احمد آباد : عام آدمی پارٹی (اے اے پی) نے منگل کو آئندہ لوک سبھا انتخابات میں گجرات کے لئے اپنے اسٹار کمپنیروں کی فہرست جاری کردی۔ دلچسپ بات یہ ہے کہ دہلی کے وزیر اعلی اروند کیجریوال، سابق نائب وزیر اعلی منیش سسودیا اور ستیندر جین کے نام بھی اس فہرست میں شامل ہیں، جب کہ یہ تینوں اس وقت دہلی ایکسائز گھوٹالے کے سلسلے میں دہلی کی تہاڑ جیل میں بند ہیں۔
وزیراعلی اروند کیجریوال کی اہلیہ سنیتا کیجریوال کا نام بھی گجرات میں عام آدمی پارٹی کے اسٹار کمپینروں کی فہرست میں شامل ہے۔ پنجاب کے وزیر اعلی بھگونت مان بھی گجرات میں عام آدمی پارٹی کے لئے انتخابی مہم چلاتے نظر آئیں گے۔
انفورسمنٹ ڈائریکٹوریٹ (ای ڈی) نے 21 مارچ کو وزیر اعلی اروند کیجریوال کو ایکسائز پالیسی سے متعلق منی لانڈرنگ کیس میں گرفتار کیا تھا۔ کیجریوال اس وقت عدالتی حراست میں ہیں۔
گجرات کی 26 لوک سبھا سیٹوں میں سے اے اے پی بھروچ اور بھاو نگر سیٹوں پر الیکشن لڑ رہی ہے، جب کہ اپوزیشن اتحاد ‘انڈین نیشنل ڈیولپمنٹل انکلوسیو الائنس’ (‘انڈیا’) میں اس کی اتحادی کانگریس باقی 24 سیٹوں پر الیکشن لڑ رہی ہے۔
اے اے پی نے بھروچ سے چیتر وساوا اور بھاو نگر سے امیش مکوانہ کو میدان میں اتارا ہے۔ گجرات کی سبھی 26 لوک سبھا سیٹوں کے لئے ووٹنگ 7 مئی کو ہوگی اور کاغذات نامزدگی داخل کرنے کی آخری تاریخ 19 اپریل ہے۔
نئی دہلی:عدالت نے منیش سسودیا کو بڑا جھٹکا دیا ہے۔ دہلی کے سابق نائب وزیر اعلیٰ نے عبوری ضمانت کے لیے درخواست دائر کی تھی جس کی سماعت ملتوی کر دی گئی ہے۔ دہلی شراب گھوٹالے سے متعلق منی لانڈرنگ کیس میں گرفتار منیش سسودیا نے لوک سبھا انتخابات میں مہم چلانے کے لیے عبوری ضمانت کی درخواست کی تھی۔ راؤس ایونیو کورٹ نے جمعہ کو ان کی درخواست پر سماعت کی۔ عدالت نے منیش سسودیا کی درخواست پر سی بی آئی اور ای ڈی کو اپنا جواب داخل کرنے کے لیے ایک ہفتے کا وقت دیا ہے۔ اب سسودیا کی عبوری ضمانت کی درخواست پر 20اپریل کو سماعت ہوگی۔
دہلی کے سابق نائب وزیر اعلی منیش سسودیا نے لوک سبھا انتخابات کی مہم چلانے کے لیے عبوری ضمانت کی درخواست کی تھی۔ انہوں نے اس سلسلے میں راؤس ایونیو کورٹ میں درخواست دائر کی تھی۔ ان کی درخواست پر سماعت کرتے ہوئے خصوصی جج نے تحقیقاتی ایجنسیوں ای ڈی اور سی بی آئی کو جواب داخل کرنے کا وقت دیتے ہوئے سماعت 20 اپریل تک ملتوی کر دی۔
یاد رہے کہ منیش سسودیا نے حال ہی میں اپنے رشتہ دار کی شادی کی تقریب میں شرکت کے لیے ضمانت کی درخواست کی تھی جسے قبول کر لیا گیا تھا۔ اب ایک بار پھر انہوں نے عبوری ضمانت کا مطالبہ کیا ہے۔
منیش سسودیا نے راؤس ایونیو کورٹ میں درخواست دائر کی تھی جس میں اپنی بھانجی کی شادی میں شرکت کے لیے عبوری ضمانت کا مطالبہ کیا تھا۔ منیش سسودیا اور تفتیشی ایجنسیوں کے دلائل سننے کے بعد عدالت نے آپ کے سینئر لیڈر منیش سسودیا کو تین دن کی ضمانت دے دی۔ اس وقت کے خصوصی جج ایم ناگپال نے منیش سسودیا کو 2 لاکھ روپے کا ذاتی بانڈ اور اتنی ہی رقم ضمانت کے طور پر جمع کرانے کا حکم دیا تھا۔ منیش سسودیا کو گزشتہ سال 26 فروری کو گرفتار کیا گیا تھا تب سے وہ جیل میں ہیں۔ تاہم اس دوران انہوں نے کئی بنیادوں پر ضمانت کا مطالبہ کیا تھا جسے عدالت نے مسترد کر دیا تھا۔
نئی دہلی: دہلی شراب پالیسی گھوٹالہ کیس کے ملزم منیش سسودیا کی راوز ایونیو کورٹ میں داخل ضمانت کی درخواست پر سماعت کے دوران انفورسمنٹ ڈائریکٹوریٹ (ای ڈی) نے عدالت کے سامنے اپنے دلائل پیش کیے۔ ای ڈی کے وکیل نے کہا کہ یہ فیصلہ کرنے کی ضرورت ہے کہ کیا کیس کچھوا کی رفتار سے آگے بڑھ رہا ہے؟
تحقیقاتی ایجنسی نے سپریم کورٹ کے پہلے فیصلوں کا حوالہ دیتے ہوئے کہا کہ عدالت کو کیس میرٹ پر غور کرنا ہوگا۔ منیش سسودیا کی درخواست پر ای ڈی نے راؤز ایونیو کورٹ میں کہا کہ سسودیا 45 سال سے کم عمر ہونے کی دوہری شرائط پوری نہیں کر سکتے۔
ای ڈی نے کہا کہ عدالت ابھی اس نتیجے پر نہیں پہنچ سکتی کہ یہ ماننے کی معقول بنیادیں ہیں کہ وہ قصوروار نہیں ہے۔ تحقیقاتی ایجنسی نے کہا کہ سسودیا نے ایکسپرٹس کی رپورٹ سے بھٹکانے کے لئے ای میلز لگائے اور ہمارے پاس اس کے دستاویزی ثبوت، وہاٹس ایپ چیٹس اور ای میلز موجود ہیں۔
راؤز ایونیو کورٹ میں AAP لیڈر منیش سسودیا کی درخواست ضمانت پر آج کی سماعت مکمل ہو گئی ہے اور اب اگلی سماعت 15 اپریل کو ہو گی۔
Just another WordPress site