Tag Archives: Israel

عالمی منظر

فلسطین کی آزادی کا حامی ہے ہندوستان، اقوام متحدہ میں رکنیت دینے کی حمایت کی، امریکہ نے کی مخالفت

نیویارک: اسرائیل اور حماس کے درمیان جنگ جاری ہے۔ دریں اثنا ہندوستان نے دو ریاستی حل کی حمایت کا اعادہ کیا ہے، جہاں فلسطین کے لوگ اسرائیل کی سلامتی کی ضروریات کو مدنظر رکھتے ہوئے محفوظ سرحدوں کے اندر ایک آزاد ملک میں آزادانہ طور پر رہ سکتے ہیں۔ یہ تبصرہ اقوام متحدہ (یو این) میں ہندوستان کی مستقل نمائندہ روچیرا کمبوج نے کیا ہے۔

خبر رساں ایجنسی اے این آئی کی رپورٹ کے مطابق 18 اپریل کو اقوام متحدہ میں رکنیت کیلئے فلسطین کی درخواست پر سلامی کونسل کے ایک مستقل رکن کے ذریعہ ویٹو لگائے جانے کے بعد بدھ کو اقوام متحدہ جنرل اسمبلی کے اجلاس میں کمبوج تبصرہ کر رہی تھیں ۔ کمبوج نے امید ظاہر کی کہ مناسب وقت پر فلسطین کی رکنیت پر دوبارہ غور کیا جائے گا اور اقوام متحدہ کا رکن بننے کے لیے فلسطین کی کوششوں کو حمایت ملے گی۔

18 اپریل کو امریکہ نے فلسطین کو ریاست کا درجہ دینے والی اقوام متحدہ کی سلامتی کونسل کی قرارداد کو روکنے کے لیے اپنے ویٹو پاور کا استعمال کیا۔ 12-1 کے ووٹ میں ایک امریکی ویٹو اور دو غیر حاضر رہے۔ یو این ایس سی نے قرارداد کا مسودہ منظور نہیں کیا، جو فلسطین کو مکمل اقوام متحدہ رکن ریاست کے طور پر شامل ہونے کی اجازت دینے کے لئے اقوام متحدہ کی وسیع تر رکنیت کے ساتھ ووٹنگ کرانے کیلئے جنرل اسمبلی کی سفارش کرتا ہے۔

کمبوج نے کہا کہ میری قیادت نے بارہا اس بات پر زور دیا ہے کہ حتمی حیثیت کے مسائل پر دونوں فریقوں کے درمیان براہ راست اور بامعنی بات چیت کے ذریعے حاصل کیا جانے والا دو ریاستی حل ہی دیرپا امن فراہم کرے گا ۔ انہوں نے کہا کہ ہندوستان ہندوستان دو ریاستی حل کی حمایت کرنے کیلئے پابند ہے ، جہاں فلسطینی لوگ اسرائیل کی سیکورٹی ضرورتوں کو دھیان میں رکھتے ہوئے محفوظ سرحدوں کے اندر ایک آزاد ملک میں آزادی سے رہ سکں ۔

عالمی منظر

اسرائیل۔حماس جنگ :کب ہوگی جنگ بندی؟ کیاہے مصرکی نئی تجویز؟ حماس اوراسرائیل نے کیاکہا؟

غزہ پٹی پراسرائیل کی جنگ کے تقریباً سات ماہ کے بعد جنگ بندی کے معاہدہ تک پہنچنے اور اسرائیل اور حماس کے درمیان قیدیوں کے تبادلے کی امیدیں زندہ ہوگئی ہیں۔حماس نے اطلاع دی کہ وہ اپنا جواب پیش کرنے سے پہلے مصرکی طرف سے پیش کی گئی ایک نئی تجویز پر غور کررہی ہے۔ تین اسرائیلی حکام نے اشارہ دیاہے کہ اسرائیلی مذاکراتی ٹیم نے حماس کے ساتھ متوقع معاہدے کے پہلے مرحلہ میں رہا کیے جانے والے قیدیوں کی تعداد میں کمی کر دی ہے۔ جس کے بعد حماس اور اسرائیل کے درمیان جنگ بندی معاہدے کے امکانات پیدا ہونے لگے ہیں۔نیویارک ٹائمز کے مطابق حکام نے کہا کہ اسرائیل اب 40 کے بجائے 33 قیدیوں کی رہائی پر زوردے رہا ہے۔

انہوں نے اس بات کی بھی نشاندہی کی کہ ایک اسرائیلی وفد منگل کو قاہرہ جانے کا منصوبہ بنا رہا ہے تاکہ اگر حماس بھی شرکت کرنے پر رضامند ہوجائے تو جنگ بندی مذاکرات دوبارہ شروع کیے جائیں گے۔ حالیہ تجویز پر دونوں فریق غور کر رہے ہیں۔ اس تجویز میں 20 اور 40 قیدیوں کے درمیان یرغمالیوں کی رہائی کی تجویز ہے۔ اس کے ساتھ ایک قیدی کے بدلے ایک دن یا زیادہ کی جنگ بندی کی تجویز شامل ہے۔یہ پیش رفت ایک ایسے وقت میں سامنے آئی ہے جب حماس کا وفد کل پیرکو مصری دارالحکومت سے نکل گیا ہے۔ یہ وفد تحریری جواب کے ساتھ دوبارہ واپس آئے گا۔حماس کے ایک رہنما محمود المرداوی نے اس سے قبل کہا تھا کہ ان کی جماعت اس وقت غزہ کے حوالے سے ایک نئی تجویز کا مطالعہ کر رہی ہے جسے مصر نے قطر کے تعاون سے پیش کیا تھا۔ حماس نے ابھی تک اس تجویز پر کوئی تبصرہ جاری نہیں کیا ہے۔قابل ذکر ہے کہ کئی مہینوں کی بے نتیجہ بات چیت کے بعد پیر کے روز قاہرہ میں مصر اور قطر کے نمائندوں کے درمیان ملاقات ہوئی۔

 

وہیں حماس کی زیرقیادت وزارت صحت نے ہلاکتوں کے تازہ ترین اعدادوشمار جاری کیے ہیں، جس میں دعویٰ کیا گیا ہے کہ 7 اکتوبر سے غزہ پر اسرائیلی فوجی کارروائی میں کم از کم 34,568 فلسطینی ہلاک اور 77,765 زخمی ہوئے ہیں۔

دوسری جانب حماس کو اسرائیل کو پیش کی گئی تجاویز کے جواب کا انتظار ہے۔حماس کے ایک ذریعے نے ’اے ایف پی‘ کو بتایا کہ حماس کا وفد “جلد سے جلد مشورہ کرنے اور جواب دینے کے لیے” قطر واپس جانے کے لیے روانہ ہوگا۔گذشتہ نومبر میں مذاکرات کاروں نے ایک معاہدہ کیا جس کے نتیجے میں 7 اکتوبر کو غزہ کی پٹی میں حماس کے زیر حراست تقریباً 100 اسرائیلی قیدیوں کو رہا کیا گیا، جس کے بدلے میں 400 سے زائد فلسطینی قیدیوں کی رہائی عمل میں لائی گئی تھی جبکہ غزہ میں تقریباً 130 اسرائیلی زیر حراست ہیں، اسرائیلی حکام کے اندازوں کے مطابق ان میں سے 34 کے بارے میں خیال کیا جاتا ہے کہ وہ ہلاک ہوچکے ہیں۔

یادرہے کہ صیہونی فوج نے غزہ پر حملے کرکے مزید 40فلسطینیوں کو شہید کردیا۔اسرائیلی حملوں کے دوران صرف رفح میں25 شہری جبکہ اسرائیلی فوج کے حملوں میں مجموعی طور پر 40 فلسطینی شہید ہوئے۔ دوسری جانب غزہ میں جنگ بندی معاہدے کی کوششیں جاری ہیں جس کیلئے اسرائیل نے حماس کو غزہ میں 40 روز کی جنگ بندی کی پیشکش کی ہے ۔اس دوران امریکی صدر جوبائیڈن نے امیر قطر اور مصر کے صدر سے ٹیلی فونک رابطے کیے جس دوران غزہ جنگ بندی، رفح میں اسرائیلی فوجی کارروائی کے خطرات اور یرغمالیوں سے متعلق گفتگو کی گئی۔

 

وائٹ ہاؤس کا کہناہے کہ ذمہ داری حماس پر ہے کہ وہ اسرائیل کی تجاویز قبول کرے ۔اس حوالے سے گفتگو کرتے ہوئے ترجمان حماس نے کہاکہ مذاکرات میں پیش رفت کے لیے مستقل جنگ بندی لازمی بنیاد ہے ، ہم جنگ بندی، غزہ سے اسرائیلی افواج کا انخلاء اور بے گھر فلسطینیوں کی اُن کے گھروں کو واپسی چاہتے ہیں۔دریں اثناء اسرائیلی وزیراعظم نتن یاہو نے ایک بار پھر اپنا مذموم منصوبہ ظاہر کرتے ہوئے کہا کہ اسرائیل حماس کے ساتھ جنگ بندی معاہدہ کے بعد بھی رفح پر حملہ کرے گا۔

 

عالمی منظر

Israel-Hamas War:جنوبی غزہ کے رفح میں فوجی کارروائی میں شدت لائےگااسرائیل، مصر نےدی سخت وارننگ

دنیا کے کئی ممالک جنگی صورتحال کا سامنا کررہے ہیں۔ جہاں روس۔ یوکرین جنگ کو دو سال سے زیادہ کا عرصہ گزر چکا ہے۔ اس کے ساتھ ساتھ ایران اور اسرائیل کے درمیان جنگ بھی چھڑتی دکھائی دے رہی ہے۔ دو دشمن ممالک کے درمیان کشیدگی عروج پر پہنچ گئی ہے۔ وہیں حماس اور اسرائیل گزشتہ چھ ماہ سے لڑ رہے ہیں۔ اس سب کے درمیان اسرائیل نے ایک بار پھر کہا کہ وہ حماس کو نشانہ بنانے کے لیے جنوبی غزہ کے رفح میں اپنی فوجی کارروائی میں شدت لائے گا۔ ساتھ ہی پڑوسی ملک مصر نے اسرائیل کو سخت وارننگ دی ہے۔

یادر ہے کہ 7 اکتوبر سے اب تک غزہ میں اسرائیل کی فوجی کارروائی میں 34 ہزار سے زائد فلسطینی جاں بحق ہوئے ہیں۔جن میں خواتین اور بچوں کی کی تعداد زیادہ ہے۔

یہاں 10پوائنٹس میں جانئے کہ اب تک کیا ہوا؟

  1. اسرائیلی وزیر اعظم بنجمن نیتن یاہو کی حکومت کے ترجمان کا کہنا ہے کہ اسرائیل، رفح میں زمینی فوجی کارروائی کے ساتھ آگے بڑھ رہا ہے۔ تاہم اس کے لیے کوئی وقت مقرر نہیں کیا گیا ہے۔
  2. ایک اہلکار نے بتایا کہ اسرائیلی وزارت دفاع نے حملے سے قبل رفح سے فلسطینیوں کی نقل مکانی کے لیے 40 ہزار خیمے خریدے تھے، ہر خیمے میں 10 سے 12 افراد کے بیٹھنے کی گنجائش ہے۔
  3. وزیر اعظم نیتن یاہو نے بارہا کہا ہے کہ اسرائیل غزہ میں آبادی کے آخری مرکزی مرکز رفح پر حملہ کرنے کے لیے آگے بڑھے گا، جہاں اسرائیلی فوجی ابھی تک نہیں پہنچے ہیں۔
  4. اسرائیل نے 7 اکتوبر کواس کے شہروں پر حملے کے بعد حماس کے خلاف جنگ شروع کر دی ہے۔ ان کا کہنا ہے کہ حماس کی چار جنگی بٹالین رفح میں موجود ہیں۔
  5. مصری صدر عبدالفتاح السیسی نے اسرائیل کو خبردار کیا ہے کہ رفح میں کسی بھی فوجی کارروائی کے تباہ کن نتائج برآمد ہوں گے۔
  6. رفح، مصر کی سرحد سے متصل ہے۔ مصر نے رفح میں 10 لاکھ سے زائد فلسطینیوں کو پناہ دی ہے۔ یہ وہ لوگ ہیں جو تقریباً چھ ماہ قبل اسرائیل اور حماس کے درمیان شروع ہونے والی جنگ کے بعد اپنے آبائی مقام سے رفح منتقل ہوئے تھے۔
  7. اسرائیل کے قریبی اتحادی امریکہ نے بھی اسے رفح پر حملے کا منصوبہ منسوخ کرنے کا مشورہ دیا ہے۔ امریکہ نے کہا ہے کہ وہ وہاں حماس کے جنگجوؤں کا دوسرے طریقوں سے بھی مقابلہ کر سکتا ہے۔
  8. اسرائیل نے جنوبی غزہ سے اپنی زیادہ تر زمینی فوجیں واپس بلا لیں لیکن فضائی حملے جاری رکھے۔ ان علاقوں میں بھی چھاپے مارے جا رہے ہیں جہاں سے فوجی واپس آئے ہیں۔
  9. رفح پر اسرائیل کے حملے کو روکنے کے لیے امریکہ، مصر اور قطر کی طرف سے جنگ بندی کی کوششیں اب تک ناکام ہو چکی ہیں۔
  10. غزہ کے حکام کا کہنا ہے کہ اسرائیل کی فوجی کارروائی میں اب تک 34 ہزار سے فلسطینی شہری جاں بحق ہوئے ہیں جب کہ ہزاروں لاشوں کے ملبے تلے دبے ہونے کا خدشہ ہے۔
عالمی منظر

اسرائیل کے خلاف امریکہ نے ٹیڑھی کی آنکھیں، پہلی بار اٹھائے گا ایسا سخت قدم، نیتن یاہو چراغ پا

تل ابیب : اسرائیلی فوج پر فلسطین کے مغربی کنارے میں انسانی حقوق کی سنگین خلاف ورزیوں کا الزام عائد کیا جاتا رہا ہے۔ ایسے میں اب یہ خبر ہے کہ امریکہ اسرائیلی ڈیفنس فورسز (آئی ڈی ایف) کے ایک یونٹ پر شہریوں کو نشانہ بنانے پر پابندیوں کا اعلان کر سکتا ہے۔ ایکسیو نیوز سائٹ نے ہفتہ کو یہ خبر دی۔ اگر ایسا ہوتا ہے تو یہ بائیڈن انتظامیہ کی اسرائیلی فوجی دستے کے خلاف پہلی کارروائی ہوگی۔

اسرائیلی فوج کے اس دستے کا نام نیتزاہ یہودا بٹالین ہے۔ نیوز ویب سائٹ ایکسیو نے ذرائع کا حوالہ دیتے ہوئے اطلاع دی ہے کہ لیہی قوانین کے تحت نیتزا یہودا فوجی امریکی فوجیوں کے ساتھ تربیت نہیں لے پائیں گے یا امریکی فنڈنگ ​​کے ساتھ کسی بھی سرگرمی میں حصہ نہیں لے سکیں گے۔ ان پابندیوں سے بٹالین میں امریکی ہتھیاروں کی منتقلی پر بھی روک لگ جائے گی۔

نیتزاہ یہودا فلسطینیوں کے خلاف تشدد کے حوالے سے کئی دنوں سے تنازعات میں گھری رہی ہیں۔ اس میں 78 سالہ فلسطینی نژاد امریکی شہری عمر اسد کی موت بھی شامل ہے جن کی بٹالین کے سپاہیوں کے ذریعہ حراست میں لیے جانے کے بعد موت ہوگئی تھی ۔ ٹائمز آف اسرائیل کی رپورٹ کے مطابق انہیں ہتھکڑیاں لگائی گئیں اور آنکھوں پر پٹی باندھی گئی اور شدید سردی میں باہر چھوڑ دیا گیا جس کے نتیجے میں ان کی موت واقع ہوئی۔

اسرائیل کے وزیر اعظم نیتن یاہو امریکہ کے اس ممکنہ اقدام سے چراغ پا ہیں۔ انہوں نے اس طرح کی کارروائی کو ‘بے تکے پن اور اخلاقی گراوٹ کی انتہا’ قرار دیا ہے۔ نیتن یاہو نے ٹویٹ کیا کہ اسرائیل کی دفاعی افواج پر پابندیاں نہیں لگائی جانی چاہئیں! حالیہ ہفتوں میں، میں اسرائیلی شہریوں پر پابندیاں عائد کرنے کے خلاف کام کر رہا ہوں، جس میں امریکی حکومت کے سینئر حکام کے ساتھ میری بات چیت بھی شامل ہے۔

عالمی منظر

Israel Attacked Iran:امریکہ کادعویٰ، اسرائیل نےایران پرکیاحملہ، ایرانی شہراصفان کے ہوائی اڈے پردھماکے کی آواز

اسرائیل نے جوابی کارروائی کرتے ہوئے ایران پر میزائلوں سے حملہ کیا ہے۔ امریکی میڈیا نے یہ اطلاع اعلیٰ امریکی حکام کے حوالے سے دی ہے۔ ایران کے ہوائی اڈے پر زوردار دھماکے کی آواز سنی گئی ہے۔ ایران کی فارس نیوز ایجنسی نے بھی دعویٰ کیا ہے کہ ایرانی شہر اصفان کے ہوائی اڈے پر دھماکے کی آواز سنی گئی۔ تاہم ابھی تک دھماکے کی وجہ سامنے نہیں آئی ہے۔ قابل ذکر ہے کہ ایران کے متعدد ایٹمی اڈے صوبہ اصفہان میں واقع ہیں جن میں سے ایران میں یورینیم کی افزودگی کا اہم مرکز بھی یہیں واقع ہے۔ امریکی میڈیا رپورٹس کے مطابق ایران کی فضائی حدود میں کئی پروازوں کے روٹس کو تبدیل کر دیا گیا ہے۔ یاد رہے کہ حال ہی میں ایران نے اسرائیل پر میزائلوں اور ڈرونز سے حملہ کیا تھا۔ ت

امریکی حکام نے تصدیق کی ہے کہ اسرائیل نے ایران کے خلاف فوجی کارروائیاں کی ہیں لیکن ان کارروائیوں کی وضاحت نہیں کی۔حکام کا کہنا تھا کہ اسرائیل نے جمعرات کے روز پہلے بائیڈن انتظامیہ کو خبردار کیا تھا کہ اگلے 24 سے 48 گھنٹوں میں حملہ ہونے والا ہے۔سی این این کے مطابق اسرائیلیوں نے اپنے امریکی ہم منصبوں کو یقین دلایا کہ ایران کی جوہری تنصیبات کو نشانہ نہیں بنایا جائے گا۔ایران کے سرکاری میڈیا نے صرف اس بات کی تصدیق کی ہے کہ اصفہان صوبے میں ایئر ڈیفنس نے ڈرون پر فائرنگ کی جس سے وہ گر گئے۔تبریز کے ارد گرد فضائی دفاع کے کام کرنے کی ایرانی اطلاعات بھی تھیں۔

 

بعد ازاں ایران کی جانب سے دفاعی بیٹریاں فعال کرنے کی خبر ہے۔ ایران کی سرکاری خبر رساں ایجنسی نے ایئر ڈیفنس بیٹریوں کے حوالے سے بتایا کہ جمعہ کی صبح اصفہان شہر کے قریب دھماکوں کی اطلاعات کے بعد فائر کیا گیا۔ فی الحال یہ واضح نہیں ہے کہ ایران پر حملہ ہوا یا نہیں تاہم ایران کے اسرائیل پر حملے کے بعد مشرق وسطیٰ میں کشیدگی پائی جاتی ہے۔

 

وہیں دوسری جانب اسرائیل نے جمعہ کی صبح سویرے ایران کے خلاف کارروائی کی ہے۔آئی ڈی ایف کے ترجمان نے کہا کہ اس مرحلے پر عوامی تحفظ کی ہدایات میں کوئی تبدیلی نہیں کی گئی ہے اور اگر مستقبل میں کوئی تبدیلی ہوئی تو عوام اس کی حفاظت کریں گے۔تاہم اسرائیلی فوج نے اب تک ایران پر حملے کی تصدیق نہیں کی ہے۔تاہم بلومبرگ اور سی این این دونوں نے امریکی حکام کے حوالے سے بتایا کہ بائیڈن انتظامیہ کو ایک آسنن حملے سے خبردار کیا گیا تھا۔گزشتہ چند منٹوں میں، رائٹرز نے اطلاع دی ہے کہ اسرائیلی فوج نے کہا ہے کہ شمالی اسرائیل میں جمعہ کو صبح سویرے بجنے والے انتباہی سائرن غلط الارم تھے۔

عالمی منظر

قدس شریف مسلمانوں کےہاتھ میں ہوگا،عالم اسلام فلسطین کی آزادی کاجشن منائےگا:ایران کےسپریم لیڈرخامنہ ای

ایران کے اسرائیل پر تازہ حملے کے بعد دنیا ایک اور بڑی جنگ کے خطرے سے دوچار ہے۔ ایران نے سنیچر اور اتوار کی درمیانی شب اسرائیل پر بیلسٹک میزائلوں اور ڈرونز سے بڑا حملہ کیا تھا جس کے بعد خدشہ ظاہر کیا جا رہا ہے کہ اسرائیل بھی جوابی کارروائی کر سکتا ہے۔ اقوام متحدہ کے سیکریٹری جنرل انتونیو گوٹریس نے مشرق وسطیٰ میں بڑھتی ہوئی کشیدگی پر تشویش کا اظہار کرتے ہوئے دونوں ممالک سے تحمل سے کام لینے کی اپیل کی ہے۔ تاہم ایران کے سپریم لیڈر آیت اللہ خامنہ ای کے تازہ بیان سے دونوں ممالک کے درمیان مزید تصادم کے خدشات کو تقویت مل رہی ہے۔

ایران کے سپریم لیڈر نے یروشلم میں مسلمانوں کے مقدس ترین مقامات میں سے ایک مسجد الاقصی کے اوپر سے گزرنے والے میزائل کی ویڈیو سوشل میڈیا پلیٹ فارم پر پوسٹ کی۔خامنہ ای نے ایک اور پوسٹ میں یہ بھی لکھا کہ ‘قدس شریف (یروشلم) مسلمانوں کے ہاتھ میں ہوگا اور عالم اسلام فلسطین کی آزادی کا جشن منائے گا۔’ سپریم لیڈر کی اس پوسٹ سے یہ خدشہ پیدا ہو رہا ہے کہ ایران اسرائیل پر مزید حملے کر سکتا ہے۔

 

اس سے پہلے ایران نے ہفتے کی رات دیر گئے اسرائیل پر حملہ کیا تھا اور اس پر سینکڑوں ڈرون، بیلسٹک میزائل اور کروز میزائل داغے تھے۔ اسرائیل نے کہا کہ ایران نے 170 ڈرونز، 30 سے ​​زیادہ کروز میزائل اور 120 سے زیادہ بیلسٹک میزائل داغے۔ اس کے بعد اتوار کی صبح تک ایران نے کہا کہ حملہ ختم ہو گیا ہے۔ایران کی سرکاری خبر رساں ایجنسی ‘ارنا’ نے اطلاع دی ہے کہ ایرانی مسلح افواج کے چیف آف اسٹاف جنرل محمد حسین باقری نے کہا کہ آپریشن ختم ہو گیا ہے۔ ان کا کہنا تھا کہ ‘ہمارا اسرائیل کے خلاف مہم جاری رکھنے کا کوئی ارادہ نہیں ہے۔’

ایران نے اسرائیل پر 300 سے زائد ڈرونز اور میزائلوں سے فضائی حملے کیے ہیں۔ (Reuters)
ایران نے اسرائیل پر 300 سے زائد ڈرونز اور میزائلوں سے فضائی حملے کیے ہیں۔ (Reuters)

یکم اپریل کو شام میں ایرانی قونصل خانے پر فضائی حملے میں دو ایرانی جنرلوں کی ہلاکت کے بعد ایران نے بدلہ لینے کا عزم ظاہر کیا تھا۔ ایران نے الزام لگایا تھا کہ اس حملے کے پیچھے اسرائیل کا ہاتھ ہے۔ تاہم اسرائیل نے اس پر کوئی ردعمل ظاہر نہیں کیا۔ دونوں ممالک برسوں سے ایک دوسرے سے لڑتے رہے ہیں، جن میں دمشق حملے جیسے واقعات بھی شامل ہیں، لیکن یہ پہلا موقع ہے جب ایران نے 1979 کے اسلامی انقلاب کے بعد شروع ہونے والی عشروں کی دشمنی کے بعد اسرائیل پر براہ راست حملہ کیا ہے۔

عالمی منظر

Iran-Israel War: ایران نے اقوام متحدہ کو دی اسرائیل پر حملے کی اطلاع، 10 پوائنٹس میں جانئے تازہ اپ ڈیٹس

نئی دہلی : جس فوجی تصادم کا خدشہ ظاہر کیا جا رہا تھا وہ اتوار کو سچ ہو گیا۔ چند روز قبل اسرائیل نے شام کے دارالحکومت دمشق میں واقع ایرانی ٹھکانوں پر فضائی حملہ کیا تھا۔ جس میں ایران کے اعلیٰ کمانڈر کی موت کی خبر سامنے آئی تھی۔ اس کے بعد تہران نے سنگین نتائج بھگتنے کی وارننگ دی تھی ۔ اب ایران کی یہ وارننگ سچ ثابت ہوگئی ہے۔ ایران نے اسرائیل پر فضائی حملے میں 250 سے زائد میزائلیں داغیں۔ ساتھ ہی درجنوں ڈرونز سے بھی حملے کئے گئے۔

ایران کی جانب سے اسرائیل پر کئے گئے حملے کی 10 خاص باتیں

1- اقوام متحدہ میں ایران کے مستقل رکن نے اقوام متحدہ کے سکریٹری جنرل کو خط لکھ کر اسرائیلی فوجی اڈوں پر فضائی حملے کے بارے میں آگاہ کردیا ہے۔ تہران نے اقوام متحدہ کے چارٹر کے آرٹیکل 51 کا حوالہ دیتے ہوئے اسے اپنے دفاع کے حق کے تحت اٹھایا گیا قدم قرار دیا ہے۔

2- ایران نے اسرائیل پر 200 سے زیادہ ڈرون اور میزائل داغے ہیں۔ ان میں سے زیادہ تر کو اسرائیلی فضائی حدود میں داخل ہونے سے پہلے ہی روک دیا گیا اور اسے بے اثر کر دیا گیا۔

3- اسرائیل کو ایرانی حملے سے بچانے کے لیے امریکی اور برطانوی فضائیہ سرگرم ہوگئی ہے۔ ایرانی حملے کو ناکام بنانے کی کوششیں بھی تیز کر دی گئی ہیں۔

4- کہا جاتا ہے کہ جنوبی اسرائیل میں واقع فوجی اڈے کو ‘معمولی’ نقصان پہنچا ہے۔ اسرائیل کے میزائل ڈیفنس سسٹم کو فعال کر دیا گیا ہے۔

5- فی الحال ایرانی حملے میں اسرائیل میں کسی کے مارے جانے کی کوئی خبر نہیں ہے۔ تفصیلی رپورٹ کا انتظار ہے۔

6- ایران کے فضائی حملے کے پیش نظر خطے کے تمام ممالک نے اپنی فضائی حدود بند کر دی ہیں۔ اس کے علاوہ فضائی دفاعی نظام کو بھی ہائی الرٹ رہنے کی ہدایت کی گئی ہے۔

7- اسرائیل کے مغربی اتحادیوں اور اقوام متحدہ کے سکریٹری جنرل نے ایران کے حملے کی شدید مذمت کی ہے۔

8- امریکہ پوری طرح اسرائیل کی حمایت میں اتر آیا ہے۔ اس سے پہلے صدر جو بائیڈن نے ایران کو حملے کے بارے میں خبردار کیا تھا۔

9- اسرائیل نے اقوام متحدہ کی سلامتی کونسل کا ہنگامی اجلاس بلانے کا مطالبہ کیا ہے۔ یہ اہم اجلاس اتوار کو ہوگا۔

10- ایران کے فضائی حملے کے بعد ہلچل مزید تیز ہو گئی ہے۔ اسرائیل نے کہا ہے کہ وہ بدلہ لے گا۔

عالمی منظر

Iran Attacked on Israel: ایران نےاسرائیل پردرجنوں ڈرون اورمیزائل داغے،IDFنےبھی کی تصدیق

تہران کے اسلامی انقلابی گارڈ کور (IRGC) کے مطابق، ایران نے اسرائیل پر درجنوں ڈرون اور میزائل داغے ہیں۔IRGC نے سنیچر کے روز کہا کہ اس نے “True Promise” آپریشن کے تحت ڈرون اور میزائل داغے ہیں، اور مزید کہا کہ یہ اقدام “اسرائیلی جرائم” کی سزا کا حصہ ہے۔فوجی ذرائع نے خبر رساں ادارے روئٹرز کو بتایا کہ شام نے اسرائیلی حملے کی صورت میں دارالحکومت دمشق اور بڑے اڈوں کے ارد گرد اپنے روسی ساختہ پینٹسیر زمین سے فضائی دفاعی نظام کو ہائی الرٹ پر رکھا ہے۔

ادھر عراق، اردن، لبنان اور اسرائیل نے اپنی فضائی حدود بند کرنے کا اعلان کر دیا۔یہ پیشرفت شام میں ایرانی قونصل خانے پر اسرائیلی حملے میں IRGC کے سات ارکان کی ہلاکت کے تقریباً دو ہفتے بعد ہوئی ہے۔اسرائیلی فوج کے ترجمان، ڈینیئل ہاگری نے سنیچر کے روز دیر رات کہا، “ایران نے اپنی سرزمین سے اسرائیل کی سرزمین کی طرف UAVs [بغیر پائلٹ کے فضائی گاڑیاں] لانچ کی ہیں۔”

سوشل میڈیا سائٹ X پر ایک آپریشنل اپ ڈیٹ میں، IDF نے کہا، “ایران نے کچھ دیر پہلے اسرائیل کی طرف اپنی سرزمین کے اندر سے UAVs لانچ کیے تھے۔””آئی ڈی ایف ہائی الرٹ پر ہے اور آپریشنل صورتحال پر مسلسل نظر رکھے ہوئے ہے۔””آئی اے ایف کے لڑاکا طیاروں اور اسرائیلی بحریہ کے جہازوں کے ساتھ آئی ڈی ایف فضائی دفاعی صف ہائی الرٹ پر ہے جو اسرائیلی فضائی اور بحری خلا میں دفاعی مشن پر ہیں۔ IDF تمام اہداف کی نگرانی کر رہا ہے۔

“ہم ہائی الرٹ اور تیاری پر ہیں،” انہوں نے ایک ٹیلیویژن خطاب میں مزید کہا کہ ڈرونز کو اسرائیل کی فضائی حدود تک پہنچنے میں کئی گھنٹے لگیں گے۔اسرائیل یکم اپریل کو دمشق پر حملے کے بعد سے سخت چوکسی پر ہے، حالانکہ اس نے ممکنہ حملے پر کوئی تبصرہ نہیں کیا۔ ایران نے بدلہ لینے کا وعدہ تھا جس کے بعد جوابی حملہ متوقع تھا۔

اسرائیلی وزیر اعظم بنجمن نیتن یاہو نے سنیچر کے روز کہا کہ اسرائیل ’ایران سے براہ راست حملے‘ کے لیے تیار ہے۔وزیر دفاع یوو گیلنٹ نے کہا کہ اسرائیل ایران اور خطے میں اس کے اتحادیوں کی طرف سے اپنے خلاف “منصوبہ بند حملے کی قریب سے نگرانی کر رہا ہے”۔اسرائیلی ڈیفنس فورسز (IDF) کے مطابق، اسلامی جمہوریہ ایران نے ہفتہ 13 اپریل کی رات اسرائیل کی جانب درجنوں ڈرونز بھیجے۔

سوشل میڈیا پلاٹ فارمX پر پوسٹ کی گئی ایک ویڈیو میں، اسرائیلی وزیر اعظم بنجمن نیتن یاہو نے ملک اور اس کی مسلح افواج کو یقین دلایا کہ وہ دفاعی اور جارحانہ طور پر کسی بھی صورت حال کے لیے تیار ہیں۔

 

ایسوسی ایٹڈ پریس کی خبر کے مطابق، اسرائیلی فوج کے ترجمان ریئر ایڈمرل ڈینیئل ہگاری نے کہا کہ ڈرونز کو یہودی ریاست میں اپنے مطلوبہ اہداف تک پہنچنے میں کئی گھنٹے لگیں گے۔چینل 12 ٹی وی کی خبروں سے انٹرویو کرنے والے ایک ماہر، ریٹائرڈ جنرل آموس یادلن نے کہا کہ ڈرون 20 کلو گرام بارودی مواد سے لیس تھے اور اسرائیل کا فضائی دفاع انہیں مار گرانے کے لیے تیار ہے ۔

کویت نیوز ایجنسی (KUNA) کی رپورٹ کے مطابق، کویت نے شہریوں کی حفاظت کو یقینی بنانے کے لیے اپنی تمام ایئر لائن کی پروازوں کو کشیدگی والے علاقوں سے ہٹا کر احتیاطی تدابیر پر عمل درآمد کیا ہے۔طویل متوقع حملہ اسرائیل کی جانب سے پیر یکم اپریل کو دمشق میں ایرانی قونصل خانے کی عمارت کو نشانہ بنانے کے بعد ہوا ہےجس کے نتیجے میں IRGC کے سات ارکان سمیت 13 افراد ہلاک ہو گئے تھے۔

 

ہندوستان ، فرانس، پولینڈ، برطانیہ اور روس سمیت ممالک نے اپنے شہریوں کو مشرق وسطیٰ کے خطے کا سفر کرنے سے خبردار کیا ہے، جو کہ غزہ میں جنگ کے باعث پہلے ہی کشیدہ ہے، جو اب ساتویں مہینے میں داخل ہو چکی ہے۔

وطن نامہ

17 ہندوستانیوں کی رہائی کیلئے ایران کے رابطے میں ہندوستان، پاسداران انقلاب کے کمانڈوز نے ایسے کیا تھا جہاز پر قبضہ

نئی دہلی: ایران کی فوج کے ذریعہ ضبط کئے گئے اسرائیل سے تعلق رکھنے والے ایک مال بردار جہاز پر 17 ہندوستانی شہری سوار ہیں ۔ سرکاری ذرائع نے یہ اطلاع دی ہے۔ یہ پیش رفت ایران اور اسرائیل کے درمیان بڑھتی ہوئی کشیدگی کے پس منظر میں ہوئی ہے۔ ذرائع نے بتایا کہ ہندوستان اپنے شہریوں کی حفاظت اور جلد از جلد رہائی کو یقینی بنانے کے لئے سفارتی ذرائع سے تہران اور نئی دہلی دونوں مقامات پر ایرانی حکام کے ساتھ رابطے میں ہے۔

ایران نے بحری جہاز کو قبضے میں لینے کا قدم اس اندیشہ کے بڑھنے کے درمیان اٹھایا کہ تہران 12 روز پہلے شام میں ایرانی قونصلیٹ پر ہوئے حملے کا بدلہ لینے کے لیے اسرائیلی علاقے پر حملہ کر سکتا ہے۔ ذرائع نے کہا کہ ہمیں معلوم ہے کہ مال بردار جہاز ایم ایس سی ایریز ایران نے اپنے قبضے میں لے لیا ہے۔ ہمیں معلوم ہوا ہے کہ جہاز پر 17 ہندوستانی شہری سوار ہیں۔

انہوں نے کہا کہ ہم تہران اور دہلی دونوں میں سفارتی چینلز کے ذریعے ایرانی حکام کے ساتھ رابطے میں ہیں تاکہ ہندوستانی شہریوں کی حفاظت اور جلد از جلد رہائی کو یقینی بنایا جا سکے۔ میڈیا رپورٹس کے مطابق ایران کے نیم فوجی دستے پاسداران انقلاب نے ہفتے کی صبح جہاز کو اس وقت ضبط کر لیا جب وہ آبنائے ہرمز سے گزر رہا تھا۔

بتایا جا رہا ہے کہ ایران کے نیم فوجی دستے پاسداران انقلاب کے کمانڈوز ہفتے کے روز آبنائے ہرمز کے قریب ہیلی کاپٹر کی مدد سے ایک مال بردار جہاز پر اترے اور اسے قبضے میں لے لیا۔ اسرائیل کے ایک ارب پتی کاروباری سے تعلق رکھنے والے اس جہاز پر عملے کے 25 ارکان میں 17 ہندوستانی ہیں۔

مشرق وسطیٰ کو اس ماہ کے شروع میں شام میں ایرانی قونصل خانے کی عمارت پر مشتبہ اسرائیلی حملے پر ایرانی جوابی کارروائی کے خطرے کا سامنا ہے۔ اس حملے میں پاسداران انقلاب کے ایک سینئر افسر سمیت 12 افراد کی موت ہوگئی تھی ۔ غزہ پٹی میں حماس کے خلاف اسرائیل کی جنگ چھٹے مہینے میں داخل ہو گئی ہے اور پورے خطے میں دہائیوں پرانی کشیدگی کو مزید گہرا کر رہا ہے۔

لبنان میں ایران کی حمایت یافتہ حزب اللہ اور یمن میں حوثی باغی بھی لڑائی میں شامل ہیں۔ اب کوئی بھی نیا حملہ تنازع کا دائرہ وسیع کر کے اسے ایک وسیع علاقائی جنگ میں تبدیل کر دے گا۔

وطن نامہ

ایران ۔ اسرائیل میں جنگ کی آہٹ! ایئرانڈیا کی فلائٹ نے بدلا روٹ، لینا پڑ رہا طویل راستہ

نئی دہلی : اپریل کے اوائل میں شام کے دارالحکومت دمشق میں ایرانی سفارت خانے پر مبینہ اسرائیلی حملے کے بعد ایران کی طرف سے جوابی کارروائی کی دھمکی کے بعد مغربی ایشیا میں بڑھتی ہوئی کشیدگی کی وجہ سے ایئر انڈیا کی پروازیں احتیاطی تدابیر کے طور پر ایرانی فضائی حدود سے گریز کر رہی ہیں۔ فلائٹ ریڈار کے مطابق ہفتے کی صبح نئی دہلی سے لندن جانے والی ایئر انڈیا کی پرواز نے ایرانی فضائی حدود سے بچنے کے لیے طویل راستہ اختیار کیا۔

خطے میں بڑھتی ہوئی کشیدگی کے درمیان ایرانی فضائی حدود سے بچنے کے لیے ایئر انڈیا Lufthansa اور قنطاس سے جڑ گئی ہے۔ آسٹریلیائی کیریئر کنٹاس نے ہفتے کے روز کہا کہ وہ ایرانی فضائی حدود سے بچنے کے لیے پرتھ اور لندن کے درمیان اپنی طویل فاصلے کی پروازوں کو ری ڈائریکٹ کرے گا۔ قنطاس کے ترجمان نے کہا کہ اگر مسافروں کی بکنگ میں کوئی تبدیلی ہوتی ہے، تو ہم ان سے براہ راست رابطہ کریں گے۔ ۔

جرمن ایئرلائن Lufthansa اور اس کی ذیلی کمپنی آسٹریائی ایئرلائنز نے بھی اپنی پروازوں کا روٹ تبدیل کر دیا ہے اور تہران سے آنے اور جانے والی پروازوں پر پابندی بڑھا دی ہے، کیونکہ ایران نے اسرائیل کو جوابی کارروائی کی دھمکی دی تھی اور امریکی حکام نے خبر رساں اداروں کو بتایا تھا کہ اسرائیل پر کسی بھی وقت حملہ کیا جا سکتا ہے۔ Lufthansa کے ترجمان نے جمعہ کو کہا کہ موجودہ صورتحال کے پیش نظر، Lufthansa تہران سے اپنی پروازیں جمعرات 18 اپریل تک معطل کر رہی ہے۔ ایئرلائن اب ایرانی فضائی حدود استعمال نہیں کر رہی ہے۔

امریکہ نے جمعہ کو کہا تھا کہ اسرائیل کے لیے ایرانی خطرہ اب بھی زیادہ ہے اور اس کے صدر جو بائیڈن نے تہران سے کہا کہ وہ خطے میں اس کے سب سے مضبوط اتحادی پر حملہ کرنے سے باز رہے۔ انہوں نے کہا کہ انہیں توقع ہے کہ شام میں حملے کے جواب میں ایران کسی بھی وقت اسرائیل پر حملہ کر سکتا ہے۔