندوستانی ٹیم ٹائٹل کی دہلیز پر ہی رک گئی۔ آسٹریلیا نے فائنل میں ہندوستان کو 6 وکٹوں سے شکست دے کر عالمی چیمپئن کا درجہ حاصل کر لیا۔ اس سے ہندوستانی ٹیم کا مایوس ہونا فطری تھا۔ لیکن مایوسی کے اس وقت میں خود وزیر اعظم نریندر مودی نے ہندوستانی کرکٹ ٹیم کی حوصلہ افزائی کی اور شکست سے سنبھل کر آگے بڑھنے کا مشورہ دیا۔ پی ایم کے اس قدم کی ہر طرف ستائش ہوئی۔ محمد شامی نے پی ایم کے اس کام کی کھل کر تعریف کی ہے۔

پی ایم مودی کی ہندوستانی ٹیم سے ملاقات کے بارے میں محمد شامی نے کہا، ‘اس وقت ہم میچ ہار چکے تھے۔ ایسے میں جب آپ کا وزیراعظم آکر آپ کی حوصلہ افزائی کرتا ہے تو اس سے ایک الگ ہی اعتماد ملتا ہے کہ ملک کا ایک ذمہ دار آدمی آپ کے ساتھ آیا ہے۔ آپ سے ہمدردی کا اظہار کیا۔ یہ بہت ضروری ہے۔’

غزہ جنگ بندی میں کیوں ہو رہی تاخیر، اسرائیل کے ذہن میں کیا ہے؟ جمعہ ہوگا بے حد اہم دن

مہنگا گیزر بھول جائیں اور گھر لے آئیں یہ سستی بالٹی، شدید سردی میں بھی ابلتا ہوا ملے گا پانی

میڈیکل ایمرجنسی: انڈیگو کی فلائٹ نے پاکستان کے کراچی میں کی لینڈنگ، بیمار مسافر کو نہیں بچایا جا سکا

اوپو لایا فون کی بجٹ میں نیا ٹیبلیٹ، پاور بینک جیسی ہے بیٹری اور 11 انچ کا ہے ڈسپلے

محمد شامی نے اے این آئی کو بتایا کہ ’جب آپ کے حوصلے پست ہوں اور ایسے وقت میں جب آپ کے وزیر اعظم آپ کے ساتھ کھڑے ہوں۔ وہ آپ کو اعتماد دے رہا ہے۔ وہ کھلاڑی میں اعتماد پیدا کرتی ہے۔ میرے خیال میں یہ ایک بڑا پائنٹس ہے۔’

آپ کو بتاتے چلیں کہ وزیر اعظم نریندر مودی نے ورلڈ کپ فائنل میچ کے فوراً بعد ہندوستانی کرکٹ ٹیم سے ملاقات کی تھی۔ انہوں نے تقریباً ہر کھلاڑی سے بات کی تھی اور محمد شامی کو گلے لگا کر کہا کہ آپ نے اس بار بہت اچھی کارکردگی دکھائی ہے۔

اسپورٹس

محمد سراج کے گھر پہنچے وراٹ کوہلی، لیا’حیدرآبادی بریانی‘ کا مزہ، دیکھیں تصاویر

وراٹ کوہلی کے لیے محمد سراج کا لگاو کسی سے چھپا نہیں ہے۔ سراج اور وراٹ کوہلی کی زبردست بانڈنگ بھی میدان پر دیکھنے کو ملتی ہے۔ سراج سے جب بھی بات چیت ہوتی ہے تو وہ اکثر وراٹ کوہلی کو اپنا آئیڈیل بتاتے ہیں۔ اسی درمیان رائل چیلنجرس بنگلور نے اپنے سوشل میڈیا ہینڈل پر کچھ تصویریں شیئر کی ہیں جس میں وراٹ کوہلی، محمد سراج اور ان کی فیملی کے ساتھ نظر آرہے ہیں۔ وراٹ کوہلی کے علاوہ آر سی بی کیپوری ٹیم سراج کے گھر پہنچی۔ آر سی بی نے تصویریں شیئر کرتے ہوئے اسے بہت ہی مزیدار کیپشن دیا ہے۔ جس میں لکھا ہے کہ، ’یہ حیدرآبادی بریانی کا ٹائم ہے۔‘

اس سے قبل سوشل میڈیا پر ایک ویڈیو بھی وائرل ہوئی تھی جس میں ٹیم کے کپتان فاف ڈو پلیسی اور باقی کھلاڑی دعوت کے لیے سراج کے نئے گھر پہنچے تھے۔ ویڈیو میں دیکھا جا سکتا ہے کہ آر سی بی کے کھلاڑی سراج کو گلے لگا کر ان کے نئے گھر کے لیے مبارکباد دے رہے ہیں۔اگر ہم آر سی بی کے اس اسٹار کھلاڑی کی جدوجہد کی بات کریں تو ان کے لیے کامیابی کا سفر بھی آسان نہیں رہا۔

یہ بھی پڑھیں:

تمغہ جیت کر وطن واپس ہوئے باکسر، والد کو انعامی رقم دیں گے حسام الدین، دیپک، ماں کے لیے بنائیں گے گھر

چند روز قبل ایک انٹرویو منظرعام پر آیا تھا، جس میں سراج نے اپنے بچپن سے کامیابی تک کے سفر کے بارے میں بتایا تھا کہ انہیں کس قسم کی مشکلات کا سامنا کرنا پڑا۔


یہ بھی پڑھیں:

کرونال پانڈیا’ریٹائرڈ ہرٹ‘ ہوئے یا ’ریٹائرڈ آؤٹ‘؟ شروع ہوئی نئی بحث، جانیے کیا ہے پورا معاملہ

سراج کا بچپن کافی غریبی میں گزرا ہے۔ ان کے والد آٹو چلاتے تھے۔ یہاں تک کہ سراج کے شروعاتی دنوں میں ان کے پاس پریکٹس کے لیے جوتے تک  نہیں ہوتے تھے۔ اس کے باوجود انہوں نے سخت محنت کی، اور آج یہ گیندباز دنیا کا بہترین گیند باز ہے۔

اسپورٹس

’بالر کو کوئی بولتا ہے تو غصہ آتا ہے‘، فِل سالٹ کے ساتھ ہوئی بحث پر محمد سراج کا انکشاف

محمد سراج اور فِل سالٹ کے درمیان میچ کے دوران کشیدگی دیکھنے کو ملی تھی۔ سراج کے غصے کو لے کر سوشل میڈیا پر کافی باتیں ہورہی ہیں۔ سراج کے غصے والے رویے پر فینس کی الگ الگ رائے ہے۔ آر سی بی کے گیندباز کی کوئی تنقید کررہا ہے تو کوئی اسے کھیل کے تئیں جارحانہ رویہ بتارہا ہے۔ وہیں، اب سراج نے سالٹ کے ساتھ ہوئی بحث کو لے کر اپنی بات رکھی اور کہا کہ، اگر کوئی بلے باز بالر کو بولتا ہے تو غصہ آتا ہے، حالات جیسے بنتے ہیں، اس وقت میں ویسا ہی ری ایکٹ کرتا ہوں۔‘

آر سی بی کی جانب سے شیئر کیے گئے ویڈیو میں سراج نے کہا کہ، گیندباز کو کوئی بولتا ہے تو غصہ آتا ہی ہے، لیکن اس نے بہترین بلے  باز کی، میدان پر ہوتا ہے اسے میں وہیں چھوڑ کر آتا ہوں، یہی وجہ تھی کہ میچ ختم ہونے کے بعد میں نے اسے گلے سے لگایا تھا۔‘


یہ بھی پڑھیں:

اظہر علی نے گیندباز کی غلطی کا اڑایا مذاق، پاکستانی بلے باز کی حرکت سے بوکھلایا انگلش کرکٹر، دیکھیں ویڈیو

یہ بھی پڑھیں:

ممبئی انڈینس سے ہارکر بھی پلے آف میں پہنچ سکتی ہے RCB، جانیے مکمل تفصیل

بتا دیں کہ دہلی کیپٹلس (DC) کے خلاف میچ میں آر سی بی کو شکست کا سامنا کرنا پڑا تھا۔ اس وقت بنگلور چھٹے نمبر پر ہے جبکہ ممبئی انڈینز آٹھویں نمبر پر ہے۔ دوسری جانب، رائل چیلنجرس بنگلور (آر سی بی) کو وانکھیڑے اسٹیڈیم میں ممبئی انڈینس کے ہاتھوں کراری ہار کا سامنا کرنا پڑا ہے، جس سے آئی پی ایل 2023 کے پلے آف میں پہنچنے کا راستہ اور مشکل ہوگیا ہے۔ آر سی بی کو شروع سے پلے آف میں پہنچنے والی ٹیموں میں سے ایک مانا جارہا تھا، لیکن پچھلے کچھ میچوں میں ٹیم پٹری سے اتر گئی۔ آر سی بی کو گزشتہ چار میں سے تین میچوں میں ہار کا سامنا کرنا پڑا ہے۔ اس شاندار جیت کے ساتھ ہی ممبئی انڈینس اب پوائنٹ ٹیبل میں تیسرے نمبر پر پہنچ گئی ہے۔

اسپورٹس

سراج کی ’ووبل سیم‘ کا قہر، بٹلرنے گنوایا وکٹ، جانیے کیا ہے سیم اور کیسے کرتی ہے کام

ہندوستان کے تیز گیند باز محمد سراج نے اپنی گیندبازی میں کافی بہتری کرلی ہے۔ ان کے پچھلے دنوں کی گئی محنت کا اثر کل کے مقابلے میں دیکھنے کو ملا، جب وہ چار وکٹ لے کر پلیئر آف دی میچ بنے، تو وہیں اتوار کو ڈبل ہیڈر کے تحت ایم اے چناسوامی اسٹیڈیم میں کھیلے گئے پہلے میچ میں سراج نے دنیا کے سب سے جارح بلے بازوں میں سے ایک جوس بٹلر کو ایسے آوٹ کیا کہ اس بلے باز کی آنکھیں کھلی کی کھلی رہ گئیں۔ اور کمنٹیٹر باکس میں بیٹھے سابق کھلاڑیوں کا منہ بھی کھلا رہ گئے جنہوں نے سراج کی ووبل سیم یا اسکریمبل سیم کو دیکھا۔

ووبل/اسکریمبل سیم کے بارے میں جانیے

اس سیم کو ان دونوں ناموں سے پکارا جاتا ہے۔ اس طرح کی سیم میں پیسر گیند کو اس طرح سے پکڑتا ہے کہ نہ تو سیم سیدھی رہے اور نہ ہی گیند کراس طریقے سے پکڑے۔ جیسا کہ آپ سمجھ سکتے ہیں کہ انگریزی کے لفظ اسکریمبل کا مطلب لڑکھڑانا ہوتا ہے، تو گیند کی سیم بالر کے ہاتھ سے چھوٹنے کے بعد سلائی سے ایک دم گھیرا بناتے ہوئے نہیں بلکہ لڑکھڑاتے ہوئے جاتی ہے۔


یہ بھی پڑھیں:

محمد سراج کے نام ہوا ایک اور اعزاز، آئی پی ایل میں ڈالی ہیں سب سے زیادہ ’ڈاٹ بال‘

یہ بھی پڑھیں:

ایم ایس دھونی نے دئیے ریٹائرمنٹ کے اشارے، تو جذباتی فینس نے کی سوشل میڈیا پر درخواست

بالر کو ایسے ملتا ہے فائدہ

عام طور پر جب بالر کے ہاتھ سے گیند کے چھوٹے وقت سیم (سلائی) باہر یا اندر کی طرف ہوتی ہے، تو بلے باز کو پتہ چل جاتا ہے کہ گیند ٹپہ کھانے کے بعد کس سمت میں جائے گی، لیکن جب گیند اسکریمبل سیم ہوتے ہوئے آتی ہے، تو بلے باز گمراہی میں رہتا ہے کہ گیند اندر آئے گی یا باہر جائے گی۔ یہی گمراہی گیندباز کو فائدہ پہنچاتی ہے۔ بٹلر بھی کنفیوژ رہے۔ گیند اندر آئی، بیٹ اور گیند کے درمیان گیپ بہت زیادہ تھا اور ان کا مڈل اسٹمپ اکھڑ گیا۔

اسپورٹس

’سراج کا راج تو ابھی بس شروع ہوا ہے۔۔۔‘ محمد سراج نئی بلندی پر، صرف 50 میچوں میں کیا یہ کارنامہ

محمد سراج نے تیسرے ونڈے میچ میں 7 اوور کی گیندبازی کی اور 37 رن دے کر 2 وکٹ لیے۔ ایسا کرتے ہی سراج نے انٹرنیشنل کرکٹ میں اپنے 100 وکٹ پورے کرلیےہیں۔ بتادیں کہ سراج نے اب تک ٹسٹ میں 47، ونڈے میں 43 اور ٹی ٹوئنٹی انٹرنیشنل میں 11 وکٹ لیے ہیں۔ سراج حالیہ وقت میں لگاتار بہترین گیندبازی کررہے ہیں۔


ٹسٹ رینکنگ میں سراج کو لگا جھٹکا
آسٹریلیا کے جوش ہیزل ووڈ نے ونڈے گیندبازوں کے لیے بدھ کو جاری تازہ آئی سی سی رینکنگ میں تیز گیندباز محمد سراج کو پہلے مقام سے ہٹادیا ہے جس سے یہ ہندوستانی تیسرے مقام پر آگیا ہے۔ ایک دیگر آسٹریلیائی تیز گیندباز مچیل اسٹارک بھی اوپر کی جانب بڑھ کر سراج کےس اتھ مشترکہ تیسرے مقام پر پہنچ گیا ہے۔ اسٹارک نے ہندوستان میں تین میچوں کی سیریز کے پہلے دو ونڈے میں متاثر کیا تھا۔


یہ بھی پڑھیں:

ٹیم انڈیاکے بلے بازوں نے پھر کیامایوس، آخری میچ جیت کرآسٹریلیا نے ونڈے سیریز کی اپنے نام

یہ بھی پڑھیں:

آئی پی ایل میں ٹوٹے گاعمران ملک کا ریکارڈ! 5خطرناک گیندبازوں م یں ہوگی جنگ…

سراج نے آسٹریلیا کے خلاف پہلے ونڈے میں 29 رن دے کر تین وکٹیں لی تھی اور شاندار مظاہرہ کرتے ہوئے ہندوستان کو جیت دلانے میں مدد کی تھی۔ حالانکہ وہ دوسرے ونڈے میں کافی مہنگے رہے، انہوں نے تین اووروں میں 37 رن دے دئیے جس سے وہ پہلے رینکنگ گیندباز کا اپنا مقام کھو بیٹھے۔

اسپورٹس

محمد سراج کی قاتلانہ گیندبازی، پچ پر ٹپہ کھاتے ہی گیند نے پکڑی رفتار، بلے باز کا اسٹمپ لے اڑی۔ دیکھیں ویڈیو

ونڈے کے نمبر ون گیند باز محمد سراج نے آسٹریلیا کے خلاف پہلے ونڈے میچ میں اپنے پہلے ہی اوور میں آسٹریلیائی اوپنر ٹریوس ہیڈ کو بولڈ کر کے آسٹریلیا کو پہلا جھٹکا دیا ۔ ہیڈ 5 رن بنا کر آوٹ ہوئے۔ ہیڈ کو سراج نے اپنی بہترین گیند پر پلے ڈاون کردیا اور بولڈ کر کے انہیں پویلین کی راہ دکھا دی۔

دراصل، سراج نے آف اسٹمپ کی لائن پر گیند پھینکی، جس پر بلے باز ہوائی شاٹ مارنے کی کوشش کرتا دکھائی دیا تاہم گیند کی رفتار سے بیٹسمین ٹائمنگ نہیں سمجھ پایا، جس سے گیند بلے پر لگی اور اسٹمپ کے اندر گھس گئی۔ اس طرح سے سراج نے ہیڈ کی اننگ کا خاتمہ کردیا۔

ٹریوس ہیڈ کو آوٹ کرنے کے بعد سراج نے بھرپور انداز میں جشن منایا اور ساتھ ہی پویلین جاتے وقت بھی ہیڈ پیچھے مڑ کر ہندوستانی کھلاڑیوں کے جشن کو لگاتار دیکھتے ہوئے نظر آئے۔ پہلے ونڈے میں سراج نے 3 آسٹریلیائی کھلاڑیوں کا شکار کرنے میں کامیابی حاصل کی۔


اس سے پہلے ہندوستان کے کارگزار کپتان ہاردک پانڈیا نے آسٹریلیا کے خلاف پہلے ونڈے میچ میں جمعہ کو یہاں ٹاس جیت کر پہلے فیلڈنگ کرنے کا فیصلہ کیا۔ مقررہ کپتان روہت شرما، نجی وجوہات کی وجہ سے اس میچ میں نہیں کھیل پارہے ہیں۔ ہندوستان نے کلدیپ یادو کے طور پر کلائی کے اسپنر کو حتمی گیارہ کھلاڑیوں میں شامل کیا ہے۔

یہ بھی پڑھیں:

یو اے ای کے آصف خان نے ونڈے میں مچایا تہلکہ، 41 گیندوں میں سنچری بناکر رقم کی تاریخ

یہ بھی پڑھیں:

رشبھ پنت کی جگہ یہ کھلاڑی اس مرتبہ کرے گا دلی کیپٹلس کی کپتانی

رویندر جڈیجہ دوسرے اسپنر کا رول ادا کریں گے۔ آسٹریلیا کے سلامی بلے باز ڈیویڈ وارنر ابھی پوری طرح فٹ نہیں ہوئے ہیں اور ان کی جگہ مشیل مارش اننگ کی شروعات کررہے ہیں۔

اسپورٹس

عمران ملک کے تلک نہیں لگانے کے تنازعہ کے بعد سامنے آئی نئی تصویر، ناقدین کو ملا کرارا جواب

ہندوستان اور آسٹریلیا کے درمیان چار ٹسٹ میچوں کی سیریز 9 فروری سے شروع ہونے جارہی ہے۔ سیریز شروع ہونے سے عین قبل ہندوستان کے دو اسٹار کھلاڑی محمد سراج اور عمران ملک کا نام تنازعات میں گھسیٹا گیا۔ ہفتہ (چار فروری) کو سوشل میڈیا پر ایک ویڈیو وائرل ہوا، جس میں دونوں کھلاڑی ہوٹل میں تلک لگوانے بغیر چلے جاتے ہیں۔ اس کے بعد دونوں کو کئی لوگوں نے جان بوجھ کر ٹرول کیا تو کچھ لوگوں نے ان کی حمایت بھی کی ہے۔


اس درمیان، سوشل میڈیا پر اب ایک تصویر وائرل ہورہی ہے جس میں عمران ملک ہوٹل میں تلک لگواتے ہوئے نظر آرہے ہیں۔ سوشل میڈیا پر ٹیم انڈیا کے فینس نے اس تصویر کو شیئر کرنا شروع کردیا ہے۔

Image

انہوں نے عمران پر تنقید کرنے والوں کو کرارا جواب دیا ہے۔ ہفتہ کو جو ویڈیو وائرل ہوا اس میں سراج اور  عمران ملک کے علاوہ کھلاڑی وکرم راٹھوڑ نے بھی تلک لگوانے سے انکار کردیا تھا۔ ان کے علاوہ ٹیم کے کچھ دیگر ارکان نے بھی ایسا کیا تھا۔

کیا ہے پورا معاملہ؟

ہندوستانی ٹیم کا ایک ویڈیو سوشل میڈیا پر وائرل ہورہا ہے جس میں ٹیم کے سبھی ارکان ہوٹل کے اندر جاتے دکھائی دے رہے ہیں۔ اس دوران ہوٹل اسٹاف تلک لگاکر ٹیم کے سبھی ارکان کا استقبال کررہے ہیں، لیکن ٹیم انڈیا کے کچھ ارکان تلک لگوانے سے منع کردیتے ہیں۔

یہ بھی پڑھیں:

ہندوستان اور آسٹریلیا کے درمیان ایک دن میں ہوں گے سات میچ، شیڈول سے لیکر لائیو اسٹریمنگ تک

یہ بھی پڑھیں:

چار مارچ سے شروع ہوگی ’وومنس پریمیئر لیگ‘ ممبئی اور احمدآباد کے درمیان ہوگا پہلا میچ

ویڈیو میں دیکھا جاسکتا ہے کہ عمران ملک، محمد سراج، وکرم راتھوڑ اور ہری پرساد موہن، تلک لگوانے سے منع کردیتے ہیں۔ حالانکہ، ٹیم کے باقی ارکان تلک لگواتے ہیں اور کئی رکن تو اپنا چشمہ اتار کر تلک لگواتے ہیں۔

اسپورٹس

VIDEO: سراج کی قاتلانہ گیند بازی، ہیٹ ٹرک کے قریب، پاکستان کے بلے باز کو ہوا تک نہیں لگی

نئی دہلی: محمد سراج (Mohammed Siraj) ان دنوں انگلینڈ میں ہیں اور کاونٹی کرکٹ کھیل رہے ہیں۔ واروک شائر سے کھیل رہے محمد سراج نے سمرسیٹ کے خلاف خطرناک گیند بازی کی اور وہ ہیٹ ٹرک کے قریب پہنچ گئے تھے۔ میچ میں سمرسیٹ نے ٹاس جیتنے کے بعد بلے بازی کا فیصلہ کیا۔ ٹیم نے خبر لکھے جانے تک 33 اوور میں 6 وکٹ پر 78 رن بنا لئے تھے۔ لوئس جارجی 18 رن بناکر کھیل رہے ہیں۔ 4 روزہ میچ کے پہلے دن بارش نے بھی خلل ڈالا۔ محمد سراج کی ٹیم میں ہندوستانی آف اسپنر جینت یادو بھی کھیل رہے ہیں۔ وہیں سمرسیٹ کی طرف سے پاکستان کے امام الحق اترے۔ سراج نے انہیں اپنا شکار بنایا۔

سمرسیٹ نے پہلے کھیلتے ہوئے سست شروعات کی۔ 9 اوور کے بعد اسکور بغیر وکٹ کے 12 رن تھا۔ 10واں اوور ڈالنے آئے محمد سراج نے امام الحق کو وکٹ کیپر کے ہاتھوں کیچ کرایا۔ وہ اس گیند کو سمجھ نہیں سکے۔ وہ 20 گیندوں پر صرف 5 رن بناسکے۔ جینت یادو نے بھی ایک وکٹ لیا۔ انہوں نے سلامی بلے باز ٹام لامابے کو اسٹمپ کرایا۔ انہوں نے 68 گیندوں پر 24 رن بنائے۔ اس میں 3 چوکا بھی شامل ہے۔

2 گیند پر 2 وکٹ

محمد سراج نے 22ویں اوور کی پہلی گیند پر جارج بارلیٹ کو آوٹ کیا۔ انہوں نے 27 گیندوں پر 12 رن بنائے۔ انہوں نے اگلی گیند پر جیمس ریو کو آوٹ کیا۔ وہ کھاتہ تک نہیں کھول ایسے میں وہ ہیٹ ٹرک کے نزدیک پہنچ چکے تھے، لیکن جارجی نے ہیٹ ٹرک پوری نہیں ہونے دی۔ محمد سراج نے اب تک 13 اوور میں 25 رن دے کر 3 وکٹ لئے ہیں۔ 5 اوور میڈن اوور بھی ڈالا ہے۔ جینت یادو نے 7 اوور میں 18 رن دے کر ایک وکٹ لیا ہے۔

28 سال کے محمد سراج کا فرسٹ  کلاس کیریئر میں اچھی کارکردگی رہی ہے۔ اس مقابلے سے پہلے تک انہوں نے 52 میچ میں 25 کی اوسط سے 194 وکٹ حاصل کئے ہیں۔ 59 رن دے کر 8 وکٹ بہترین کارکردگی ہے۔ 16 بار 4 اور 5 بار 5 وکٹ لئے ہیں۔ وہ ہندوستان کی طرف سے 13 ٹسٹ میں 40 وکٹ حاصل کئے ہیں۔ 73 رن دے کر 5 وکٹ بہترین کارکردگی ہے۔