نئی دہلی : کیا آپ کے گھر میں استعمال ہونے والے مصالحے نقلی ہیں؟ کیا نقلی مصالحے آپ کی صحت سے کھیلواڑ کر رہے ہیں؟ دراصل، دہلی پولس کی کرائم برانچ نے جعلی مصالحہ جات بنانے اور دہلی کے بازاروں میں سپلائی کرنے والے ایک گروہ کا پردہ فاش کیا ہے، جس کی وجہ سے یہ سوالات اٹھ رہے ہیں۔

یہ ملاوٹ شدہ مصالحے دہلی کے کراول نگر علاقے کی دو فیکٹریوں میں بنائے جا رہے تھے۔ پولیس نے ان فیکٹریوں سے مجموعی طور پر 15 ٹن ملاوٹ شدہ مصالحہ جات اور خام مال برآمد کیا ہے۔ یہ مصالحے غیر غذائی اجزاء، ممنوعہ اشیاء، کیمیکلز اور تیزاب کی مدد سے بنائے جا رہے تھے۔

اس چھاپے میں پولیس نے فیکٹری سے 7105 کلوگرام تیار شدہ جعلی مصالحہ برآمد کیا ہے جس میں 3300 کلو ہلدی پاؤڈر، 115 کلو گرم مسالہ، 1450 کلو آمچور پاؤڈر اور 2240 کلو دھنیا پاؤڈر شامل ہے۔ یہی نہیں خام مال میں 1050 کلو سڑے ہوئے چاول، 200 کلو گرام سڑا ہوا باجرا، 6 کلو سڑا ہوا ناریل، 720 کلو دھنیا کی بیج، یوکے لپٹس کے پتیاں، سڑا ہوا بیر، لکڑی کا برادہ، اسٹرک ایسڈ، 2150 کلو گرام چوکر اور 2 بڑی پروسیسنگ مشینیں بھی شامل ہیں۔

کرائم برانچ کے مطابق یہ فیکٹریاں دلیپ سنگھ اور سرفراز نامی افراد چلا رہے تھے، جب کہ ان جعلی مصالحوں کی سپلائی کی ذمہ داری خورشید ملک نامی شخص کی تھی۔ تینوں کو پولیس نے گرفتار کر لیا ہے۔ پوچھ گچھ کے دوران اس نے بتایا کہ یہ جعلی مصالحے دہلی کے صدر بازار، کھاری باولی، پل مٹھائی اور جگہ جگہ لگنے والے ہفتہ وار بازاروں میں فروخت کیے جاتے تھے۔

پولیس اب ان سے پوچھ گچھ کر رہی ہے اور ان دکانداروں اور گروہ کے دیگر ارکان کا پتہ لگانے کی کوشش کر رہی ہے۔

نئی دہلی : منگل کو دہلی میں اسرائیلی سفارت خانے کے پاس دھماکے کی خبر نے سبھی کو چونکا دیا ہے۔ بتایا جا رہا ہے کہ یہ دھماکہ اسرائیلی سفارت خانے کے پیچھے خالی پلاٹ میں ہوا۔ ایک شخص نے پولیس کو فون کرکے دھماکہ کی اطلاع دی، جس کے بعد پولیس موقع پر پہنچ گئی۔ فی الحال پولیس سرچ آپریشن میں مصروف ہے تاہم ابھی تک کچھ پتہ نہیں چل سکا ہے۔ تاہم موقع پر تفتیش جاری ہے۔ اس دوران اسپیشل سیل کی ٹیم بھی موقع پر پہنچ گئی ہے۔

دھماکہ کی جگہ کے قریب سینٹرل ہندی ٹریننگ انسٹی ٹیوٹ کے سیکورٹی گارڈ نے دعویٰ کیا ہے کہ اس نے سب کچھ اپنی آنکھوں سے دیکھا ہے۔ گارڈ تیجو چھیتری نے نیوز 18 کو بتایا کہ ’’میں نے دھماکے کی آواز سنی تھی اور دھواں اٹھتا بھی دیکھا۔ میں نے ایک زوردار دھماکے کی آواز سنی اور باہر آکر دیکھا تو کچھ بھی نہیں تھا۔ دھواں اٹھتا بھی دیکھا۔ دھماکے کی آواز اسرائیلی سفارت خانے تک پہنچی‘‘۔

#WATCH | An eyewitness says, ” This happened around 5 pm, I was on my duty and heard a huge sound. When I came out, I saw smoke coming from the top of a tree, that’s all I saw…Police have taken my statement…” https://t.co/WB4jy1BmGK pic.twitter.com/2apOQMV47z

— ANI (@ANI) December 26, 2023

نئی دہلی میں اسرائیلی سفارت خانے نے بھی دھماکہ کی تصدیق کی ہے۔ سفارتخانہ کی طرف سے جاری ایک بیان میں کہا گیا ہے کہ ’’ہم تصدیق کر سکتے ہیں کہ شام 5 بج کر 10 منٹ پر سفارت خانہ کے قریب دھماکہ ہوا تھا۔ دہلی پولیس اور سیکورٹی ٹیمیں ابھی بھی صورتحال کی جانچ کر رہی ہیں۔

یہ بھی پڑھئے: ’….تو کشمیر کا بھی غزہ جیسا ہوگا حشر‘، ہندوستان ۔ پاکستان کا ذکر کرکے فاروق عبد اللہ نے یہ کیا کہہ دیا؟

یہ بھی پڑھئے: وزیراعظم نریندرمودی نےویربال دیوس تقریب سےکیا خطاب۔۔کہا۔ ملک کی ترقی کے لیے ہم ہیں پْرعزم

ایک عینی شاہد نے واقعہ کے حوالے سے بتایا کہ دھماکہ شام 5 بجے کے قریب ہوا، میں اپنی ڈیوٹی پر تھا کہ ایک بڑی آواز سنی۔ جب میں باہر آیا تو میں نے دیکھا کہ ایک درخت کے اوپر سے دھواں اٹھ رہا ہے، میں نے بس اتنا ہی دیکھا… پولیس نے میرا بیان لے لیا ہے۔

اسرائیلی سفارت خانے میں دھماکے کی خبر ایک ایسے وقت میں سامنے آئی ہے جب اسرائیل بیک وقت تین محاذوں پر جنگ لڑ رہا ہے۔ ایک طرف جہاں وہ غزہ میں حماس سے مقابلہ کر رہا ہے تو دوسری طرف اس نے حوثی باغیوں اور حزب اللہ کے خلاف بھی محاذ کھول رکھا ہے۔