نئی دہلی : وزیر اعظم نریندر مودی لوک سبھا انتخابات میں مسلسل ریلیاں، روڈ شو اور جلسہ عام کر رہے ہیں۔ وہ ایک دن میں 3 سے 4 ریاستوں کا احاطہ کر رہے ہیں۔ کل انہوں نے بہار میں تین مقامات پر جلسہ کیا اور شام کو وارانسی میں روڈ شو کیا۔ آج صبح، مہاکال اور ماں گنگا کی پوجا کرنے کے بعد انہوں نے وارانسی سے اپنا پرچہ نامزدگی داخل کیا۔ وزیراعظم مودی تیسری بار وارانسی سے الیکشن لڑ رہے ہیں۔

پرچہ نامزدگی داخل کرنے کے بعد نیوز 18 انڈیا کی کنسلٹنگ ایڈیٹر روبیکا لیاقت نے وزیر اعظم نریندر مودی کے ساتھ کئی مسائل پر بات چیت کی۔ جب ان سے انتخابات کے بارے میں پوچھا گیا تو انہوں نے کہا کہ ”یہ الیکشن مودی نہیں لڑ رہا ہے ۔ یہ الیکشن 140 کروڑ باشندگان وطن لڑ رہے ہیں۔ میرا بہت طویل تجربہ ہے انتخابات کا، عوام کے مزاج کا تجربہ ہے ، ان اتجربہ میں سمجھ سکتا ہوں، یہ الیکشن سے بھی کافی اوپر کا مرحلہ ہے ۔ یہ ووٹ دے کر چھوٹنے والا مرحلہ نہیں ہے، ملک کے لوگ مودی سے جڑ چکے ہیں اور زیادہ جڑنا چاہتے ہیں ۔

انتخابات میں بی جے پی کی جیت کو لے کر وزیر اعظم میں ایک الگ ہی اعتماد نظر آرہا تھا۔ جب ان سے اس اعتماد کی وجہ پوچھی گئی تو انہوں نے کہا کہ ملک کے لوگوں کو لگتا ہے کہ ملک نے کئی حکومتوں کے ماڈل دیکھے ہیں۔ لیکن بی جے پی نے ایک ایسا ماڈل پیش کیا ہے جس میں جدید ہندوستان کا عزم بھی ہے اور اور خواب بھی ہے۔ اور آج مودی ملک کے عام آدمی کے خوابوں کو پورا کرنے کا کام کر رہا ہے ۔ اس لیے زمینی سچائی میرے ساتھ جڑ چکی ہے۔ خاص طور پر نوجوانوں کو تبدیلی واضح طور پر نظر آرہی ہے۔ ڈیجیٹل انڈیا بن رہا ہے۔ ہم چاند پر پہنچ رہے ہیں۔ ملک گرین ہائیڈروجن کا مرکز بننے جا رہا ہے۔ اسٹارٹ اپ ہو رہے ہیں۔ ان سے نوجوانوں کو لگ رہا ہے کہ دنیا کے لیے ہندوستان کے دروازے کھل رہے ہیں۔ ملک کے نوجوان میری کامیابیوں سے اپنے خواب بن رہے ہیں۔

انتخابات کو لے کر آپ گھبرائے ہوئے ہیں؟ اس سوال پروزیراعظم مودی نے کہا کہ نروسنیس لفظ میری ڈکشنری میں نہیں ہے۔ اس کے علاوہ میں نے اپنی زندگی میں تپسیا کی ہے۔ میں نے اپنی زندگی کا ہر لمحہ اپنے ہم وطنوں کے لیے صرف کیا ہے۔ اور میں نے یہ سب اس لیے کیا ہے کہ ہمارے ملک کے لوگ بہت ڈیزرونگ ہیں۔ 70 سال تک ناانصافی ہوئی ہے۔ جب کوئی ان کے آنسو پونچھتا ہے، کوئی ان کے بیت الخلاء کی فکر کرتا ہے، ان باتوں کو وہ بھول نہیں سکتا ہے۔

وزیراعظم نے کہا کہ کورونا کے مشکل وقت میں انہوں نے کسی گھر کا چولہا بجھنے نہیں دیا تھا۔ بچوں کو بھوکا سونے نہیں دیا تھا۔ ان تمام کاموں کی وجہ سے لوگوں کا حکومت پر اعتماد بڑھا ہے اور یہی اعتماد انہیں توانائی دیتا ہے۔

وارانسی : ‘اگر کانگریس اقتدار میں آئی تو وہ ملک کی دولت کو ‘دراندازوں’ اور ‘جن کے زیادہ بچے ہیں’ ان کے درمیان تقسیم کر دے گی، وزیر اعظم نریندر مودی کی پچھلے دنوں کہی اس بات پر کافی ہنگامہ مچا ہوا ہے۔ کانگریس نے وزیراعظم مودی کے اس بیان پر الیکشن کمیشن سے شکایت بھی کی ہے۔ ایسے میں وزیر اعظم مودی نے نیوز 18 انڈیا کو دیے گئے ایک خصوصی انٹرویو میں اس بیان سے پیدا ہوئے ہنگامے کا جواب دیا ہے۔ وزیراعظم مودی نے واضح طور پر کہا کہ وہ مسلمانوں سے اپنی محبت کی مارکیٹنگ نہیں کرتے اور جس دن ہندو مسلم کرنے لگیں گے ، تو وہ سیاست چھوڑ دیں گے۔

نیوز 18 انڈیا کی کنسلٹنگ ایڈیٹر روبیکا لیاقت نے وزیراعظم مودی سے خصوصی بات چیت میں پوچھا کہ آپ نے اسٹیج پر دراندازوں اور زیادہ بچے پیدا کرنے والوں کی بات کیوں بات کہی؟ تو وزیر اعظم نے کہا کہ ‘یہ غلط بات ہے، میں نے صرف مسلمانوں کی بات نہیں کی، میں نے ہر غریب خاندان کی بات کہی۔’ وزیر اعظم مودی نے یہ بھی کہا کہ ‘میں نے نہ ہندو کہا اور نہ ہی مسلمان… جس دن میں ہندو ۔ مسلمان کرنے لگوں گا، میں سیاست کرنا بند کردوں گا۔ میں سب کو برابر دیکھتا ہوں۔ یہ میری قرارداد ہے۔

وہیں جب وزیراعظم مودی سے پوچھا گیا کہ ‘آپ اس تاثر کو توڑنے میں کامیاب کیوں نہیں ہوئے کہ آپ مسلمانوں کے خلاف نہیں ہیں؟ تو انہوں نے کہا کہ یہ مسلمان کا سوال نہیں ہے۔ ذاتی طور پر مسلمان مجھے بھلے ہی پسند کریں، لیکن 2002 کے بعد میری شبیہ خراب کردی گئی ۔ وزیراعظم مودی نے ساتھ ہی کہا کہ ‘میں مسلمانوں کی محبت کی مارکیٹنگ نہیں کرتا۔’

وزیراعظم مودی نے کہا کہ میں بچپن میں مسلم کنبوں کے درمیان رہا ہوں۔ میرے کئی دوست مسلمان ہیں۔ میرے گھر کے ارد گرد سبھی مسلم کنبے رہتے تھے ۔ ہمارے یہاں عید کے دنا کھانا نہیں بنتا تھا ۔ سھی مسلم کنبوں سے ہمارے گھر کھانا آتا تھا۔ گودھرا کے بعد مانک چوک پر سبھی خریدار ہندو ہیں، سبھی دکاندار مسلمان ہیں، دیوالی میں بڑی بھیڑ ہوتی ہے ، میں نے 2002 میں وہاں سروے کروایا ، میں نے لڑکوں کو سروے کرنے بھیجا۔ وہاں مسلمان کہتے تھے کہ مودی کا نام مت لینا… مودی نہیں تھا تو بچے اسکول نہیں جاتے تھے۔ ان کی ماں اتنی خوش تھی کہ مودی کے آنے کے بعد بچوں کی زندگی بدل گئی ۔

نئی دہلی: لوک سبھا انتخابات میں وارانسی سے ایک بار پھر پرچہ نامزدگی داخل کرنے والے وزیراعظم مودی نے نیوز 18 انڈیا کو ایک خصوصی انٹرویو دیا ہے۔ مہادیو کی نگری کاشی میں نیوز 18 کی مقبول اینکر روبیکا لیاقت کے ساتھ بات چیت میں وزیر اعظم نریندر مودی نے کہا کہ یہ الیکشن مودی نہیں لڑ رہا ہے، بلکہ 140 کروڑ عوام لڑ رہے ہیں۔ مسلمانوں کے ساتھ اپنے تعلقات کے بارے میں وزیراعظم مودی نے کہا کہ وہ بچپن سے ہی مسلم خاندانوں سے گھرے رہے ہیں۔ آج بھی ان کے بہت سے مسلمان دوست ہیں۔ انہوں نے یہ بھی کہا کہ 2002 کے بعد ان کی شبیہ کو داغدار کردیا گیا۔ تو آئیے جانتے ہیں کہ وزیراعظم مودی نے مسلمانوں کے ساتھ اپنے تعلقات اور گودھرا کے بارے میں کیا کہا؟

آپ اس تاثر کو توڑنے میں کامیاب کیوں نہیں ہوپائے کہ آپ مسلمانوں کے خلاف نہیں ہیں؟ اس سوال کے جواب میں وزیراعظم مودی نے کہا کہ پہلی بات تو یہ ہے کہ یہ مسئلہ مسلمانوں کا نہیں ہے۔ ذاتی طور پر مسلمان کتنا بھی مودی کے ساتھ ہوگا، لیکن ایک خاص نظریاتی اثر ہے جو حکم کرتا ہے کہ آپ یہ کرو ، وہ کرو۔ اس کی بنیاد پر وہ فیصلہ کرتا ہے ۔ میرا جو گھر ہے، میرے ارد گرد میں سارے مسلم کنبے ہیں ۔ ہمارے گھر میں عید بھی منائی جاتی تھی، ہمارے گھر میں اور بھی تہوار ہوتے تھے۔ ہمارے گھر میں عید کے دن کھانا نہیں بنتا تھا ۔ سبھی ملسم گھروں سے میرے یہاں کھانا آجاتا تھا ۔ جب محرم نکلتا تھا، تب ہمارا تعزیہ کے نیچے سے نکلنا لازمی ہوتا تھا۔ ہمیں سکھایا جاتا تھا ۔ میں اس دنیا میں پرورش پایا ہوں۔ آج بھی میرے بہت سارے دوست مسلم ہیں ۔

وزیراعظم مودی نے گودھرا واقعہ کو کیا یاد

وزیراعظم مودی نے مزید کہا کہ 2002 کے بعد میری شبیہ بہت خراب کردی گئی ۔ گودھرا کے بعد میں نے سوچا کہ مجھے حقیقت کا علم ہونا چاہیے۔ میں نے اپنے 30 کارکنوں کا ایک تربیتی کیمپ لگایا اور انہیں سروے کرنے کا طریقہ سکھایا۔ ڈیٹا بیسڈ سروے نہیں بلکہ بات چیت پر مبنی سروے۔ احمد آباد میں مانک چوک نامی ایک جگہ ہے۔ لوگ شام کو کھانا کھانے وہاں جاتے ہیں۔ وہاں کے سبھی تاجر مسلمان ہیں اور خریدار ہندو ہیں۔ اور یہاں اتنی بھیڑ ہوتی ہے کہ پیدل نہیں چل سکتے۔ دیوالی کے موقع پر کافی بھیڑ ہوتی ہے۔ وہاں ہر قسم کی چیزیں فروخت ہوتی ہیں۔ میں نے کہا کہ مجھے اس بازار میں سروے کرانا ہے۔ میں نے لڑکوں کو بھیجا اور میں روزانہ کی رپورٹ دیکھتا تھا۔ اس نے جا کر پوچھتے تھے کہ آپ بتائیے دیوالی کیسی ہے، جواب آتا تھا کہ ہاں جی دیوالی اچھی ہے۔ میں 2002 کی بات کر رہا ہوں۔ سروے کرنے والا پھر کہتا تھا کہ مودی بیٹھا ہے یار اور دیوالی… تو جواب آتا تھا کہ مودی کا نام مت لینا۔ ایک نے کہا کہ اس کی ماں سنے گی تو رات کا کھانا نہیں دے گی ۔ سروے والے نے پوچھا کیوں، تو کہا کہ ارے مودی نہیں آیا تھا تو تب تک اسکول نہیں جانا تھا، مودی آیا ہے تو اسکول جارہا ہے ۔ دیوالی کی چھٹی ہے تو میرے یہاں دکان پر مدد کررہا ہے ۔ ان کی ماں اتنی خوش تھی کہ مودی کے آنے کے بعد بچوں کی زندگی بدل گئی ۔ مودی کے خلاف میرے پاس مت بولو کچھ ۔ تقریبا تقریبا 90 فیصد دکان والوں کا یہی جواب تھا ۔

وزیراعظم مودی نے سنایا مسلم خاتون کا قصہ

وزیراعظم مودی نے مزید کہا کہ مجھے ایک مرتبہ مسلم خاتون ملنے آئی ۔ بہت مبارک باد دے رہی تھی، کچھ توقعات لے کر آئی تھیں ۔ وہ جوہاپوری سے آئی تھی، جہاں تین چار لاکھ مسلمان ہیں ۔ میں نے پوچھا کوئی تکلیف ہے کیا، کوئی پولیس والا یا سرکار پریشان کرتی ہے کیا؟ بولی نہیں نہیں صاحب، ہم تو آپ کا شکریہ ادا کرنے آئے ہیں ۔ آپ نے بجلی کا کام کیا ہے، وہ بہت اچھا کام کیا ہے ۔ میں نے کہا کہ تو میں نے بہت برا کیا ۔ میں نے تو 35 کلو میٹر کیبل اکھاڑ کر پھینک دیا ہے اور وہاں کوئی سرکاری آدمی نہیں جا پاتا تھا ۔ وہ بلی وہی تو اچھا کام کیا ہے سر آپ نے ۔ میں نے کہا کہ کیسے ، میں نے تو کیبل کاٹ دیا ۔ اس نے کہا کہ نہیں سر، ہمارے یہاں ہر محلہ میں بجلی وزیر ہیں اور وہ بجلی دے کر ہم سے ادائیگی لیتے تھے ۔ سرکار کی بجلی چوری کرکے ہم کو بیچتے تھے ۔ ہمارے پیسے بہت جاتے تھے ۔ اب ریگولر بجلی آتی ہے ، کوئی داد  گیری نہیں ہوتی ، اس لئے ہم یہاں آئے ہیں ۔

انہوں نے انٹروید میں مزید کہا کہ پہلے میرے اوپر اخبارات میں ہوتا تھا مودی نے ظلم کردیا ، کیبل کاٹ دیا ۔ دراصل میں نے ان کا اچھا کیا ۔ ایسے میری زندگی میں سینکڑوں واقعات ہیں، مگر میں اس کی مارکیٹنگ نہیں کرتا ۔ میں ووٹ بینک کیلئے کام نہیں کرتا ۔ میں سب کا ساتھ، سب کا وکاس میں یقین رکھتا ہوں۔