قدرت نے مردوں اور عورتوں میں جسمانی تبدیلیاں کی ہیں۔ عورت ماں بن سکتی ہے، وہ جنم دے سکتی ہے، جب کہ انسان کی ساخت میں مرد کا بھی بڑا کردار ہے، لیکن وہ جنم نہیں دے سکتا۔ لیکن اگر ہم کہیں کہ کوئی مرد حاملہ ہو گیا، اور پھر اس نے بچے کو جنم دیا، تو کیا آپ یقین کریں گے؟ آپ کہیں گے کہ یہ فطرت کے بنائے اصولوں کے خلاف ہے۔ لیکن ایسا کچھ سال پہلے ہوا تھا۔ امریکہ میں اس واقعہ نے سبھی کو چونکا دیا تھا کیونکہ ایک مرد نے بچے کو جنم دیا تھا ۔

ویسٹ ورجینیا میں سال 2020 میں ایک ایسا واقعہ پیش آیا تھا، جو کافی چونکا دینے والا تھا۔ 28 سالہ ایش پیٹرک شیڈ نے ایک بچے کو جنم دیا تھا، لیکن وہ ایک مرد تھا۔ دراصل ایش پیدائش کے وقت ایک عورت تھی لیکن وہ خود کو مرد بنانا چاہتے تھے ۔ سال 2020 سے کچھ سالوں پہلے سے انہوں نے مرد بننے کا عمل شروع کر دیا تھا۔ اس نے ٹیسٹوسٹیرون لینا شروع کر دیا جو کہ مرد ہارمون ہوتا ہے، اس کے ساتھ اس نے ایسٹروجن بلاکرز کا استعمال کرنا بھی شروع کر دیا تھا۔

سب کچھ ٹھیک چل رہا تھا، وہ عورت سے مرد میں تبدیلی کا تجربہ کر رہے تھے، لیکن فروری 2020 میں معلوم ہوا کہ وہ حاملہ ہیں۔ بتادیں کہ ایش پی ایچ ڈی اسٹوڈینٹ اور ہیلتھ ورکر بھی تھے۔ اس دوران ان کی ملاقات ڈیٹنگ ایپ پر ایک نامعلوم شخص سے ہوئی، جس کے ساتھ ایک رات گزاری۔ اس واقعے کے بعد وہ حاملہ ہو گئے تھے۔

نیوز18 اردو اب وہاٹس ایپ پر بھی، جوائن کرنے کیلئے یہاں کلک کریں۔

جب ایش کو حمل کے بارے میں معلوم ہوا تو وہ دنگ رہ گئے، کیونکہ ان کا خیال تھا کہ ان کا ٹرانزیشن ہوچکا ہے۔ حمل کی خبر ملنے کے بعد انہوں نے فوری طور پر ہارمون ٹریٹمنٹ روک دی اور بچے کو جنم دینے کا فیصلہ کیا۔ اس نے اسی سال اپنی بیٹی رونن کو جنم دیا جو اس کے لئے سب سے خاص تجربہ تھا۔

یہ بھی پڑھئے: یہاں اپنی ہی بہن ۔ بیٹی سے شادی کرلیتے تھے مرد! ہوتی تھی ایک سے زیادہ بیویاں، جانئے وجہ

یہ بھی پڑھئے: ہندوستان کے اس گاوں میں دو شادی کرتا ہے ہر مرد، پہلی بیوی ہی کرتی ہے سوتن کا استقبال، جانئے کیوں؟

میٹرو ویب سائٹ کی رپورٹ کے مطابق ایش کافی عرصے سے اپنی جنس کے بارے میں الجھن میں تھے۔ وہ فیصلہ نہیں کر پا رہے تھے کہ کیا بننا ہے۔ جب انہیں حمل کا علم ہوا تو انہوں نے فیصلہ کیا کہ وہ بچے کو جنم دیں گے ۔ ان کے حمل کی خبر سن کر ڈاکٹرز بھی حیران رہ گئے۔ لاک ڈاؤن کا وقت ایش کے لیے کافی اچھا تھا کیونکہ وہ اپنے شوہر جارڈن کے ساتھ مل کر اپنی بیٹی کی پرورش کر رہے تھے۔ ایش نے کہا کہ جب وہ حاملہ ہوئیں تو وہ ٹیسٹوسٹیرون جیل پر تھے اور ایسٹروجن بلاکر ادویات بھی لے رہے تھے۔