Tag Archives: latest sports news

اسپورٹس, وطن نامہ

IPL 2024 DC vs KKR:کولکاتانائٹ رائیڈز کےہاتھوں دہلی کیپٹلس کو7وکٹوں سےعبرتناک شکست کاسامنا

کولکاتا نائٹ رائیڈرز نے دہلی کیپٹلس کو شکست دی ہے۔ رشبھ پنت کی قیادت میں دہلی کیپٹلس کو 7 وکٹوں سے عبرتناک شکست کا سامنا کرنا پڑا۔ کولکاتا نائٹ رائیڈرز کو 154 رنز کا ہدف ملا تھا۔ کولکاتا نائٹ رائیڈرز نے شریاس ایر کی کپتانی میں ہدف 16.3 اوورز میں صرف 3 وکٹوں کے نقصان پر حاصل کر لیا۔ کے کے آر کے کپتان شریاس ایر 23 گیندوں پر 33 رنز بنانے کے بعد ناٹ آؤٹ رہے۔ جبکہ وینکٹیش ایر 23 گیندوں پر 26 رنز بنانے کے بعد ناٹ آؤٹ رہے۔ دونوں کے درمیان چوتھی وکٹ کے لیے 57 رنز کی شراکت داری ہوئی۔

دہلی کیپٹلس کے لیے اکسر پٹیل سب سے کامیاب گیند باز رہے۔ اکشر پٹیل نے کولکاتانائٹ رائیڈرز کے 2 بلے بازوں کو آؤٹ کیا۔ اس کے علاوہ لیزرڈ ولیمز نے 1 وکٹ اپنے نام کی۔

 

فل سالٹ اور سنیل نارائن نے میچ کو یکطرفہ کردیا

دہلی کیپٹلس کے 153 رنز کے جواب میں بلے بازی کرنے آئی کولکاتا نائٹ رائیڈرز کی شروعات شاندار رہی۔ کے کے آر کے اوپنرز فل سالٹ اور سنیل نارائن نے طوفانی شروعات کی۔ خاص طور پر فل سالٹ کو انتہائی جارحانہ انداز میں دیکھا گیا۔ فل سالٹ نے 33 گیندوں پر 68 رنز بنائے۔ انہوں نے اپنی اننگز میں 7 چوکے اور 5 چھکے لگائے۔ سنیل نارائن 10 گیندوں میں 15 رنز بنانے کے بعد آؤٹ ہوئے لیکن تب تک دونوں اوپنرز اپنا کام بخوبی کر چکے تھے۔ فل سالٹ اور سنیل نے پہلے 6 اوور میں 79 رنز جوڑے۔

تاہم KKR کو پہلا جھٹکا 79 رنز کے اسکور پر لگا۔ اس کے بعد فل سالٹ 96 رنز کے اسکور پر پویلین لوٹ گئے۔ ساتھ ہی رنکو سنگھ کی خراب فارم بھی بلا روک ٹوک جاری ہے۔ رنکو سنگھ 11 گیندوں پر 11 رنز بنانے کے بعد آؤٹ ہوئے۔ شریاس ایر کی ٹیم کو تیسرا جھٹکا 99 رنز کے سکور پر لگا۔

 

کلدیپ یادو کی بدولت دہلی کیپٹلس نے 150 رنز کا ہندسہ عبور کیا۔

اس سے پہلے دہلی کیپٹلس کے کپتان رشبھ پنت نے ٹاس جیت کر بیٹنگ کا فیصلہ کیا۔ پہلے بلے بازی کرنے آئی دہلی کیپٹلس نے 20 اوور میں 9 وکٹ پر 153 رن بنائے۔ دراصل، دہلی کیپٹلس کے بلے باز وقفے وقفے سے پویلین واپس ہوئے۔ ایک وقت ایسا لگتا تھا کہ یہ ٹیم 150 رنز کا ہندسہ بھی نہیں چھو سکے گی۔ لیکن کلدیپ یادو نے 26 گیندوں میں 35 رنز بنائے اور دہلی کیپٹلس کے اسکور کو 153 رنز تک لے گئے۔

اسپورٹس

IND vs AUS: سوریہ کمار یادیو آج بنا سکتے ہیں 3 بڑے ریکارڈ، ہندوستان کی جیت سے پاکستان کو لگے گا جھٹکا

نئی دہلی: ٹیم انڈیا کی نظریں آج آسٹریلیا کے خلاف ٹی 20 سیریز جیتنے پر ہوں گی۔ ہندوستانی ٹیم کو 5 میچوں کی سیریز میں 2-0 کی برتری حاصل ہے۔ تیسرا میچ گوہاٹی میں ہونا ہے۔ کپتان سوریہ کمار یادیو یہ میچ جیت کر 3 بڑے ریکارڈ بنا سکتے ہیں۔ سوریہ کی قیادت میں نوجوان ہندوستانی ٹیم نے سیریز میں اب تک شاندار کارکردگی کا مظاہرہ کیا ہے۔ سیریز کے پہلے میچ میں ٹیم کو 209 رنز کا بڑا ہدف ملا۔ پھر دوسرے میچ میں انہوں نے 235 رنز بنائے اور 44 رنز سے جیت گئے۔ یشسوی جیسوال، رتوراج گائیکواڑ اور ایشان کشن سے ایک بار پھر اچھی کارکردگی کی امید کی جائے گی۔

سوریہ کمار یادو پہلی بار ٹیم کی کپتانی کر رہے ہیں۔ ایسے میں وہ بطور کپتان اپنی پہلی سیریز جیتنا چاہیں گے۔ سوریہ ٹی ٹوئنٹی میں 2 ہزار رنز بنانے سے صرف 60 رنز دور ہیں۔ اگر وہ میچ میں 60 رنز بنا لیتے ہیں تو وہ ٹی ٹوئنٹی انٹرنیشنل میں 2 ہزار رنز بنانے والے چوتھے ہندوستانی بن جائیں گے۔ اس سے پہلے صرف وراٹ کوہلی، روہت شرما اور کے ایل راہل ہی بطور ہندوستانی یہ کر سکے ہیں۔ اگر ہندوستانی ٹیم یہ میچ جیت جاتی ہے تو وہ ٹی 20 انٹرنیشنل میں سب سے زیادہ میچ جیتنے والی ٹیم بن جائے گی۔ اس کے ساتھ ہی پاکستان کا بڑا ریکارڈ ٹوٹ جائے گا۔

پاکستان، چین اور… صبح-صبح 3 ممالک میں لرز گئی زمین، تیز زلزلہ سے خوفزدہ لوگ، جانئے کہاں-کتنی شدت؟

ختم ہوگی جنگ! اسرائیل ۔ حماس کے درمیان جنگ بندی میں دو دن کی توسیع، جانئے کس نے نبھایا اہم کردار

وکٹ کیپر نے کی آوٹ کی اپیل تو بلا اٹھا کر مارنے کیلئے دوڑ پڑے بابر اعظم، جانئے کیا ہے پورا معاملہ، دیکھئے ویڈیو

211 میں سے 135 میچ جیتے
ٹی 20 انٹرنیشنل کی بات کریں تو اس وقت ہندوستان اور پاکستان جیت کے لحاظ سے مشترکہ طور پر سرفہرست ہیں۔ ٹیم انڈیا نے 211 میں سے 135 میچ جیتے ہیں اور 66 ہارے ہیں۔ دوسری جانب پاکستان نے 226 میں سے 135 میچز جیتے ہیں۔ 82 میں شکست ہوئی ہے۔ نیوزی لینڈ نے بھی 102 میچ جیتے ہیں۔ ٹی ٹوئنٹی انٹرنیشنل میں اب تک کوئی اور ٹیم 100 فتوحات تک نہیں پہنچ سکی ہے۔ آسٹریلیا کی بات کریں تو اس نے اب تک 179 میچ کھیلے ہیں۔ یہ 94 میں جیتا اور 78 میں ہارا۔

ٹیم انڈیا کا ریکارڈ شاندار
ٹی 20 انٹرنیشنل میں آسٹریلیا کے خلاف ٹیم انڈیا کا ریکارڈ شاندار ہے۔ دونوں کے درمیان اب تک 28 میچ کھیلے جا چکے ہیں۔ ہندوستانی ٹیم 17 میچ جیتنے میں کامیاب رہی ہے۔ دوسری جانب کینگرو ٹیم صرف 10 میچ جیتنے میں کامیاب رہی ہے۔ ایک میچ کا نتیجہ نہیں آیا۔ دونوں ٹیموں کے درمیان کھیلے گئے آخری 5 ٹی 20 میچوں کی بات کریں تو ہندوستانی ٹیم نے 4 میں کامیابی حاصل کی ہے جبکہ آسٹریلیا نے صرف ایک میچ جیتا ہے۔ ٹیم انڈیا تیسرے T20 کے لیے پلیئنگ الیون میں تبدیلی کر سکتی ہے۔ لیفٹ آرم فاسٹ بولر ارشدیپ سنگھ کی جگہ اویش خان کو موقع مل سکتا ہے۔

ہندوستان کی ممکنہ پلیئنگ الیون
رتوراج گائیکواڑ، یشسوی جیسوال، ایشان کشن، سوریہ کمار یادو (کپتان)، تلک ورما، رنکو سنگھ، روی بشنوئی، اکسر پٹیل، پرسدھ کرشنا، اویش خان، مکیش کمار۔

اسپورٹس

’آؤٹ یا ناٹ آؤٹ‘، ریتوراج گائیکواڑ کے اس کیچ کو لے کر مچا ہنگامہ، فینس نے امپائر پر نکالا غصہ

ریتوراج گائیکواڑ نے میچ کے دوران وجئے شنکر کا ایک کمال کا کیچ پکڑا، جو کافی سرخیوں میں ہے۔ دراصل، کیچ لینے کے دوران گائیکواڑ نے ڈائیو ماری تھی، کیچ کو دیکھ کر ایک نظر میں ایسا لگ رہا تھا کہ گیند کہیں زمین پر ٹچ تو نہیں ہورہی ہے۔ یہی وجہ تھی کہ میدانی امپائر نے اس فیصلے کے لیے تھرڈ امپائر کے پاس جانا مناسب سمجھا۔

وہیں، تھرڈ امپائر نے ٹی وی ریپلے میں ہر زاویے سے دیکھنے کے بعد کیچ کو صحیح ٹھہرایا اور شنکر کو پویلین جانے کا حکم دیا۔ وہیں گجرات کے فینس اس فیصلے کو غلط ٹھہرارہے ہیں۔ فینس آپس میں گائیکواڑ کے کیچ کو لے کر سوال کھڑے کررہے ہیں۔


یہ بھی پڑھیں:

شبمن گل کی بہن کو آن لائن ٹرول کرنے کے معاملے میں ویمنس کمیشن نے لیا یہ فیصلہ

حالانکہ، بلے باز وجے شنکر نے اس کیچ کو لے کر کسی قسم کا ردعمل نہیں دیا۔ جیسے ہی گائیکواڑ نے کیچ لیا، وجے کو اداس دل کے ساتھ پویلین کی طرف چلتے ہوئے دیکھا گیا۔ وجے نے کیچ کے حوالے سے امپائر سے کوئی بات چیت نہیں کی۔ لیکن گجرات کے مداح امپائر کے بارے میں مختلف ٹوئٹس کر رہے ہیں۔

یہ بھی پڑھیں:

ICC نے جانے مانے امپائر پر لگایا بدعنوانی کا الزام، یہ وجہ آئی سامنے

بھلے ہی گائیکواڑ کے کیچ کو لے کر گجرات کے فینس خوش نہیں ہیں لیکن اس کیچ نے میچ کو پلٹ کر رکھ دیا۔ کیونکہ وجئے شنکر اور راشد خان ایک وقت جارحانہ بلے بازی کررہے تھے۔ ایسا لگ رہا تھا کہ گجرات میچ کو آخری گیند تک لے جاسکتے ہیں، لیکن اہم موقع پر متھیشا پتھیرانا نے وجئے شنکر کے ریتوراج کے ہاتھوں کیچ کرواکر میچ کا پانسہ پلٹ دیا۔

اسپورٹس

روہت شرما کو آوٹ کرکے نوین الحق نے پکڑ لیے کان، ایسے منایا جشن، دیکھیں ویڈیو

ممبئی انڈینس اور لکھنو سوپر جائنٹس کے درمیان آئی پی ایل 2023 کا پہلا میچ کھیلا جارہا ہے۔ جس میں ممبئی کے کپتان روہت شرما کو لکھنو کے پیسر نوین الحق نے اپنا شکار بنایا اور انوکھے انداز میں ان کے وکٹ لینے کے  بعد جشن منایا۔ ان کے اس جشن منانے کی ویڈیو اور تصاویر سوشل میڈی اپر وائرل ہورہی ہیں۔


نوین الحق پر خاص کر فینس کی نظریں ٹکی ہوئی ہیں، لیکن خاص بات یہ ہے کہ روہت شرما ایک بار پھر فلاپ ہوئے ہیں اور صرف 11 رن بناکر آوٹ ہوگئے۔ اس سیزن میں بھی وہ 14 لیگ اور 1 ایلیمینیٹر مقابلے کو ملا 324 رن بناپائے ہیں۔ لیکن یہاں پر ہم باتکررہے ہیں ناک آوٹ مقابلوں میں ان کے مظاہرے کی، جہاں پر وہ زیادہ تر فلاپ ہی ثابت ہوتے ہیں۔


روہت شرما کو آوٹ کرنے کے بعد انہوں نے ایک ہی اوور میں سوریہ کمار یادو اور کیمرون گرین کو بھی پویلین کا راستہ دکھایا۔


یہ بھی پڑھیں:

آئی پی ایل سیزن میں مشکل سے ملا موقع، گجرات کے نوجوان گیندباز نے کردی بڑی غلطی، چکانی نہ پڑجائے بڑی قیمت!

یہ بھی پڑھیں:

ICC نے جانے مانے امپائر پر لگایا بدعنوانی کا الزام، یہ وجہ آئی سامنے

اس دوران نوین الحق لگاتار سرخیوں میں بنے ہوئے ہیں۔ انڈین پریمیئر  لیگ (آئی پی ایل 2023) کے جاریہ سیزن میں ہوئے گوتم گمبھیر اور وراٹ کوہلی کے تنازع کو یہ دونوں کھلاڑی بھول بیٹھے ہوں، لیکن اسی تنازعہ کی وجہ سے میچ فیس کا پچاس فیصد حصہ گنوانے والے لکھنو ٹیم کے افغانی تیز گیند باز نوین الحق اب وہ ایک الگ ہی معاملے میں پھنس گئے ہیں۔

اسپورٹس

اب اس نئے معاملے میں پھنس گئے نوین الحق، بچنا بے حد مشکل، جانیے کیا ہے پورا واقعہ

انڈین پریمیئر  لیگ (آئی پی ایل 2023) کے جاریہ سیزن میں ہوئے گوتم گمبھیر اور وراٹ کوہلی کے تنازع کو یہ دونوں کھلاڑی بھول بیٹھے ہوں، لیکن اسی تنازعہ کی وجہ سے میچ فیس کا پچاس فیصد حصہ گنوانے والے لکھنو ٹیم کے افغانی تیز گیند باز نوین الحق اب وہ ایک الگ ہی معاملے میں پھنس گئے ہیں۔ اس تنازعہ سے نکلنا ان کے لیے بہت ہی زیادہ مشکل ہوگا کیونکہ وراٹ کوہلی کے چاہنے والے انہیں یادوں کے اس ’گھیرے‘ سے بالکل بھی نہیں نکلنے دیں گے۔ واقعہ کے بعد الگ الگ اسٹیڈیم میں کھیلے گئے گزشتہ تین میچوں میں جب جب نوین الحق میچ کے دوران بالنگ کے لئے آئے، تو شائقین بہت ہی زور زور سے وراٹ وراٹ کے نعرے لگانے لگے۔

یہ بھی پڑھیں:
فاف ڈوپلیسی کے ساتھ 172 رنوں کی پارٹنرشپ پر کوہلی نے کیا بڑا انکشاف،’اس کا راز ہے۔۔۔‘

ہفتہ کو بھی ایڈین گارڈنس اسٹیڈیم میں لکھنو سوپر جائنٹس اور کے کے آر کے درمیان کھیلے گئے میچ کےدوران یہ کچھ زیادہ ہی دیکھنے کو ملا۔ اس دوران نہ صرف زور زور اسے آرہی وراٹ وراٹ کی آواز پہلے کے مقابلے زیادہ ہی تھی، بلکہ اس کی گونج کی سطح بھی کافی اونچی تھی۔ یقینی ہے، نوین الحق کو ایک نئے تنازعہ نے گھیر لیا ہے۔


یہ بھی پڑھیں:

ورلڈ ٹسٹ فائنل کے لیے تین گروپ میں انگلینڈ کے لیے روانہ ہوگی ٹیم انڈیا، یہ ہے وجہ

شائقین کے اس انداز کے بعد اس افغانستان تیز گیندباز کو یہ اچھی طرح سے پتہ چل گیا ہوگا کہ انہوں نے کتنا بڑا پنگا لیا ہے۔ جو شروعات اب کوہلی کے چاہنے والوں نے کردی ہے، اس کا سامنا انہیں ہندوستان کی زمین پر ہمیشہ ہی کرنا ہوگا۔ جب جب وہ میدان پر کسی بھی بات کے لیے ہندوستانی فینس  کے نشانے پر آئیں گے تو انہیں وراٹ وراٹ سننا ہی ہوگا۔ نوین کو کافی کچھ احساس ہوا ہوگا، یہ تیسرا میچ ہے۔

اسپورٹس

جڈیجا کو چڑھاتے ہوئے گراونڈ کے بیچ میں ہی تلوار بازی کرنے لگے ڈیویڈ وارنر، آل راونڈر کی چھوٹی ہنسی، دیکھیں مزاحیہ ویڈیو

دہلی کیپٹلس اور چنئی سوپر کنگس کے درمیان آئی پی ایل 2023 کا 67واں میچ کھیلا گیا۔ اس میچ میں چنئی سوپر کنگس نے ریتوراج گائیکواڑ اور ڈیوین کانوے کی نصف سنچریوں کی اننگ کی بدولت مقررہ 20 اووروں میں 3 وکٹ  کے نقصان پر 223 رن بنائے اور دہلی کو جیت کے لیے 224 رنوں کا ہدف دیا۔

چنئی سوپر کنگس سے ملے ہدف کا پیچھا کرنے اتری دہلی کیپٹلس کی شروعات خراب رہی اور اوپنر بلے باز پرتھوی شاہ صرف 5 رن بنا کر آوٹ ہوگئے۔ اس کے بعد دہلی کو پانچویں اوور میں و جھٹکے اور لگے۔ وہیں اس اوور مین ایک مزیدار واقعہ بھی دیکھنے کوملا، جس کا ویڈیو سوشل میڈیا پر کافی تیزی سے وائرل ہورہا ہے۔

دراصل، دیپک چاہر دہلی کیپٹلس کی اننگز کا 5واں اوور پھینکنے آئے تھے۔ ڈیوڈ وارنر نے چاہر کو چھکا لگا کر ویلکم کیا۔ انہوں نے اگلی گیند پر چوکا لگایا۔ جبکہ انہوں نے تیسری گیند پر سنگل لیا۔ گیند ایکسٹرا کور پر کھڑے معین علی کے پاس گئی جنہوں نے پھینکا۔ اگر معین کا تھرو وکٹ پر لگا ہوتا تو وارنر پویلین لوٹ جاتے۔


یہ بھی پڑھیں:

فاف ڈوپلیسی کے ساتھ 172 رنوں کی پارٹنرشپ پر کوہلی نے کیا بڑا انکشاف،’اس کا راز ہے۔۔۔‘

یہ بھی پڑھیں:

جب کوہلی نے لگایا 103 میٹر طویل چھکا تو کپتان فاف کا کھلا رہ گیا منہ، دیا ایسا ری ایکشن

معین علی کے تھرو کے بعد وارنر نے دوسرا رن لینے کی کوشش کی اور رہانے کو چڑھانے کی کوشش کرنے لگے۔ رہانے نے گیند تھرو کی لیکن وارنر اس سے پہلے کریز کے اندر پہنچ چکے تھے۔ رہانے کے تھرو کو جڈیجا نے پکڑا تھا۔ جڈیجا نے اس کے بعد تھرو کرنے کی ایکٹنگ، دوسری طرف کریز سے باہر کھڑے وارنر نے جڈیجا کو چڑھاتے ہوئے ان کی تلوار بازی والا اسپیٹ کیا۔ وارنر کو اس طرح کرتے دیکھ کرجڈیجا کو ہنسی چھوٹ گئی۔ وہیں اب اس واقعہ کا ویڈیو سوشل میڈیا پر کافی تیزی سے وائرل ہورہا ہے۔

اسپورٹس

جب کوہلی نے لگایا 103 میٹر طویل چھکا تو کپتان فاف کا کھلا رہ گیا منہ، دیا ایسا ری ایکشن

آئی پی ایل میں آر سی بی کی جیت کے بعد ہر طرف وراٹ کوہلی کے ہی چرچے ہیں۔ جس نے بھی وراٹ کی بیٹنگ دیکھی، اس کے منہ سے یہی نکلا، ارے یہ تو پرانے کوہلی ہیں! وہیں اعتماد، وہی جوش، وہی فٹ ورک اور وہی طویل چھکے۔ اس سنچری کے ساتھ ہی وراٹ نے آئی پی ایل میں اپنے چار سال کی سنچری کے انتظار کو ختم کردیا۔ یہ کوہلی کے 63 گیندوں پر 12 چوکوں اور 4 چھکوں سے بنے 100 رن کا ہی اثر تھا کہ آر سی بی نے دھماکہ دار اناز میں جیت کے لیے 187 رنوں کا ہدف آسانی سے حاصل کرلیا۔ اننگ میں کوہلی نے ایک سے بڑھ کر ایک شاٹ کھیلے، لیکن ہدف کا پیچھا کرنے کے دوران اننگ کے آٹھویں اوور میں وراٹ نے ایسا چھکا ڈیپ-مڈ وکٹ کے اوپر سے مارا کہ نان اسٹرائیکر پر کھڑے کپتان فاف ڈوپلیسی کا منہ کھلا کا کھلا رہ گیا۔

اننگ کا آٹھواں اوور ہندوستان گیندباز نتیش ریڈی نے پھینکا تھا۔ یہ کافی چھوٹی گیند تھی اور خود کو گیند کو اندر لانے کے لیے کوہلی کو پیر نہیں چلانے پڑے۔ ٹپہ کھانے کے بعد یہ شاٹ کے لیے اونچائی پر آئی اور پھر وراٹ نے اسے مڈ وکٹ کے اوپر سے ایسا مارا کہ نان اسٹرائیک پر کھڑے فاف ڈوپلیسی ایک دم حیران رہ گئے۔ یہ ایک سو تین میٹر طویل چھکا رہا اور فاف کوہلی کی طرف دیکھتے ہوئے تعریفی کرنے کے لیے ان کے قریب تک آئے۔


یہ بھی پڑھیں:

محمد شمی اور سراج کی ظہیر خان نے کی جم کر تعریف، جموں ایکسپریس عمران ملک کو لے کہی یہ بڑی بات

یہ بھی پڑھیں:

لکھنو کو جیت دلانے کے بعد محسن خان نے بیمار والد کو کیا تھا ویڈیو کال، پوچھا-پاپا آپ خوش ہیں؟

مجموعی طور پر وراٹ اور فاف نے مل کر میچ کو مضبوط بنیاد سے پوری طرح سے یکطرفہ بنادیا۔ ان دونوں نے پہلے وکٹ کے لیے 172 رنوں کی شراکت داری کی، لیکن کوہلی چھائے رہے، جنہیں پلیئر آف دی میچ منتخب کیا گیا۔ یہ کوہلی کی ایک ایسی اننگ رہی، جسے ان کے سب سے بہترین ٹی ٹوئنٹی سنچریوں میں سے ایک کہا جاسکتا ہے۔

اسپورٹس

فاف ڈوپلیسی کے ساتھ 172 رنوں کی پارٹنرشپ پر کوہلی نے کیا بڑا انکشاف،’اس کا راز ہے۔۔۔‘

حیدرآباد کے خلاف آر سی بی کی جیت میں اہم رول ادا کرنے والے دونوں ہی اوپنر بیٹسمین وراٹ کوہلی اور فاف ڈوپلیسی کی دوستی آپ نے میدان پر اکثر دیکھی ہوگی، لیکن پلے آف کے لحاظ سے بے حد اہم مقابلے میں ان دونوں بلے بازوں نے تیزی سے رن بنائے اور آئی پی ایل 2023 میں کسی بھی وکٹ کے لیے سب سے بڑی شراکت داری کردی۔ میچ ختم ہونے کے بعد انعامی تقریب کے دوران جب وراٹ سے پوچھا گیا کہ آپ کے اور فاف کے درمیان اس پارٹنرشپ کے پیچھے کا سکریٹ کیا ہے؟


وراٹ نے مسکراتے ہوئے جواب میں کہا- مجھے لگتا ہے کہ فاف کے ساتھ شراکت کا راز یہ ٹیٹو ہے۔ اس سیزن میں ہم نے ایک ساتھ تقریباً 900 رنز بنائے ہیں۔ بالکل ویسا ہی جیسا کہ میں اے بی کے ساتھ بیٹنگ کرتے ہوئے محسوس کرتا تھا۔ اس بات کی سمجھ کے ساتھ کہ میچ کہاں جا رہا ہے اور کیا کرنے کی ضرورت ہے اور ایک تجربہ کار کھلاڑی بین الاقوامی سطح پر کپتانی کر رہا ہے – یہ ہمارے لیے ایک خوبصورت تبدیلی رہی ہے کہ ہم اکٹھے ہوں اور سب سے اوپر آر سی بی کے لیے اثر ڈالیں۔


یہ بھی پڑھیں:

لکھنو کو جیت دلانے کے بعد محسن خان نے بیمار والد کو کیا تھا ویڈیو کال، پوچھا-پاپا آپ خوش ہیں؟

یہ بھی پڑھیں:

محمد شمی اور سراج کی ظہیر خان نے کی جم کر تعریف، جموں ایکسپریس عمران ملک کو لے کہی یہ بڑی بات

فینس کے پیار سے جھوم اٹھے کوہلی

کوہلی نے بتایا کہ، ’یہاں بھی بھیڑ غضب کی تھی، میں نے فاف کو بھی بتایا۔ ایسا لگا جیسے ہمارے لیے گھر کا کھیل تھا۔ وہ میرا نام لیتے ہوئے ہمارا حوصلہ افزائی کررہے تھے۔ مجھے لگتا ہے کہ آپ اسے نہیں بناسکتے۔ میں نے کسی کو میری پیروی کرنے یا مجھ سے متاثر ہونے کے لیے مجبور نہیں کیا۔

اسپورٹس

کرونال پانڈیا’ریٹائرڈ ہرٹ‘ ہوئے یا ’ریٹائرڈ آؤٹ‘؟ شروع ہوئی نئی بحث، جانیے کیا ہے پورا معاملہ

لکھنو سوپر جائنٹس اور ممبئی انڈینس کے درمیان آئی پی ایل 2023 کے 63ویں میچ میں لکھنو کے بلے باز کرونال پانڈیا 49 رن بنا کر آوٹ ہوگئے۔ اب فینس کے ذہن میں یہ سوال ہے کہ وہ ’ریٹائرڈ ہرٹ‘ ہوئے یا پھر ’ریٹائرڈ آوٹ‘۔ عام طور پر بلے باز کو ریٹائرڈ ہرٹ ہو کر باہر جاتے دیکھا ہے، لیکن ریٹائرڈ آوٹ کیا ہوتا ہے۔ اس کے بارے میں تھوڑی کنفیوژن دیکھنے کو مل رہی ہے۔ آپ کو بتادیں کہ، ’جب کوئی بلے باز امپائر یا حریف ٹیم کے کپتان سے صلاح و مشورہ کیے بغیر اپنی مرضی سے گراونڈ سے باہر چلا جائے تو اسے ’ریٹائرڈ آوٹ‘ مان لیا جاتا ہے۔‘

روی چندرن اشون آئی پی ایل تاریخ کے واحد ایسے بلے باز ہیں جو ریٹائرڈ آوٹ ہوئے ہیں لیکن لکھنو سوپر جائنٹس کے کپتان کرونال پانڈیا نے میچ کے بعد صاف کیا کہ وہ ریٹائرڈ آوٹ نہیں تھے، ریٹائرڈ ہرٹ ہوئے تھے۔


یہ بھی پڑھیں:

IPL 2023: محسن خان بنے ہیرو، ممبئی کے خلاف لکھنو کی سنسنی خیز جیت، پلے آف کی امیدیں برقرار

اشون کی بات کریں تو آئی پی ایل 2022 میں لیگ راؤنڈ کے 20ویں میچ میں وہ لکھنؤ سوپر جائنٹس کے خلاف میچ میں 19ویں اوور کی 2 گیندیں کھیلنے کے بعد میدان سے باہر چلے گئے تھے۔ انہوں نے خود کو ریٹائر کرنے کا فیصلہ کر لیا تھا۔ آئی پی ایل کی تاریخ میں ایسا پہلے نہیں ہوا تھا۔

یہ بھی پڑھیں:

IPL 2023: عمران ملک کو پلیئنگ الیون میں کیوں نہیں مل رہا موقع؟ اٹھے سوال….ہیڈ کوچ نے توڑی خاموشی

اگر ہم ممبئی اور لکھنؤ کے درمیان کھیلے گئے میچ کی بات کریں تو لکھنؤ سوپر جائنٹس نے ممبئی کو 5 رنز سے شکست دی ہے۔ ٹاس ہارنے کے بعد پہلے بیٹنگ کرتے ہوئے لکھنؤ کی ٹیم نے 20 اوورز میں 177/3 رنز بنائے تھے لیکن جواب میں اس ہدف کا تعاقب کرتے ہوئے ممبئی کی ٹیم صرف 172 رنز ہی بنا سکی۔

اسپورٹس

سابق ہندوستانی اسٹار کھلاڑیوں نے یوجندر چہل کے آئیکانک پوز کو کیا کاپی، ویڈیو نے مچایا دھمال

راجستھان رائلس کے اسپنر یوجندر چہل نے تاریخ رقم کردی ہے کیونکہ وہ چنئی سوپر کنگس کے سابق اسٹار ڈیوین براو کو پیچھے چھوڑتے ہوئے انڈین پریمیئر لیگ (آئی پی ایل) میں سب سے زیادہ وکٹ لینے والے کھلاڑی بن گئے ہیں۔ اپنے شاندار مظاہرے کے بعد چہل نے ہربھجن سنگھ، ایس شری سنت اور محمد کیف جیسے سابق ہندوستانی ستاروں کے ساتھ بات چیت کی، جہاں بھجی نے آر آر اسپنر سے ایک خصوصی کارروائی کو یاد کیا۔

اسٹار اسپورٹس پر چیٹنگ کے دوران، ہربھجن نے چہل سے کہا کہ وہ ان کے مقبول پوز کو یاد کررہے ہیں۔ ٹیوب نیٹر اور ان کے آس پاس کے سبھی لوگوں کو استوڈیو میں پوز کو پھر سے بنانے کے لیے چہل سمیت سبھی کو راغب کیا گیا۔ اسٹوڈیو میں موجود لوگوں کو اپنا پوز بناتے ہوئے دیکھ چہل نے بھی گراونڈ پر ایسا ہی کیا۔

چہل نے یہاں ایڈن گارڈنز میں کولکتہ نائٹ رائیڈرز (KKR) کے خلاف میچ میں تاریخ رقم کی، جب لیگ اسپنر نے ٹورنامنٹ میں اپنا 184 واں وکٹ لیا۔ چہل نے کے کے آر کے کپتان نتیش رانا کو سوئپ شاٹ مارنے پر اکسایا، جسے ڈیپ اسکوائر لیگ پر شمرون ہیٹمائر نے کیچ کیا۔ اس وکٹ کے ساتھ، چہل (184) لیگ کے سب سے زیادہ وکٹوں کی تعداد میں سابق ڈیوین براو سے آگے نکل گئے۔ براو نے 183 وکٹ لیے ہیں۔ پیوش چاولہ (174)، امیت مشرا 172، اور روی چندرن اشون 171 بھی آئی پی ایل سب سے زیادہ وکٹ لینے والوں کی فہرست میں شامل ہیں۔ چہل نے میچ میں کُل 4 وکٹ لیے، جو 187 اسکیل تک جارہا تھا۔


یہ بھی پڑھیں:

دھونی کے پٹارے سے نکلا یہ ’ڈیتھ اوور‘ کا خطرناک گیندباز، چنئی سوپر کنگس کی کشتی لگائے گا پار!

یہ بھی پڑھیں:

پاکستان نے ونڈے رینکنگ میں ہندوستان پر حاصل کی سبقت، ٹیم روہت کو چکانی پڑی اس بات کی قیمت

انہوں نے کے کے آر کے خلاف راجستھان کی ٹکر سے پہلے 11 میچوں میں 17 وکٹ لے کر سیزن کی شروعات بھی اچھی کی ہے۔ میچ میں آتے ہی، چہل نے اپنے چار اوور کے اسپیل میں صرف 25 رن دے کر چار وکٹ حاصل کرنے کا بہترین مظاہرہ کیا۔