غزہ : غزہ میں گزشتہ 24 گھنٹوں کے دوران اسرائیلی فوج کے حملوں میں مزید 82 فلسطینی شہید ہوگئے۔اسرائیلی فوج نے غزہ میں حملے بڑھا دیے ہیں، اسرائیلی ٹینکوں، بلڈوزروں اور بکتربند گاڑیوں نے جبالیہ میں بیگھرافراد کے مراکز کا بھی محاصرہ کرلیا جب کہ رفح میں اسرائیلی فوج کے حملے مسلسل جاری ہیں۔عرب میڈیا کے مطابق رفح اور جبالیہ کیمپ کے علاقوں میں اس وقت اسرائیلی فوج اور حماس کے جنگجوؤں کے درمیان شدید جھڑپیں جاری ہیں۔
عرب میڈیا کا بتانا ہیکہ صیہونی غزہ کے مظلوم شہریوں کیلئے امداد لانے والی گاڑیوں اور ٹرکوں پر بھی حملے کررہے ہیں جب کہ رفح کے قریب واقع یورپین اسپتال کو جنریٹرز کیلئے ایندھن نہ ہونے کی وجہ سے بند کردیا گیا ہے۔دوسری جانب اقوام متحدہ کے مطابق رفح میں اسرائیلی فوج کی زمینی کارروائی کے آغاز کے بعد اب تک 4 لاکھ سے زائد افراد رفح چھوڑ کر غزہ کے دیگر شہروں اور کیمپوں میں چلے گئے ہیں، یہ تمام شہری بے سروسامانی کی حالت میں ہیں۔غزہ کی وزارت صحت کا کہنا ہیکہ 7 اکتوبر سے جاری اسرائیلی جارحیت کے نتیجے میں اب تک 35 ہزا سے زائد افراد شہید اور 78 ہزار سے زائد افراد زخمی ہوچکے ہیں۔
The forced displacement of Palestinians fleeing Israeli attacks in Gaza reached new heights on the very day 76 years ago when Palestinians marked the Nakba. pic.twitter.com/m2E9tPNv3t
— Al Jazeera English (@AJEnglish) May 15, 2024
وہیں دوسری جانب غزہ پٹی میں فلسطینی گروپوں نے اسرائیلی فوج کی 21 گاڑیوں کو نشانہ بنایا ہے۔فلسطین کی مزاحمتی تحریک حماس کے عسکری ونگ عزالدین القسام بریگیڈز اور اسلامی جہاد کے عسکری ونگ قدس بریگیڈ نے اس معاملے پر ایک تحریری بیان دیا ہے۔بیان کے مطابق گذشتہ روز غزہ کی پٹی کے جنوب میں رفح اور شمال میں سیبالیہ پناہ گزین کیمپ کے مشرق میں اور غزہ شہر کے از زیتون محلے میں فلسطینی گروپوں کی اسرائیلی فوج کے ساتھ پرتشدد جھڑپیں ہوئیں ۔
ان جھڑپوں کے دوران اسرائیلی فوج کی 21 گاڑیوں کو نشانہ بنایا گیا جن میں 14 ٹینک، 4 بلڈوزر اور 3 اہلکاروں کی نقل و حمل کی گاڑیاں شامل تھیں۔جب اسرائیلی فوجی رفح میں پھندہ لگائی گئی ایک سرنگ میں داخل ہونے کی کوشش میں تھے تو سرنگ کے دروازے پر نصب بوبی ٹریپ پھٹ گیا، جس سے کچھ فوجی ہلاک اور دیگر زخمی ہو گئے۔جب رفح میں ایک بوبی پھنسے ہوئے مکان کو دھماکے سے اڑا دیا گیا تو اس گھر میں موجود اسرائیلی اسپیشل فورسز کے اہلکار ہلاک اور زخمی ہو گئے۔