شک کبھی کبھی رشتوں کی بنیاد کو ہلا دیتا ہے۔ خاندانوں کو تباہ کرتا ہے۔ ایک خاتون کے ساتھ بھی ایسا ہی ہوا۔ جب اس کی پوتی کی پیدائش ہوئی تو وہ کافی خوش تھی۔ برسوں اس کی پرورش کی۔ لیکن ایک دن دماغ فتور آ گیا کیونکہ 15 سال کی ہوچکی پوتی لنڈسے اپنے دیگر بہن بھائیوں سے الگ دکھتی تھی۔ اس کے بال سنہرے اور گھنگریالے تھے جبکہ دوسرے بچوں کے بال کالے تھے۔ دادی کو لگا کہ شاید وہ ہمارے خاندان کی بیٹی نہیں ہے۔ شاید بہو کچھ چھپا رہی ہے۔ پھر کیا تھا، اس نے پوتی کا ڈی این اے ٹیسٹ کروا لیا۔ پھر بیٹے کا ایسا راز کھلا کہ پورا خاندان صدمے میں ہے اور دادی پچھتا رہی ہے کہ اس نے ایسا کیوں کیا۔ اگر ڈی این اے ٹیسٹ نہ کرایا جاتا تو یہ صورتحال نہ ہوتی۔
دی مرر کی ایک رپورٹ کے مطابق خاتون نے اپنی کہانی سوشل میڈیا پلیٹ فارم ریڈٹ پر شیئر کی ہے۔ لوگوں سے پوچھا کہ اب کیا کیا جائے؟ خاتون نے لکھا کہ الگ نظر آنے کے باوجود میں اپنی پوتی سے اتنا ہی پیار کرتی ہوں۔ میں اس کے لیے کچھ بھی کر سکتی ہوں، لیکن میں جاننا چاہتی تھی کہ وہ اپنے بہن بھائیوں سے کیسے الگ نظر آتی ہے۔ میں نے اپنے بیٹے اور بہو سے کہا کہ شاید لنڈسے کی پیدائش کے دوران کچھ غلط ہوا ہے، یہ جاننا ضروری ہے۔ لیکن ان دونوں نے ہماری بات کو نظر انداز کر دیا۔ کہا اسے یہیں بھول جاؤ۔ وہ ہماری بیٹی ہے اور ہم اس کے بارے میں کوئی شک نہیں کرسکتے ۔
دادی نے لکھا : ایک دن جب لنڈسے اسکول میں تھی، اس کی بائیولوجی ٹیچر نے کہا کہ تمہاری خوبیاں کچھ الگ ہیں۔ آپ اپنے خاندان کے ساتھ فٹ نہیں ہو ۔ وہ اتنی اداس ہوئی کہ بھاگتی ہوئی میرے پاس آئی اور اپنا ماضی جاننا چاہا ۔ لیکن جب ہم نے ڈی این اے ٹیسٹ کرایا تو نتائج حیران کن تھے۔ انکشاف ہوا کہ جن کو وہ اب تک اپنا ماں باپ سمجھ رہی تھی، وہ دراصل کوئی اور ہیں اور وہ ان کا بچہ نہیں ہے۔
خاتون نے لکھا : جب میں نے مزید تفتیش کی تو معلوم ہوا کہ میرے بیٹے کے کسی دوسری خاتون سے تعلقات تھے۔ لنڈسے اس کے یہاں پیدا ہوئی تھی ، لیکن اس کی بایولاجیکل ماں نے اسے چھوڑ دیا۔ تب سے میرا بیٹا اس کی پرورش کر رہا ہے۔ یہی نہیں میری بہو کو بھی اس کا علم ہے۔ یہ جاننے کے بعد یوزرس نے کہا کہ آپ کا بیٹا اور بہو سچ چھپا رہے ہیں کیونکہ وہ اپنی بیٹی کو تکلیف نہیں دینا چاہتے تھے۔ آپ کو بھی اسے نہیں کھولنا چاہئے۔ پوتی کو سمجھائیں۔ اسے ہمت دیں۔
وارانسی: اترپردیش کے وارانسی سے ایک چونکا دینے والا معاملہ سامنے آیا ہے۔ جہاں ایک ہوٹل میں ایس ایس بی کا ایک جوان مہینوں سے برتن دھو کر اپنی روزی روٹی کما رہا تھا۔ معلومات کے مطابق یہ فوجی جوان 2 سال قبل اپنے گھر سے لاپتہ ہو گیا تھا۔ نوجوان کا تعلق تمل ناڈو سے ہے اور اس کا نام پربھو بتایا جارہا ہے۔
بتادیں کہ 1 ماہ قبل سماجی کارکن سنجے پال نے کینٹ ریلوے اسٹیشن سے بھوک اور پیاس سے نڈھال ایس ایس بی جوان کو بچایا تھا۔ بچاؤ کے بعد سماجی کارکن سنجے نوجوان کو اپنے آشرم لے گئے۔ فوجی کا طویل عرصے تک آشرم میں علاج ہوتا رہا۔ جب جوان کی حالت بہتر ہوئی تو پتہ چلا کہ وہ ایس ایس بی آرمی میں کام کر رہا تھا اور سال 2022 میں دماغی حالت بگڑنے کی وجہ سے گھر سے بہت دور نکل گیا تھا۔
سماجی کارکن سنجے نے بتایا کہ جب فوجی جوان پربھو کی حالت بہتر ہو رہی تھی، تب انہوں نے جنوبی ہند کے ایک انسٹی ٹیوٹ میں ارون کمار سے رابطہ کیا اور جوان کے بارے میں معلومات دی۔ جس کے بعد پربھو کے گھر والوں کو اطلاع دی گئی۔
بتادیں کہ ان کی گمشدگی کی رپورٹ 2 سال قبل تمل ناڈو کے ایک پولیس اسٹیشن میں درج کرائی گئی تھی۔
فیروز آباد : شکوہ آباد تھانہ علاقہ میں ایک حیران کن معاملہ سامنے آیا ہے۔ دولہا بارات لے کر دولہن کے دروازے پر پہنچا ۔ دلہن نے دولہا کو فون اور پھر کچھ ایسا ہوا کہ بارات کو واپس لوٹنا پڑا۔ لوگوں نے دلہن کو سمجھانے کی کافی کوشش کی لیکن وہ نہیں مانی۔ کچھ ہی دیر میں خوشیوں کے رنگ پھیکے پڑ گئے۔ دونوں فریقوں نے پنچایت بلائی جو رات بھر جاری رہی لیکن کوئی نتیجہ نہیں نکلا۔ آخر کار دولہا کو دولہن کے بغیر خالی ہاتھ واپس جانا پڑا۔ علامتی تصویر۔دراصل تھانہ ساؤتھ علاقہ کے تحت نئی آبادی ہمایوں پور ناگلہ پچیا کے رہنے والے شیو ساگر کی شادی تھانہ شکوہ آباد علاقہ کے تحت گاؤں نیم کھیریا کی رہنے والی پھول متی کے ساتھ طے ہوئی تھی۔ علامتی تصویر۔23 اپریل بروز منگل دولہا بارات لے کر شکوہ آباد میں دلہن کے گھر پہنچا، لیکن دولہن والے شادی کی بارات کو دیکھ کر حیران رہ گئے۔ بارات میں نہ تو بینڈ باجا تھا اور نہ ہی گھوڑی تھی۔ دولہا گاڑی میں دولہن کے دروازے پر پہنچا تھا۔ علامتی تصویر۔دولہن نے بارات میں بینڈ باجا اور گھوڑی نہ لانے کی وجہ جاننے کے لیے دولہا کو فون کیا۔ الزام ہے کہ اس دوران دولہے نے دولہن غیر مناسب الفاظ کہہ دئے۔ دولہا کی اس حرکت پر دولہن بھی بھڑک گئی اور سات پھیرے لینے سے انکار کردیا۔ علامتی تصویر۔دولہن کے تیور دیکھ کر سب حیران رہ گئے۔ دولہا کے فریق نے دولہن کو راضی کرنے کی کافی کوشش کی لیکن وہ بضد رہی اور شادی توڑ دی۔ علامتی تصویر۔دولہن کا کہنا تھا کہ دولہا نے فون پر اس کے ساتھ بدتمیزی کی۔ دولہن نے کہا کہ اگر دولہا شادی سے پہلے ایسا سلوک کر رہا ہے تو سات پھیرے لینے کے بعد کیا کرے گا۔ علامتی تصویر۔دولہن نے یہ بھی الزام لگایا کہ 21 اپریل کو لگن ٹِیکا میں بوفے کے دوران دولہے کے فریق نے اس کے خاندان کے افراد کی توہین کی تھی۔ رات کو دونوں پارٹیوں نے پنچایت بلائی لیکن معاملہ حل نہیں ہو سکا۔ علامتی تصویر۔بالآخر لین دین کا سمجھوتہ کرنے کے بعد دونوں فریق الگ الگ ہو گئے۔ دولہن کی جانب سے شادی سے انکار پر دولہا مایوس ہو گیا۔ اس کی نئی زندگی کے خواب چکنا چور ہو گئے۔ دولہا کو دلہن کے بغیر بارات کے ساتھ خالی ہاتھ لوٹنا پڑا۔ علامتی تصویر۔
اب آپ سوچ رہے ہوں گے کہ کیا رحم مادر میں بچہ کچھ مانگ سکتا ہے؟ ہر گز نہیں لیکن دبئی میں مقیم ایک کروڑ پتی کی بیوی نے ایسا ہی عجیب دعویٰ کر دیا ہے۔ وہ کہتی ہیں کہ پیٹ میں بچی نے ہیرے مانگے۔ اس خاتون کا نام لنڈا اینڈریڈ ہے جو کہ اصل میں امریکہ سے ہے۔ لیکن اب وہ اپنے امیر شوہر رکی اینڈریڈ کے ساتھ متحدہ عرب امارات میں رہتی ہیں۔لنڈا نے حال ہی میں ایک بیٹی کو جنم دیا ہے۔ اس نے اپنے حمل کے دوران ہونے والی کچھ چیزیں ایک ویڈیو کے ذریعے شیئر کیں۔ اس نے کہا کہ میرا حمل شاید سب سے زیادہ پرجوش تھا جسے آپ نے شاید ہی کبھی دیکھا ہوگا۔لنڈا نے کہا کہ جب وہ حاملہ تھیں تو انہوں نے قبل از زچگی کوئی وٹامن نہیں لیا تھا، بلکہ انہوں نے اپنے دن 5 اسٹار ریستورانوں میں گزارے، جس کو انہوں نے “بہت بہتر” قرار دیا۔ انہوں نے دعویٰ کیا کہ جب میں گھر میں ہوتی تھی تو میرے پیٹ میں موجود بچی مجھے بہت مارتی تھی۔ تب مجھے احساس ہوا کہ وہ دنیا کا سفر کرنا چاہتی ہے۔ ایسے میں مجھے غیر پیدا شدہ جنین کو مالدیپ لے جانا پڑا۔لنڈا نے کہا کہ ظاہری طور پر بچے کی پسند مہنگی ہے۔ ایسے میں ایک دن مجھے احساس ہوا کہ اسے بھی ہیرے چاہئے تھے۔ ایسے میں، مجھے ہمیشہ مہنگے زیورات خریدنے کے لیے اپنے شوہر کا پیسہ استعمال کرنا پڑتا تھا۔ لنڈا نے کہا کہ میں نے بہت سے زیورات خریدے ہیں، لیکن مجھ پر یقین کریں، یہ میرے لیے نہیں تھا، یہ سب اس کے لیے تھا۔لنڈا نے یہ بھی بتایا کہ انہیں اپنے بال ٹھیک کروانے کے لیے ہر روز ہیئر ڈریسر کے پاس جانا پڑتا تھا کیونکہ حمل کی وجہ سے وہ اپنے بال خود نہیں دھو سکتی تھیں۔ ان کا مزید کہنا تھا کہ انہیں روزانہ 20 ہزار قدم چلنا پڑتا تھا، تاکہ ان کے بچے کا وزن نہ بڑھے۔ اس دوران وہ دبئی مال کے ارد گرد ورزش اور ٹریکنگ کرتی تھیں۔کروڑ پتی شخص کی بیوی لنڈا کے مطابق میرے شوہر ہماری شادی کو لے کر بہت فکر ہے۔ وہ نہیں چاہتے کہ یہ ٹوٹ جائے۔ اس لیے میرے حمل کے دوران وہ ہمیشہ میرے لیے نئے تحائف لاتے تھے جن میں گلدستے، نئے کپڑے، بیگ وغیرہ شامل تھے۔حالانکہ لوگ لنڈا کے اس ویڈیو پر جم کر تبصرے کر رہے ہیں اور ان کا مذاق بھی اڑ رہے ہیں۔ ایک شخص نے لکھا ہے کہ اس خاتون نے ہمیں 500 طریقوں سے غریب بتایا۔ تو کسی اور نے لکھا ہے کہ میں ایسا بچہ بننا چاہتا ہوں۔
کوربا : چھتیس گڑھ کے کوربا ضلع میں بارات کے ساتھ شادی کرنے پہنچے دولہے کو جوتوں کے ہار پہنا کر دلہن کے گھر میں شدید زدوکوب کیا گیا۔ دولہے کو مار کھاتا دیکھ کر باراتی شادی کی جگہ سے فرار ہوگئے۔دولہا کو جوتوں کا ہار پہنا کر پیٹنے کا ویڈیو وائرل ہو رہا ہے۔ دراصل گجرات کا ایک نوجوان اپنے دوستوں اور رشتہ داروں کے ساتھ کوربا بارات لے کر شادی کرنے پہنچا تھا ۔ علامتی تصویر۔شادی کرنے پہنچا دولہا پہلے سے ہی شادی شدہ تھا۔ دولہے کی پہلی بیوی نے دلہن کے گھر والوں کو تصاویر اور ویڈیو بھیج کر پوری سچائی بتائی۔ اس کے بعد شادی ہال میں کافی ہنگامہ ہوا۔ علامتی تصویر۔دولہے کے پہلے سے شادی شدہ ہونے کی سچائی جاننے کے بعد دولہن کے اہل خانہ میں شدید غصہ ہے۔ شادی ہونے ہی والی تھی جب معاملہ سامنے آگیا۔ دولہا دادورام نے خود کو گجرات میں اسسٹنٹ مینیجر بتا کر رشتہ طے کیا تھا جو پوری طرح فرضی نکلا۔ علامتی تصویر۔دولہے کی پٹائی کی اطلاع ملتے ہی تھانہ کوتوالی پولیس موقع پر پہنچ گئی اور ملزم دولہے کو تھانے لے گئی۔ اس کے بعد کالونی کے لوگوں کی بڑی تعداد دولہے کے خلاف کارروائی کا مطالبہ کرتے ہوئے کوتوالی تھانے پہنچ گئی۔ علامتی تصویر۔
چھتیس گڑھ: چھتیس گڑھ کے ایک ایم ایل اے رکیش سین کا ویڈیو سوشل میڈیا پر وائرل ہو رہا ہے۔ اس ویڈیو میں جب ایم ایل اے اپنی گاڑی سے اتر کر ایک پارک پر چھاپہ مارنے پہنچتے ہیں تو وہ وہاں کئی جوڑوں کو دیکھتے ہیں ۔ وہ ان کے پاس گئے اور ان سے باتیں کرنے لگے۔ اس دوران جوڑے نے ایم ایل اے کے سامنے ایسا مطالبہ کردیا کہ آس پاس کھڑے سبھی حیران رہ گئے۔
بتادیں کہ رکیش سین درگ ضلع کے ویشالی نگر اسمبلی سے بی جے پی کے ایم ایل اے ہیں۔ حال ہی میں انہیں نہرو گارڈن کے قریب رہنے والے لوگوں کی طرف سے مسلسل شکایتیں موصول ہو رہی تھیں کہ پارک میں عاشق جوڑوں کا مجمع لگا رہتا ہے۔ شکایت کا نوٹس لیتے ہوئے ایک دن ایم ایل اے چھاپہ مارنے پارک پہنچ گئے۔ اس دوران ایم ایل اے نے وہاں موجود جوڑوں سے پوچھا کہ وہ پارک میں کیوں آتے ہیں۔ جواب دیتے ہوئے عاشق جوڑے نے کہا کہ آپ نے OYO تو بند کر دیا ہے تو کہاں جائیں۔
عاشق جوڑے کی یہ باتیں سن کر ایم ایل اے غصے میں آجاتے ہیں اور کہتے ہیں کہ OYO بند ہو گیا ہے تو کیا تم یہاں چلے آؤ گے۔ ٹائم پاس کسی کے گھر کے سامنے نہیں کیا جاتا ہے۔ اس دوران دیگر عاشق جوڑوں نے کہا کہ لوگ آپ کے نام سے ڈرتے ہیں۔ لوگ شراب پینے کے لئے بھی ڈرتے ہیں اور گھومنا پھرنا پسند نہیں کرتے ہیں۔ ہم اپنی گرل فرینڈ کے ساتھ کہاں جائیں، کوئی پرائیویٹ جگہ باقی نہیں ہے۔
وہیں ایم ایل اے رکیش سین سے ایک نوجوان کہتا ہے کہ جتنا پولس کا ڈر نہیں ہے، اتنا تو آپ سے لگتا ہے ۔ وہاں موجود لڑکی کہتی ہے کہ ہم لوگوں کے ملنے سے آپ کو کیا پریشانی ہے ۔ ایم ایل اے رکیش سین جوڑے سے کہتے ہیں کہ یہ پیار اور محبت کیا ہوتا ہے؟ اس کا جواب دیتے ہوئے ایک لڑکی کہتی ہے کہ محبت برسوں سے چلی آرہی ہے۔ حالانکہ ایم ایل اے سین نے لڑکوں اور لڑکیوں کو سمجھایا اور انہیں گھر واپس بھیج دیا۔
Viral Wedding Card : ہندوستان میں ایک بار پھر شادی کا موسم شروع ہو گیا ہے۔ ایک دن میں کئی کئی شادیاں ہو رہی ہیں۔ آپ کو ہر روز شہنائی کی آواز سنائی دے گی۔ ہندوستان میں یہ شادیاں ایک تہوار کی طرح منائی جاتی ہیں۔ شادی کی تیاریاں مہینوں پہلے سے شروع کر دی جاتی ہیں۔ شادی کا دعوت نامہ بھی کافی خاص ہوتا ہے۔ حالیہ دنوں میں لوگوں نے اسے مزید خاص بنانے کے نت نئے طریقے ڈھونڈ لیے ہیں جو سوشل میڈیا پر وائرل ہوتے رہتے ہیں۔
حال ہی میں ایسے ہی ایک شادی کارڈ کا موضوع بحث بنا ہوا ہے۔ روہت اور رجنی کی شادی کے اس کارڈ میں ایسی بات لکھی گئی جسے پڑھ کر لوگ حیران رہ گئے۔ اس شادی کے کارڈ میں خدمت میں… والی جگہ پر مہمانوں کے نام لکھے ہوئے تھے۔ لیکن ساتھ ہی ایک میسج چھوڑ گیا، جسے پڑھ کر آپ ہنس پڑیں گے۔ اس شخص نے شادی کے اس کارڈ پر کئی لوگوں کے نام لکھے اور ساتھ ہی ایک انوکھی بات بھی لکھ دی۔
وائرل کارڈ میں اس شخص نے اپنے دوستوں کو مدعو کیا تھا۔ بہت سے لوگوں کے نام لکھے گئے تھے۔ لیکن نیچے ایک نوٹ لکھا گیا تھا۔ اس میں لکھا تھا کہ اس کی شادی میں سوربھ کا آنا منع ہے۔ اگر سوربھ کہیں نظر آئے تو اسے فوراً بھگا دیا جائے۔ پیغام کے بعد شکریہ بھی لکھا گیا۔ یہ شادی کا کارڈ 15 اپریل کا ہے۔ لیکن اب یہ سوشل میڈیا پر وائرل ہو رہا ہے۔
وائرل ہورہے اس کارڈ نے لوگوں کو خوب ہنسایا۔ کئی لوگوں نے سوربھ نامی شخص کو ٹیگ کیا اور کہا کہ دیکھو تمہاری کیا عزت ہے؟ وہیں سوربھ نامی صارفین نے کمنٹ میں لکھا، کیا روہت اس کی سابقہ گرل فرینڈ سے شادی کر رہے ہیں؟ ایک یوزر نے لکھا کہ یہ سوربھ کافی چھیچھورا لگتا ہے۔
شادی کے اس کارڈ کی طرح ہی حالیہ دنوں میں کئی کارڈز سوشل میڈیا پر وائرل ہو رہے ہیں۔ حال ہی میں راجستھان میں ایک بی جے پی کے حامی جوڑے نے اپنی شادی کے کارڈ پر نریندر مودی کی تصویر چھاپی تھی۔ یہ کارڈ بھی کافی وائرل ہوا تھا۔
اس وقت شادیوں کا سیزن چل رہا ہے۔ شادی کے حوالے سے لوگوں کے سے الگ الگ شوق ہوتے ہیں۔ لوگ شادی کے کارڈز کے حوالے سے سبھی کافی پرجوش رہتے ہیں۔ کچھ لوگ شادی کے کارڈ پر عام چیزیں پرنٹ کروا لیتے ہیں جبکہ کچھ لوگ ایسی چیز پرنٹ کروا لیتے ہیں جس سے کارڈ وائرل ہو جاتا ہے۔ حالانکہ کوئی نہیں سوچتا ہے کہ شادی کا کارڈ اس کے لیے پریشانی کا باعث بھی بن سکتا ہے۔ ان دنوں ایک کارڈ وائرل ہو رہا ہے۔ علامتی تصویر۔ AIوائرل شادی کا کارڈ تلنگانہ کا ہے۔ بتادیں کہ اس وقت ملک میں لوک سبھا انتخابات بھی ہو رہے ہیں۔ لگتا ہے شادی کا یہ کارڈ اسی بات کو ذہن میں رکھ کر چھپوایا گیا ہے۔ علامتی تصویر۔لوگوں میں شادی کے کارڈ تقسیم کیے گئے تو ہنگامہ برپا ہوگیا۔ اس کے بعد معاملہ پولیس تک پہنچا اور دولہا اور دلہن کے بھائی کے خلاف مقدمہ درج کر لیا گیا۔ علامتی تصویر۔ڈکن کرونیکل کی رپورٹ کے مطابق یہ عجیب واقعہ تلنگانہ کے ضلع میدک میں پیش آیا۔ دراصل وہ شخص شادی کارڈ کے حوالے سے قانونی پریشانی میں پھنس گیا ہے۔ علامتی تصویر۔اس شخص کی شناخت ضلع کے محمد نگر گیٹ ٹھنڈا کے سریش نائک کے طور پر ہوئی ہے، اس شخص نے بی جے پی کے لوک سبھا امیدوار کی تصویر کا استعمال کیا۔ اس کے بعد علاقے میں کہرام مچ گیا۔ علامتی تصویر۔سریش نائک نے اپنے بھائی کی شادی کے کارڈ پر بی جے پی کے لوک سبھا امیدوار گھونندن راؤ کی تصویر لگائی اور مہمانوں سے گزارش کی کہ وہ شادی کے تحفے کے طور پر آنے والے انتخابات میں بی جے پی امیدوار کو ووٹ دیں۔ علامتی تصویر۔ (Credit- Canva)ان کے خلاف آئی پی سی کی متعلقہ دفعات کے تحت انتخابات میں بے جا اثر ڈالنے کا مقدمہ درج کیا گیا ہے۔ علامتی تصویر۔
ہزاروں سال پہلے بادشاہ اور شہنشاہ بہت سی خواتین سے شادی کرتے تھے۔ کبھی ریاست کو وسعت دینے کے لیے اور کبھی دوسری ریاستوں سے بہتر تعلقات قائم کرنے کے لیے، لیکن تاریخ میں ایسے واقعات بہت کم دیکھنے اور سننے کو ملتے ہیں، جب کسی شہزادی نے ایک سے زیادہ شادیاں کی ہوں۔ لیکن آج ہم آپ کو ایسی ہی ایک شہزادی کے بارے میں بتانے جارہے ہیں، جس نے اپنے بادشاہ بھائی سے کہہ کر 30 مردوں سے شادی کی، وہ بھی صرف 19 سال کی عمر میں۔ اس سے متعلق ایک ویڈیو بھی سوشل میڈیا پر وائرل ہو رہا ہے۔
اب آپ سوچ رہے ہوں گے کہ یہ شہزادی کون ہے؟ وہ کہاں کی رہنے والی ہے؟ ایسے میں ہم آپ کو بتادیں کہ شہزادی کا نام شہزادی شنین (Princess Shanyin) تھا۔ وہ شہزادی کوائیجی (Princess Kuaiji) کے نام سے بھی جانی جاتی ہیں۔ وہ لیو سونگ خاندان کی شہزادی اور شہنشاہ شیاؤو (Emperor Xiaowu) کی بیٹی تھیں۔ اپنے والد کے دور حکومت میں لیو کو شہزادی شنین کے طور پر مقرر کیا گیا تھا اور انہوں نے ہے یان کے بیٹے ہے جی سے شادی کی تھی۔ ہے جی بعد میں جنوبی کیوئی خاندان (Southern Qi dynasty) کے حکمران بن گئے۔
شہزادی شنین کی بات کریں تو جب سن 464 میں ان کے والد کا انتقال ہوا تو شنین کے چھوٹے بھائی 15 سالہ لیو زیئے کو بادشاہ بنا دیا گیا۔ لیو کو شہنشاہ Qianfei کے نام سے بھی جانا جاتا ہے۔ اس عرصے کے دوران لیو کے محل میں 10 ہزار سے زائد خواتین تھیں جن سے لیو کے رشتے جوڑے جاتے ہیں۔ چونکہ شنین کا اپنے بھائی کے ساتھ کافی گہرے تعلقات تھے ۔ ایسے میں شنین نے کہا کہ ہم دونوں جسمانی طور پر الگ ہیں لیکن ایک ہی والدین کی اولاد ہیں۔ آپ کے محل میں 10 ہزار خواتین ہیں لیکن میرا صرف ایک شوہر ہے، یہ صحیح نہیں ہے۔ شہزادی کی شکایت کے جواب میں، شہنشاہ Qianfei نے شہزادی کو 30 نوجوانوں کو میانشو (عاشق) کے طور پر منتخب کرنے کی اجازت دیدی۔
یہی نہیں، شہنشاہ نے انہیں شہزادی کوائیجی کے عہدے پر ترقی بھی دی، لیکن اس کے باوجود شہزادی اپنے بھائی کی رعایت سے پوری طرح مطمئن نہیں تھی۔ ایسے میں ایک دن شہزادی شنین نے دربار میں ایک اہلکار چو یوآن کو دیکھا جو جوان اور خوبصورت تھا۔ شہزادی نے شہنشاہ Qianfei سے کہا کہ وہ اسے عاشق کے طور پر دے دے۔ شہنشاہ نے اتفاق کیا اور چو کو شہزادی کی خدمت کرنے کا حکم دیا گیا، لیکن 10 دن کی کوشش کے باوجود چو یوآن نے اس کے ساتھ رہنے سے انکار کر دیا۔
شنین کے بھائی شہنشاہ Qianfei زنا میں مصروف تھا۔ ایسے میں ایک دن اسسٹنٹ شا جیزی نے شہنشاہ کا قتل کر دیا۔ یہ واقعہ سنہ 465 کا ہے۔ وہ صرف 1 سال اقتدار میں رہے۔ اس کے بعد شنین کے لیے مشکلات بھی بڑھ گئیں۔ قتل کے بعد شنین کے چچا لیو یو شہنشاہ منگ بن گئے۔ تخت پر بیٹھنے سے پہلے انہوں نے اپنی دادی مہارانی ڈویگر لو کے نام ایک فرمان جاری کیا۔ اس حکم کے تحت شہزادی کوائیجی کی بے حیائی اور فحاشی کی مذمت کی گئی۔ ساتھ ہی اس کے دوسرے بھائی لیو جیشانگ کی بھی ان کے تشدد کیلئے مذمت کی گئی تھی اور ان دونوں کو خودکشی کرنے کا حکم دیا گیا ۔ اس طرح سے شہزادی کی موت ہوئی۔
محبت، پیار اور عشق جیسی چیزیں کچھ ایسی ہوتی ہیں، جو لوگوں کی سوچ کا رخ بدل دیتی ہیں۔ جب بھی لڑکا اور لڑکی رشتے میں ہوتے ہیں تو وہ ایک دوسرے کے بارے میں سب کچھ پسند کرتے ہیں۔ وہ ایک دوسرے کی صحبت سے اتنا لطف اندوز ہوتے ہیں کہ وہ سارا دن ساتھ رہنا چاہتے ہیں۔ تاہم اگر یہ رشتہ کسی وجہ سے ٹوٹ جائے تو کئی بار شخص بری طرح صدمے میں چلا جاتا ہے۔ ایک لڑکی کے ساتھ بھی ایسا ہی ہوا لیکن اس نے جو بدلہ لیا وہ بالکل الگ تھا۔
جب محبت ہوتی ہے تو انسان کچھ بھی کرنے کیلئے تیار ہو جاتا ہے۔ جب وہی پیار چھوٹ جاتا ہے تو کئی بار ایسی ایسی کہانیاں سامنے آتی ہیں، جو کسی کو بھی دنگ کردے۔ اس لڑکی نے اپنے بوائے فرینڈ سے بدلہ لینے کیلئے نہ کوئی اس کو الٹا سیدھا کہا اور نہ ہی کوئی بڑا ہنگامہ کیا، بلکہ وہ اسی کے گھر جا پہنچی، اس کی بیوی بن کر۔
ریڈٹ پر شیئر کی گئی کہانی کے مطابق ایک لڑکی نے بتایا کہ اس کے بھائی کے ساتھ کنتا برا ہوا۔ لڑکی نے لکھا کہ اس کے بھائی کی گرل فرینڈ سے جب اس کا رشتہ ٹوٹا تو اس نے بھائی سے عجیب و غریب بدلہ لیا۔ اس نے ان کے والد سے شادی کرلی اور ان کے ہی گھر میں سوتیلی ماں بن کر چلی آئی ۔ اتنا ہی نہیں جب اس کے بھائی کی شادی طے ہونے لگی تو اس نے جم کر ہنگامہ کیا اور کہا کہ سوتیلی ماں کے ناطے اسے یہ باتیں پہلے جاننے کا حق تھا ۔
عام طور پر شادی یا منگنی کے دوران صرف دولہن ہی سفید رنگ کی ڈریس پہنتی ہیں اور باقی مہمان دیگر کپڑوں میں آتے ہیں ۔ یہاں کچھ الگ ہی ہوا ۔ اپنے ایکس بوائے فرینڈ کو پریشان کرنے کیلئے اس کی سوتیلی ماں بن چکی لڑکی نے سفید جوڑا پہن لیا۔ یہاں تک کہ فیملی فوٹو میں بھی وہ ہر جگہ رہنا چاہتی تھی ۔ لوگوں نے اس پورے واقعہ کو جاننے کے بعد کہا کہ وہ یہ نہیں سمجھ پارہے ہیں کہ لڑکا اپنے والد سے اب تک بات چیت کیوں نہیں کررہا ہے ۔
