نئی دہلی : سی بی آئی نے صبح سویرے ترنمول کانگریس لیڈر اور لوک سبھا کی سابق رکن پارلیمنٹ مہوا موئترا کے گھر پر چھاپہ مارا ہے۔ سی بی آئی نے حال ہی میں کیش فار کویری سے وابستہ معاملہ میں ایک کیس درج کیا تھا، جس کے بعد آج یہ چھاپے مارے گئے۔ موصولہ اطلاعات کے مطابق سی بی آئی حکام نے اتوار کو مہوا سے متعلق کولکاتہ سمیت کئی دیگر مقامات پر چھاپے مارے۔

سی بی آئی عہدیداروں نے بتایا کہ سی بی آئی نے ہفتہ کے روز مبینہ طور پر کیش فار کویری معاملہ میں کولکاتہ سمیت کئی مقامات پر سابق ٹی ایم سی ایم پی مہوا موئترا کے احاطوں کی تلاشی لی ۔ انہوں نے کہا کہ سینٹرل انویسٹی گیشن ایجنسی کی ٹیمیں ہفتے کی صبح کولکاتہ اور دیگر شہروں میں موئترا کی رہائش گاہ پر پہنچیں، تلاشی کی کارروائی کے بارے میں مطلع کیا اور آپریشن شروع کیا۔

بتا دیں کہ مرکزی تفتیشی بیورو (سی بی آئی) نے لوک پال کی ہدایت پر جمعرات کو ٹی ایم سی کی سابق ایم پی موئترا کے خلاف ایف آئی آر درج کی تھی۔ لوک پال نے سی بی آئی کو چھ ماہ کے اندر رپورٹ داخل کرنے کی ہدایت دی ہے۔

دراصل لوک پال نے بی جے پی کے رکن پارلیمنٹ نشی کانت دوبے کے ذریعہ موئترا پر لگائے گئے الزامات کی ابتدائی جانچ کے نتائج حاصل کرنے کے بعد سی بی آئی کو یہ ہدایات جاری کی ہیں۔ لوک سبھا ایم پی دوبے نے الزام لگایا کہ موئترا نے صنعت کار گوتم اڈانی اور وزیر اعظم نریندر مودی اور دیگر پر تنقید کرنے کے لیے دبئی کے تاجر درشن ہیرانندنی سے نقد رقم اور تحائف لیے تھے اور اس کے بدلے میں ایوان میں سوالات پوچھے تھے۔

موئترا کو دسمبر میں ‘غیر اخلاقی برتاؤ’ کے لیے لوک سبھا سے نکال دیا گیا تھا۔ سابق ایم پی نے سپریم کورٹ میں اپنی برخاستگی کو چیلنج کیا ہے اور وہ آئندہ عام انتخابات کے دوران مغربی بنگال کی کرشن نگر سیٹ سے ٹی ایم سی امیدوار کے طور پر دوبارہ میدان میں اتریں گی۔

نئی دہلی : پیسہ لے کر پارلیمنٹ میں سوال پوچھنے (کیش فار کویری) کے معاملہ میں ٹی ایم سی ممبر پارلیمنٹ مہوا موئترا کی مشکلات بڑھتی نظر آرہی ہیں ۔ اب اس معاملہ میں سی بی آئی نے پی ای درج کرتے ہوئے ابتدائی جانچ شروع کردی ہے ۔ دراصل کیش فار کویری معاملہ اس وقت سرخیوں میں آگیا تھا جب سپریم کورٹ کے وکیل اجے اننت دیہادرائی کے ایک خط کا حوالہ دیتے ہوئے بی جے پی ممبر پارلیمنٹ نشی کانت دوبے نے ٹی ایم سی ممبر پارلیمنٹ پر سنگین الزامات عائد کئے تھے اور جانچ کا مطالبہ بھی کیا تھا ۔ انہوں نے دعوی کیا تھا کہ ٹی ایم سی ممبر پارلیمنٹ نے پارلیمنٹ میں سوال پوچھنے کیلئے کاروباری درشن ہیرانندانی سے رشوت لی تھی ۔

بتادیں کہ ملزم کاروباری درشن نے اپنے حلف نامہ میں کہا کہ کئی مواقع پر اس کی مہوا موئترا سے ملاقات ہوئی تھی اور وہ ٹی ایم سی ممبر پارلیمنٹ سے روزانہ سے لے کر ہفتہ وار طور پر بات چیت کرتا تھا۔ اس نے حلف نامہ میں کہا کہ انہوں نے ایک ممبر پارلیمنٹ کے طور پر اپنی ای میل آئی ڈی میرے ساتھ شیئر کی ، تاکہ میں انہیں جانکاری بھیج سکوں اور وہ پارلیمنٹ میں سوال اٹھا سکیں ۔ میں ان کی تجویز کے ساتھ گیا ۔ کچھ جانکاری میرے ساتھ شیئر کی گئی، جس کی بنیاد پر میں نے ضرورت پڑنے پر ان کی لاگ ان کا استعمال کرکے سوالات کا مسودہ تیار کیا اور پوسٹ کرنا جاری رکھا ۔

درشن نے یہ بھی دعوی کیا کہ ٹی ایم سی لیڈر نے ان سے کئی طرح کی مدد مانگی ۔ انہوں نے کہا کہ کئی مرتبہ مجھے لگا کہ وہ میرا نامناسب فائدہ اٹھا رہی ہیں اور مجھ پر ان چیزوں کو کرنے کیلئے دباو ڈال رہی ہیں، جو میں نہیں چاہتا تھا، لیکن مندرجہ بالا وجوہات سے میرے پاس کوئی متبادل نہیں تھا ۔

یہ بھی پڑھئے: صحافی سومیا وشوناتھن قتل کیس میں چاروں ملزمین کو عمر قید کی سزا، ساکیت کورٹ کا بڑا فیصلہ

یہ بھی پڑھئے: وزیر اعظم نریندر مودی نے تیجس لڑاکو طیارے میں بھری اڑان، 45 منٹ تک فضا میں رہے، کہا- دنیا میں ہم کسی سے کم نہیں

بتادیں کہ بی جے پی رکن پارلیمنٹ نشی کانت دوبے نے مہوا موئترا کے خلاف اسپیکر کو خط لکھا تھا اور الزام لگایا تھا کہ مہوا موئترا کے پارلیمنٹ کی لاگ ان آئی ڈی سے ایک کارباوری کو لاگ ان کرنے کا پاس ورڈ دیا گیا ۔ نشی کانت دوبے نے ترنمول کانگریس کی لیڈر پر پارلیمنٹ میں سوال پوچھنے کیلئے ایک کاروباری سے پیسہ لینے کا الزام لگایا اور ان کے خلاف الزامات کی جانچ کیلئے ایک جانچ کمیٹی بنانے کا لوک سبھا اسپیکر سے مطالبہ کیا ۔

دوبے نے ایک وکیل سے ملے خط کا حوالہ دیتے ہوئے کہا کہ وکیل نے ٹی ایم سی لیڈر اور ایک کاروباری کے درمیان رشوت کے لین دین کا ’ثبوت‘ شیئر کیا ہے ۔