چورو : چورو ضلع میں ایک اور محبت کرنے والا جوڑا لو میریج کرنے کے بعد خوف میں مبتلا ہے۔ یہاں ایک نوجوان نے اپنے بھائی کی سالی کے ساتھ محبت کی شادی کی تھی لیکن بعد میں جوڑے کو جان کے خطرہ کا اندیشہ پیدا ہوگیا ۔ کوئی دوسرا راستہ نہ دیکھ کر یہ پیار کرنے والا جوڑا اب پولیس کے پاس پہنچا ہے اور تحفظ کی درخواست کی ہے۔ علامتی تصویر۔اس جوڑے کی محبت کی کہانی چھ سال پرانی ہے۔ جب تک عشق کا رشتہ تھا، کسی کو اس کی خبر نہیں ہوئی۔ لیکن جیسے ہی دونوں نے محبت کی شادی کی تو ساری دنیا دشمن بن گئی۔علامتی تصویر۔معلومات کے مطابق محبت کا یہ معاملہ چورو کے رتن گڑھ اور سردارشہر علاقہ سے جڑا ہے۔ رتن گڑھ کے قریب دھیردیسر چوٹیان گاؤں کے رہنے والے 24 سالہ مہندر نامی شخص نے اپنے بھائی کی سالی سے محبت کی شادی کر لی ہے۔علامتی تصویر۔اب ان دونوں کو ڈر ہے کہ ان کے گھر والے ان کے ساتھ کچھ بھی کر سکتے ہیں۔ اس لیے انہوں نے پولیس کی پناہ لی ہے۔ جوڑے نے بتایا کہ دونوں اب سیکورٹی کو لے کر ایس پی آفس پہنچے ہیں۔ دونوں کا کہنا ہے کہ انہوں نے محبت کی شادی کی ہے ، کوئی جرم نہیں کیا ہے۔ انہیں سیکورٹی فراہم کی جائے۔علامتی تصویرمہندر نے بتایا کہ تقریباً 6 سال پہلے جب وہ اپنی بھابھی کو لینے اس کے مائیکہ سردارشہر تحصیل کے گاؤں لاڈیرہ گیا تھا۔ وہاں اس کی بھابھی کی چھوٹی بہن سنتوش سے اس کی دوستی ہو گئی۔علامتی تصویر۔بعد ازاں دونوں نے موبائل پر بات کرنا شروع کر دی اور محبت پروان چڑھنے لگی ۔ پھر انہوں نے شادی کرنے کا فیصلہ کیا۔ لاڈیرہ کی رہنے والی 22 سالہ لڑکی سنتوش نے بتایا کہ اس نے رتن گڑھ کے شیو مندر میں اپنی بہن کے دیور مہندر سے شادی کرلی۔علامتی تصویر۔ (Credit- Canva)دونوں کے مطابق جب انہیں لگا کہ ان کے گھر والے ان کی شادی کیلئے راضی نہیں ہوں گے تو وہ 7 مارچ کو اپنے اپنے گھر سے بھاگ گئے۔ اس کے بعد دونوں کی شادی اسی دن رتن گڑھ کے شیو مندر میں ہوئی۔علامتی تصویر۔ (Credit- Canva)اب ان دونوں کو ڈر ہے کہ کہیں ان کے گھر والے ان کے ساتھ کوئی ناخوشگوار حرکت نہ کریں۔ اس لیے انہیں پولیس تحفظ فراہم کی جائے تاکہ وہ سکون سے رہ سکیں۔ قابل ذکر ہے کہ چورو میں اس طرح کے کئی معاملے سامنے آ چکے ہیں۔علامتی تصویر۔
