نئی دہلی : آئی پی ایل 2024 کا 60 واں میچ ممبئی انڈینز اور کولکاتہ نائٹ رائیڈرز کے درمیان ایڈن گارڈنز میں کھیلا گیا۔ کے کے آر نے یہ میچ 18 رن سے اپنے نام کرلیا ۔ اس کے ساتھ ہی KKR ٹیم اس سیزن میں پلے آف میں پہنچنے والی پہلی ٹیم بھی بن گئی ہے۔ بارش سے متاثرہ میچ میں ٹاس ہار کر پہلے بلے بازی کرنے اتری کولکاتہ نائٹ رائیڈرز کی ٹیم مقررہ 16 اوورز میں سات وکٹوں کے نقصان پر 157 رنز بنائے اور ممبئی انڈینز کو جیت کیلئے 158 رنز کا ہدف دیا، جس کے جواب میں ممبئی کی ٹیم آٹھ وکٹوں کے نقصان پر 139 رنز ہی بنا سکی ۔
158 رنز کے ہدف کے تعاقب میں اتری ممبئی انڈینز کی شروعات کافی اچھی رہی ۔ دونوں سلامی بلے باز ایشان کشن اور روہت شرما نے مل کر 6.5 اوور میں 65 رنز بنا دئے ۔ جب تک ایشان اور روہت کریز پر تھے، تب تک میچ یک طرفہ نظر آرہا تھا، مگر ایشان کشن کے آوٹ ہوتے ہی ممبئی کی مشکلات پیدا ہونا شروع ہوگئیں ۔ ایشان کشن نے 22 گیندوں پر 40 رنز کی اننگز کھیلی ۔ وہیں روہت شرما نے 19 رنز بنائے ۔
روہت اور ایشان کے آوٹ ہونے کے بعد ممبئی کی اننگز تھوڑی لڑ کھڑاگئی اور سنیل نارائن اور ورون چکرورتی نے کفایتی گیند بازی کرکے ممبئی کے بلے بازوں کو دباو میں لا دیا ۔ سوریہ کمار یادو 14 گیندوں میں 11 رنز بناکر آوٹ ہوگئے ۔ ہاردک پانڈیا صرف دو رنز ہی بنا سکے جبکہ ٹم ڈیوڈ اپنا کھاتہ بھی نہیں کھول سکے ۔ تاہم تلک ورما نے 17 گیندوں میں 32 رنز اور نمن دھیر نے 6 گیندوں میں 17 رنز بناکر ٹیم کو واپسی دلانے کی کوشش کی ، مگر وہ کامیاب نہیں ہوسکے ۔
اس سے پہلے کولکاتہ کیلئے ورون چکرورتی نے 42 رنز ، نتیش رانا نے 33 رنز، آندرے رسل نے 24 رنز، رنکو سنگھ نے 20 رنز اور رمن دیپ سنگھ نے 17 رنز بنائے ۔ وہیں فل سالٹ 6 رنز بناکر آوٹ ہوگئے جبکہ سنیل نارائن اپنا کھاتہ بھی نہیں کھول سکے ۔
کولکاتا نائٹ رائیڈرز نے لکھنؤ سپر جائنٹس کو 98 رنز سے شکست دی ہے۔ پہلے بلے بازی کرتے ہوئے کولکاتا نائٹ رائیڈرز نے 20 اووروں میں 235 رنز کا بڑا اسکور بنایا تھا جس میں سنیل نارائن کی 81 رنز کی طوفانی اننگز بھی شامل تھی۔ جب لکھنؤ کی ٹیم ہدف کا تعاقب کرنے آئی تو اس کی شروعات اچھی نہیں رہی کیونکہ ارنیش کلکرنی صرف 9 رنز بنا کر آؤٹ ہو گئے۔
ایل ایس جی کی جانب سے مارکس اسٹوئنس نے سب سے زیادہ رنز بنائے۔ ان کے بلے نے 21 گیندوں میں 36 رنز بنائے اور اس دوران انہوں نے 4 چوکے اور 2 فلک بوس چھکے بھی لگائے۔ لیکن دوسرے اینڈ سے مسلسل وکٹیں گرنے کی وجہ سے اسٹوئنس بھی دباؤ میں آکر اپنی وکٹ گنوا بیٹھے۔ اس میچ میں سنیل نارائن نے 81 رنز بنائے اور مستقل مزاجی کے ساتھ بولنگ کرتے ہوئے 1 وکٹ بھی حاصل کی۔
لکھنؤ سپر جائنٹس نے236 رنز کے بڑے ہدف کے تعاقب میں پہلے 6 اوور میں 1 وکٹ کے نقصان پر 55 رنز بنائے۔ لکھنؤ اچھی پوزیشن میں نظر آرہا تھا لیکن 8ویں اوور میں کپتان کے ایل راہل 21 گیندوں میں 25 رنز بنانے کے بعد آؤٹ ہوگئے۔ ان کے بعد دیپک ہڈا اور مارکس اسٹوئنس بھی جلد ہی پویلین لوٹ گئے جس کی وجہ سے ٹیم 85 رنز پر 4 وکٹیں گنوا چکی تھی۔ نکولس پران اور آیوش بدونی کا بیٹ بھی آج کام نہ کرسکا جو بالترتیب 10 اور 15 رنز بنانے کے بعد آؤٹ ہوئے۔
صورت حال ایسی تھی کہ 15 اوور کے اختتام تک لکھنؤ کی ٹیم 130 رنز کے اسکور پر 8 وکٹیں گنوا چکی تھی اور اسے جیت کے لیے ابھی 106 رنز درکار تھے۔
ایل ایس جی کی 9ویں وکٹ 16ویں اوور میں یودھویر سنگھ کی شکل میں گری جس کی وجہ سے کے کے آر میچ پر پوری طرح حاوی رہا۔ 17ویں اوور کی پہلی ہی گیند پر ہرشیت رانا نے روی بشنوئی کو بھی آؤٹ کر دیا جنہوں نے صرف 2 رنز بنائے۔ اس کے ساتھ ہی ایل ایس جی 137 رنز کے اسکور پر آل آؤٹ ہوگئی اور کے کے آر نے یہ میچ 98 رنز کے بڑے مارجن سے جیت لیا۔
ممبئی : جمعہ کو انڈین پریمیئر لیگ میں ممبئی انڈینز کو کولکاتہ نائٹ رائیڈرز (KKR) کے خلاف 24 رنز سے شکست کا سامنا کرنا پڑا۔ ممبئی کی ٹیم 170 رنز کے ہدف کے تعاقب میں 145 رنز پر ڈھیر ہو گئی۔ وانکھیڑے کی پچ پر 170 کا ہدف مشکل نہیں سمجھا جاتا ہے۔ اس کے باوجود کپتان ہاردک پانڈیا ٹیم کی شکست کی وجہ سے پریشان نظر آئے۔ انہوں نے کہا کہ شکست کی وجہ جاننے میں کچھ وقت لگے گا۔
ممبئی انڈینز کے لیے صرف سوریہ کمار یادو (56) کچھ دیر کریز پر ٹھہر سکے۔ ٹم ڈیوڈ (24) نے بھی تھوڑی جدوجہد کی۔ باقی بلے باز بری طرح ناکام رہے۔ پانڈیا نے میچ کے بعد ایوارڈ تقریب میں کہا کہ ہم پارٹنرشپ نہیں بنا سکے اور وکٹیں گنواتے رہے۔ بہت سارے سوالات ہیں اور ان سب کے جواب تلاش کرنے میں کچھ وقت لگے گا۔ حالانکہ اس میچ میں انہوں نے 2 وکٹیں حاصل کی تھیں۔
ہاردک پانڈیا نے کے کے آر کی اننگز کو 169 رنز تک محدود کرنے پر گیند بازوں کی تعریف کی۔ انہوں نے کہا کہ اس پچ پر گیند بازوں نے شاندار کارکردگی کا مظاہرہ کیا۔ اگر میں غلط نہیں ہوں تو دوسری اننگز میں اوس کی وجہ سے وکٹ بہتر ہوگئی۔ ہمیں یہ دیکھنا ہے کہ ہم کیا بہتر کر سکتے ہیں۔ کھیل میں جدوجہد جاری ہے۔ میں اپنی ٹیم کے کھلاڑیوں سے بھی یہی کہتا ہوں۔ یہ چیلنجنگ ہے اور آپ کھیل میں چیلنج پسند کرتے ہیں ۔
بتادیں کہ ممبئی انڈینز کی ٹیم آئی پی ایل 2024 کے پلے آف کی دوڑ سے تقریباً باہر ہو چکی ہے۔ اسے اپنے 11 میں سے 8 میچوں میں شکست ہوئی ہے اور وہ 6 پوائنٹس کے ساتھ پوائنٹس ٹیبل میں نویں نمبر پر ہے۔ پوائنٹس ٹیبل میں صرف رائل چیلنجرز بنگلورو اس سے نیچے ہیں۔ لیکن بنگلورو کو ممبئی سے ایک اور میچ کھیلنا ہے۔ بنگلورو کی ٹیم 10 میں سے 7 میچ ہار چکی ہے۔
کولکا تا نائٹ رائیڈرز نے ممبئی انڈینز کو 24 رنز سے شکست دے دی ہے۔ کے کے آر نے پہلے بلے بازی کرتے ہوئے 169 رنز بنائے تھے جس کے لیے وینکٹیش ایئر نے 70 رنز کی شاندار اننگز کھیلی۔ جب ممبئی انڈینز ہدف کا تعاقب کرنے نکلی تو ٹیم کی شروعات انتہائی خراب رہی۔ ٹیم 46 رنز کے اندر 3 وکٹیں گنوا چکی تھی۔ روہت شرما 11 رنز، ایشان کشن 13 رنز اور نمن دھیر بھی صرف 11 رنز بنا سکے۔ سوریہ کمار یادو مضبوط کھڑے رہے، لیکن دوسرے سرے سے وکٹیں مسلسل گر رہی تھیں۔ سوریہ کمار یادیو نے 35 گیندوں میں 56 رنز بنائے، اس دوران انہوں نے 6 چوکے اور 2 چھکے بھی لگائے۔ کولکا تا نائٹ رائیڈرز کی جانب سے سنیل نارائن اور ورون چکرورتی نے بہت سخت گیند بازی کی۔
ہدف کے تعاقب میں ایم آئی نے پاور پلے اوورز میں 46 رنز بنائے تاہم ٹیم 3 وکٹوں کے نقصان پر بیک فٹ پر آ گئی۔ ٹیم کی اگلی 3 وکٹیں بھی 24 رنز کے اندر گر گئیں، جس کی وجہ سےممبئی انڈینز کی ٹیم مشکلات کا شکار رہی، اس نے 71 رنز پر 6 وکٹیں گنوا دیں۔ یہاں سے سوریہ کمار یادو نے تیزی سے بیٹنگ شروع کی اور 30 گیندوں میں اپنی ففٹی مکمل کی۔ ان کے دور میں ممبئی کی جیت کی امیدیں بڑھنے لگیں لیکن جب سوریہ کمار یادیو 16ویں اوور میں 56 رنز بنانے کے بعد آؤٹ ہوئے تو پورا میدان خاموش ہوگیا۔
A skier by Phil Salt 🫡
Andre Russell provides the prized wicket of Suryakumar Yadav 🙌#MI require 32 runs from 12 balls!
ممبئی انڈینز کو آخری 4 اوورز میں جیت کے لیے 46 رنز درکار تھے اور ٹم ڈیوڈ بدستور کریز پر موجود تھے۔ اگلے 2 اووروں میں صرف 13 رن آئے جس سے ممبئی انڈینز کو آخری 2 اووروں میں 32 رنز درکار تھے۔ ٹم ڈیوڈ 19ویں اوور کی دوسری گیند پر 24 رنز کے سکور پر آؤٹ ہو گئے اور اس کے ساتھ ہی ایم آئی کی جیت کی امیدیں تقریباً ختم ہو گئیں۔ اگلی ہی گیند پر پیوش چاولہ بھی پویلین لوٹ گئے۔ اسی اوور میں اسٹارک نے جیرالڈ کوٹزی کو کلین بولڈ کرکے اپنی ٹیم کو 24 رنز سے فتح دلائی۔
کے کے آر کی گیند بازی نے طاقت دکھائی
خاص طور پر کولکا تا نائٹ رائیڈرز کے لیے اسپنرز نے شاندار بولنگ کی۔ سنیل نارائن اور ورون چکرورتی، دونوں نے 4 اوورز کرائے اور دونوں نے 22 رنز دے کر 2-2 وکٹیں حاصل کیں۔ انہوں نے ممبئی کے بلے بازوں کو درمیانی اوورز میں جارحانہ بلے بازی کرنے سے روکا۔
مچل اسٹارک ڈیتھ اوورز میں حاوی رہے، انہوں نے اپنے اسپیل میں 4 وکٹیں حاصل کیں۔ دراصل میچ کے گیم چینجر آندرے رسل تھے جنہوں نے سوریہ کمار یادو کا وکٹ لے کر میچ کا رخ کولکا تا نائٹ رائیڈرز کی طرف موڑ دیا، اس کے علاوہ انہوں نے ہاردک پانڈیا کا وکٹ بھی لیا۔
کولکاتا نائٹ رائیڈرز نے دہلی کیپٹلس کو شکست دی ہے۔ رشبھ پنت کی قیادت میں دہلی کیپٹلس کو 7 وکٹوں سے عبرتناک شکست کا سامنا کرنا پڑا۔ کولکاتا نائٹ رائیڈرز کو 154 رنز کا ہدف ملا تھا۔ کولکاتا نائٹ رائیڈرز نے شریاس ایر کی کپتانی میں ہدف 16.3 اوورز میں صرف 3 وکٹوں کے نقصان پر حاصل کر لیا۔ کے کے آر کے کپتان شریاس ایر 23 گیندوں پر 33 رنز بنانے کے بعد ناٹ آؤٹ رہے۔ جبکہ وینکٹیش ایر 23 گیندوں پر 26 رنز بنانے کے بعد ناٹ آؤٹ رہے۔ دونوں کے درمیان چوتھی وکٹ کے لیے 57 رنز کی شراکت داری ہوئی۔
دہلی کیپٹلس کے لیے اکسر پٹیل سب سے کامیاب گیند باز رہے۔ اکشر پٹیل نے کولکاتانائٹ رائیڈرز کے 2 بلے بازوں کو آؤٹ کیا۔ اس کے علاوہ لیزرڈ ولیمز نے 1 وکٹ اپنے نام کی۔
What a way to wrap up a solid all-round show 💥
A commanding performance by Kolkata Knight Riders at home 💜
And that win helps them consolidate their position in the points table 🤝
دہلی کیپٹلس کے 153 رنز کے جواب میں بلے بازی کرنے آئی کولکاتا نائٹ رائیڈرز کی شروعات شاندار رہی۔ کے کے آر کے اوپنرز فل سالٹ اور سنیل نارائن نے طوفانی شروعات کی۔ خاص طور پر فل سالٹ کو انتہائی جارحانہ انداز میں دیکھا گیا۔ فل سالٹ نے 33 گیندوں پر 68 رنز بنائے۔ انہوں نے اپنی اننگز میں 7 چوکے اور 5 چھکے لگائے۔ سنیل نارائن 10 گیندوں میں 15 رنز بنانے کے بعد آؤٹ ہوئے لیکن تب تک دونوں اوپنرز اپنا کام بخوبی کر چکے تھے۔ فل سالٹ اور سنیل نے پہلے 6 اوور میں 79 رنز جوڑے۔
تاہم KKR کو پہلا جھٹکا 79 رنز کے اسکور پر لگا۔ اس کے بعد فل سالٹ 96 رنز کے اسکور پر پویلین لوٹ گئے۔ ساتھ ہی رنکو سنگھ کی خراب فارم بھی بلا روک ٹوک جاری ہے۔ رنکو سنگھ 11 گیندوں پر 11 رنز بنانے کے بعد آؤٹ ہوئے۔ شریاس ایر کی ٹیم کو تیسرا جھٹکا 99 رنز کے سکور پر لگا۔
Phil Salt on song here at the Eden Gardens 🎶@KKRiders have already reached 40/0 in the chase ⚡️⚡️
کلدیپ یادو کی بدولت دہلی کیپٹلس نے 150 رنز کا ہندسہ عبور کیا۔
اس سے پہلے دہلی کیپٹلس کے کپتان رشبھ پنت نے ٹاس جیت کر بیٹنگ کا فیصلہ کیا۔ پہلے بلے بازی کرنے آئی دہلی کیپٹلس نے 20 اوور میں 9 وکٹ پر 153 رن بنائے۔ دراصل، دہلی کیپٹلس کے بلے باز وقفے وقفے سے پویلین واپس ہوئے۔ ایک وقت ایسا لگتا تھا کہ یہ ٹیم 150 رنز کا ہندسہ بھی نہیں چھو سکے گی۔ لیکن کلدیپ یادو نے 26 گیندوں میں 35 رنز بنائے اور دہلی کیپٹلس کے اسکور کو 153 رنز تک لے گئے۔
نئی دہلی : انڈین پریمیئر لیگ میں جمعہ کو پنجاب کنگز کے بلے بازوں نے کولکاتہ نائٹ رائیڈرز کے خلاف ریکارڈ ہدف کا کامیاب تعاقب کرکے تاریخ رقم کردی۔ کولکاتہ نے ٹاس ہارنے کے بعد پہلے بیٹنگ کرتے ہوئے 6 وکٹوں پر 261 رنز بنائے۔ اس کے جواب میں جونی بیئرسٹو کی سنچری اور ششانک سنگھ کی طوفانی اننگز کی بدولت پنجاب کنگز نے ٹی ٹوئنٹی کرکٹ کی تاریخ کا سب سے بڑا ہدف حاصل کر لیا۔
پنجاب کنگز کے ریکارڈ رنز کے تعاقب میں ششانک سنگھ کی طوفانی نصف سنچری سب سے اہم تھی۔ انہوں نے صرف 28 گیندوں پر 68 رنز کی شاندار ناٹ آوٹ اننگز کھیلی جس میں 8 چھکے اور 2 چوکے شامل تھے۔ اس دھماکہ خیز اننگز کے دوران ششانک نے نہ صرف ٹورنامنٹ بلکہ ٹی ٹوینٹی کی تاریخ کا سب سے بڑا ہدف حاصل کرتے ہوئے ٹیم کو جیت سے ہمکنار کرایا۔
کولکاتہ کی جانب سے دئے گئے 262 رنز کے بڑے اسکور کا تعاقب کرنے اترے پربھسمرن نے جونی بیئرسٹو کے ساتھ مل کر ٹیم کو طوفانی آغاز فراہم کیا۔ دونوں نے صرف 6 اوورز میں 93 رنز بنائے۔ پربھسمرن نے 20 گیندوں پر 4 چوکوں اور 5 چھکوں کی مدد سے 54 رنز کی اننگز کھیلی۔ ان کے آؤٹ ہونے کے بعد بیئرسٹو نے اپنا دھماکہ جاری رکھا اور سنچری بنائی۔ 45 گیندوں پر 8 چوکے اور اتنے ہی چھکے لگا کر آئی پی ایل کی تاریخ میں اپنی دوسری سنچری مکمل کی۔
اس سے پہلے پنجاب کنگز کے خلاف ٹاس ہارنے کے بعد کولکاتہ نائٹ رائیڈرز کے اوپنرز نے شاندار آغاز کیا اور بڑے اسکور کی بنیاد رکھی۔ سنیل نارائن اور فل سالٹ نے صرف 10 اوورز میں ٹیم کے لیے 137 رنز بنائے۔ ان دونوں بلے بازوں نے ٹیم کے لیے نصف سنچریاں بنائیں۔ نارائن نے 32 گیندوں میں 9 چوکے اور 4 چھکے لگا کر 71 رنز بنائے جبکہ سالٹ نے 37 گیندوں کا سامنا کرتے ہوئے 75 رنز بنائے، 6 چوکے اور اتنے ہی چھکے۔
اس سیزن میں کولکاتہ نائٹ رائیڈرز کی ٹیم نے دوسری بار 260 سے اوپر رنز بنائے۔ دہلی کیپٹلز کے خلاف 277 رنز بنانے کے بعد ٹیم نے پنجاب کنگز کے خلاف 6 وکٹوں پر 261 رنز بنائے۔ سنیل نارائن اور فل سالٹ کے دھماکہ خیز آغاز کے بعد کپتان شریس ایر نے 10 گیندوں پر 28 رنز بنا کر ٹیم کو اس اسکور تک لے جانے میں اہم کردار ادا کیا۔
نئی دہلی : انڈین پریمیئر لیگ کے 31ویں میچ میں دو ٹیبل ٹاپر ٹیموں کے درمیان مقابلہ ہوا۔ کولکاتہ نائٹ رائیڈرز کی ٹیم راجستھان رائلز کے خلاف ٹاس ہارنے کے بعد بیٹنگ کرنے اتری اور سنیل نارائن کی طوفانی سنچری کی بدولت 6 وکٹوں پر 223 رنز بنائے۔ ہدف کے تعاقب میں جوس بٹلر نے اکیلے ہی میچ کا رخ موڑ دیا اور سنچری بنا کر راجستھان کی ٹیم کو آخری اوور میں جیت دلادی۔
جوس بٹلر نے جس طرح آر سی بی کے خلاف سنچری بنا کر ٹیم کو جیت دلائی تھی، ویسی ہی ایک اور اننگز کھیل ڈالی ۔ راجستھان کے اس سلامی بلے باز نے اکیلے ہی کولکاتہ نائٹ رائیڈرز کے خلاف میچ کو پلٹ دیا۔ 36 گیندوں پر 5 چوکوں اور 1 چھکے کی مدد سے اپنی نصف بنانے والے بٹلر نے 55 گیندوں پر 6 چھکے اور 9 چوکے لگا کر اپنی سنچری مکمل کی۔
کولکاتہ کی جانب سے 224 رنز کے بڑے ہدف کا تعاقب کرتے ہوئے راجستھان رائلز کی ٹیم اچھی شروعات کرنے میں ناکام رہی۔ یشسوی جیسوال اور کپتان سنجو سیمسن نے یکے بعد دیگرے وکٹیں گنوادیں۔ آر اشون کو اوپر بھیجنے کا ٹیم کا فیصلہ بھی رائیگاں گیا اور وہ صرف 8 رنز بنا سکے۔ پچھلے میچ کے ہیرو شیمرون ہیٹمائر پہلی گیند پر ہی آؤٹ ہو گئے۔ ریان پراگ نے 14 اور 34 رنز کی تیز اننگز کھیلی لیکن وہ بھی زیادہ دیر تک کریز پر نہیں ٹھہر سکے۔
اس سے پہلے کولکاتہ نائٹ رائیڈرز کے مینٹور گوتم گمبھیر کے قابل اعتماد کھلاڑی سنیل نارائن نے اپنی ٹاپ فارم کو جاری رکھتے ہوئے آئی پی ایل میں اپنی پہلی سنچری بنائی۔ لیجنڈ اسپنر کو اوپننگ کی ذمہ داری دینے کا فیصلہ درست ثابت ہوا اور انہوں نے 29 گیندوں پر 5 چوکوں اور 3 چھکوں کی مدد سے 50 رنز بنائے۔ اس کے بعد بھی نارائن کا بلا نہیں رکا اور 49 گیندوں میں 11 چوکے اور 6 چھکے لگا کر سنچری بنائی۔
بیٹنگ میں دھمال مچانے والے نارائن نے 4 اوورز میں 30 رنز دے کر 2 اہم وکٹیں بھی حاصل کیں۔ انہوں نے دھرو جریل اور روومین پاول کو آؤٹ کیا۔
نئی دہلی: چنئی سپر کنگز (CSK) نے آئی پی ایل 2024 میں کولکاتہ نائٹ رائیڈرز کی جیت کی مہم کو روک کر جیت کی راہ پر واپسی کرلی ہے۔ ریتوراج گائیکواڑ کی ٹیم CSK نے پیر کو ایک میچ میں KKR کو شکست دی۔ کولکاتہ نائٹ رائیڈرس جیت کی ہیٹ ٹرک کے ساتھ چنئی پہنچی تھی، لیکن CSK نے چوتھی جیت کی ان کی امیدوں پر پانی پھیر دیا۔ اس جیت کے ساتھ ہی پوائنٹس ٹیبل میں چنئی سپر کنگز کے 6 پوائنٹس ہو گئے ہیں۔ وہ پوائنٹس ٹیبل میں چوتھے نمبر پر ہے۔ راجستھان رائلز 8 پوائنٹس کے ساتھ پہلے نمبر پر ہے۔
ایم ایس چدمبرم اسٹیڈیم میں چنئی سپر کنگز نے ٹاس جیت کر پہلے گیند بازی کی۔ چنئی کے گیند بازوں نے کپتان ریتوراج گائیکواڑ کے فیصلے کو درست ثابت کرتے ہوئے کولکاتہ نائٹ رائیڈرز کو 9 وکٹوں پر 137 رنز پر روک دیا۔ کے کے آر کی جانب سے کپتان شریس ایئر نے سب سے زیادہ 34 رنز بنائے۔ سنیل نارائن نے 27 اور انگکرش رگھوونشی نے 24 رنز بنائے۔ رمندیپ سنگھ 13 رنز ، آندرے رسل 10 رنز اور رنکو سنگھ 9 رنز بنانے کے بعد آؤٹ ہوئے۔
138 رنز کے ہدف کو آئی پی ایل میں کبھی مشکل نہیں سمجھا گیا اور جب اوس پڑ رہی ہو تب تو بالکل بھی نہیں ۔ یہ چنئی سپر کنگز کی بلے بازی میں بھی نظر آیا۔ کپتان ریتوراج گائیکواڑ (67) نے شاندار نصف سنچری بنائی ۔ انہوں نے اپنے زیادہ تر رنز طاقت کے بجائے نزاکت سے بنائے۔ جب تک شیوم دوبے (28)، ڈیرل مچل (25) اور رچن رویندر (15) کریز پر موجود رہے، ایسا کبھی نہیں لگا کہ انہیں رنز بنانے میں کوئی مسئلہ درپیش ہے۔ چنئی سپر کنگز نے یہ میچ 17.4 اوور میں 3 وکٹوں کے نقصان پر جیت لیا۔ جب سی ایس کے نے میچ جیتا، اس کی اننگز کی 14 گیندیں باقی تھیں۔ آئی پی ایل 2024 میں کے کے آر کی یہ پہلی شکست ہے۔
چنئی سپر کنگز کی جانب سے تشار پانڈے اور رویندرا جدیجا نے 3،3 وکٹیں حاصل کیں۔ پہلا اوور لانے والے تشار نے کے کے آر کے اوپنر فل سالٹ کو اپنی پہلی ہی گیند پر آؤٹ کر دیا۔ جڈیجہ نے بھی اپنی پہلی گیند پر وکٹ حاصل کی۔ انہوں نے اپنے پہلے اوور کی پہلی گیند پر انگکرش رگھونشی کو آؤٹ کیا۔ جڈیجہ نے اسی اوور میں سنیل نارائن کا وکٹ بھی لیا۔
بنگلہ دیشی تیز گیند باز مستفیض الرحمان نے 2 وکٹیں اپنے نام کیں۔ اس کے ساتھ انہوں نے اورنج کیپ پر بھی قبضہ کرلیا ۔ رحمان نے ٹورنامنٹ میں سب سے زیادہ 9 وکٹیں حاصل کیں۔ یجویندر چہل 8 وکٹوں کے ساتھ دوسرے نمبر پر ہیں۔ موہت شرما، خلیل احمد اور کوئٹزی اس فہرست میں 7-7 وکٹوں کے ساتھ مشترکہ طور پر تیسرے نمبر پر ہیں۔
نئی دہلی: آئی پی ایل 2024 میں اچھی شروعات کے بعد 2 میچ گنوا چکی چنئی سپر کنگز کی ٹیم چوٹ سے پریشان دکھائی دے رہی ہے۔ کولکاتہ نائٹ رائیڈرز کے خلاف CSK کے پلیئنگ الیون میں بھی یہ واضح طور پر نظر آیا۔ سی ایس کے کے کپتان ریتوراج گائیکواڑ نے ٹاس جیتنے کے بعد بتایا کہ ان کے کم از کم 3 کھلاڑی چوٹ کی وجہ سے دستیاب نہیں ہیں۔ چنئی سپر کنگز نے اس میچ میں ٹاس جیت کر پہلے گیند بازی کرنے کا فیصلہ کیا ہے۔
چنئی سپر کنگز کے کپتان ریتوراج گائیکواڑ نے ٹاس جیتنے کے بعد کہا کہ ہم پہلے گند بازی کریں گے۔ ہم نے پچھلے کچھ میچ ہارے ہیں، لیکن ہم نے اعتماد نہیں کھویا ہے۔ ریتوراج گائیکواڑ نے پلیئنگ الیون کے بارے میں بتایا کہ ہمیں مجبوری میں کچھ تبدیلیاں کرنی پڑی ہیں۔ متھیشا پتھیرانا چوٹ کی وجہ سے دستیاب نہیں ہیں۔ دیپک چاہر کو بھی نگل ہے، جس کی وجہ سے شاردل ٹھاکر، مستفیض الرحمان اور سمیر رضوی کی پلیئنگ الیون میں واپسی ہوئی ہے۔
کولکاتہ نائٹ رائیڈرز کے کپتان شریس ایئر نے بھی کہا کہ اگر وہ ٹاس جیتتے تو پہلے گیند بازی کرنے کا فیصلہ کرتے۔ دراصل چنئی میں گزشتہ چند راتوں میں کافی مقدار میں اوس پڑی ہے۔ یہی وجہ ہے کہ کپتان ٹاس جیت کر بعد میں بیٹنگ کرنا چاہ رہے تھے۔ اب دیکھنا یہ ہے کہ گائیکواڑ کے اس فیصلے سے چنئی سپر کنگز کی ٹیم کو کتنا فائدہ ہوتا ہے۔
نئی دہلی: انڈین پریمیئر لیگ کے نئے سیزن میں ٹورنامنٹ کی تاریخ کا دوسرا سب سے بڑا اسکور دیکھنے کو ملا۔ کولکاتہ نائٹ رائیڈرز نے ٹاس جیت کر دہلی کیپٹلز کے خلاف پہلے بلے بازی کرنے کا فیصلہ۔ سنیل نارائن، انگکرش رگھوونشی اور آندرے رسل کی طوفانی اننگز کی بدولت کے کے آر نے 7 وکٹوں پر 272 رنز کا بڑا اسکور بنایا۔ اس کے جواب میں کپتان ریشبھ پنت کی شاندار نصف سنچری بھی دہلی کی ٹیم کو بڑی شکست سے نہیں بچا سکی اور دہلی کی پوری ٹیم 166 رنز پر ڈھیر ہوگئی ۔ اس طرح کولکاتہ نے یہ میچ 106 رنز کے بڑے فرق سے جیت لیا۔
بدھ کو انڈین پریمیئر لیگ کے 16ویں میچ میں کولکاتہ کے کپتان شریس ایئر نے دہلی کے خلاف ٹاس جیت کر پہلے بلے بازی کرنے کا فیصلہ کیا۔ سنیل نارائن نے انگکرش رگھوونشی کے ساتھ مل کر کے کے آر کے لئے طوفانی شروعات کی، جس کی وجہ سے اسکور 11 اوورز میں 150 رنز تک پہنچ گیا۔ آخر میں آندرے رسل اور رنکو سنگھ نے تابڑتوڑ شاٹس لگا کر اسکور کو 272 رنز تک پہنچانے اہم کردار ادا کیا۔
کولکاتہ نائٹ رائیڈرز کی جانب سے گیند بازی میں اہم کردار ادا کرنے والے سنیل نارائن نے اوپننگ میں ایسی بیٹنگ کی جس نے سب کچھ بدل کر رکھ دیا۔ انہوں نے 39 گیندوں پر 7 چوکوں اور اتنے ہی چھکوں کی مدد سے 85 رنز بنا کر ٹیم کو طوفانی آغاز فراہم کیا۔ آئی پی ایل میں ڈیبیو کررہے انگکرش نے 27 گیندوں میں 54 رنز کی تیز اننگز کھیلی۔ انڈر 19 اسٹار نے پہلے میچ میں نصف سنچری بنا کر میچ کو یادگار بنا دیا۔
بڑے اسکور کا تعاقب کرنے اتری دہلی کی ٹیم کی بلے بازی بری طرح فلاپ رہی۔ ٹاپ آرڈر کے بلے باز رنز بنانے میں ناکام رہے۔ ڈیوڈ وارنر، پرتھوی شا اور مچل مارش جلد ہی آؤٹ ہوکر پویلین لوٹ گئے۔ کپتان ریشبھ پنت نے آکر ٹیم کو سنبھالا جو مشکل میں تھی۔ ورون چکرورتی کے ایک اوور میں لگاتار 6 گیندوں پر بڑے شاٹس لگا کر 26 رنز بنائے۔ انہوں نے 25 گیندوں پر 4 چوکے اور 5 چھکے لگا کر 55 رنز بنائے۔
