Tag Archives: Singapore

Trending, معیشت

Everest Controversy:ایورسٹ فش کری مسالہ کولیکر تنازعہ، سنگاپور نے مارکٹ سے واپس منگوایا اسٹاک

سنگاپور نے ایورسٹ فش کری مسالہ کو واپس منگوانے کا اعلان کیا ہے جو کہ ہندوستان سے درآمد کی جانے والی ایک مشہور پروڈکٹ ہے۔ مسالے میں کیڑے مار دوا ایتھیلین آکسائیڈ کی زیادہ مقدار کا الزام لگا کر اسے بازار سے واپس منگوایاہے۔ یہ قدم ہانگ کانگ کے فوڈ سیفٹی سینٹر کی جانب سے جاری کردہ نوٹیفکیشن کے بعد اٹھایا گیا ہے۔ جس میں مصالحے میں ایتھیلین آکسائیڈ کی زیادہ مقدار کے بارے میں بتایا گیا تھا۔

سنگاپور فوڈ ایجنسی نے ایک بیان میں کہا، “ہانگ کانگ میں قائم سینٹر فار فوڈ سیفٹی نے ایتھیلین آکسائیڈ کی موجودگی کی وجہ سے ہندوستان سے درآمد کی گئی ایورسٹ فش کری مسالہ کو واپس منگوانے کے حوالے سے ایک نوٹیفکیشن جاری کیا ہے۔” SFA نے درآمد کنندہ SP Muthiah & Sons Pte کو ہدایت کی ہے کہ وہ مصنوعات کی بڑے پیمانے پر واپسی شروع کریں۔

 

ایتھیلین آکسائیڈ، جو عام طور پر کیڑے مار دوا کے طور پر استعمال ہوتی ہے، کھانے کی مصنوعات میں استعمال کے لیے سختی سے ممنوع ہے۔ SFA نے کہا کہ اس کے استعمال کی سنگاپور کے ضوابط کے تحت مسالوں کی شیلف لائف کو بڑھانے کے لیے اجازت ہے، لیکن ایورسٹ فش کری مسالہ میں اس کا زیادہ ارتکاز صارفین کے لیے ممکنہ صحت کے لیے خطرہ ہے۔

ایس ایف اے نے اپنے بیان میں کہا کہ جن لوگوں نے ان مصنوعات کا استعمال کیا ہے اور وہ اپنی صحت کے بارے میں فکر مند ہیں انہیں فوری طبی مشورہ لینا چاہیے۔ مزید معلومات کے لیے صارفین کو اس جگہ سے رابطہ کرنا چاہیے جہاں سے انھوں نے اسے خریدا ہے۔ ایورسٹ نے ابھی تک اس واقعہ پر اپنا بیان جاری نہیں کیا ہے۔

عالمی منظر

اس ملک میں تیزی سے پھیل رہا کورونا، لوگوں کو الرٹ جاری، کیا ہندوستان کو بھی ہے خطرہ؟

سنگاپور: ہندوستان سمیت کئی ممالک میں موسم سرما اپنے عروج پر ہے۔ ایسے میں دنیا کے لئے سب سے بڑا خطرہ کورونا وائرس ایک بار پھر پھیل رہا ہے۔ تیزی سے بڑھتے ہوئے CoVID-19 کیسز کے پیش نظر سنگاپور میں ڈاکٹروں نے لوگوں کو ویکسینیشن کروانے اور ماسک پہننے پر زور دیا ہے۔ سنگاپور میں کورونا وائرس، انفلوئنزا اور عام زکام سمیت شدید سانس کے انفیکشن میں اضافہ دیکھا گیا ہے۔ دی اسٹریٹس ٹائمز کی منگل کی ایک رپورٹ کے مطابق 120 سے زیادہ کلینکس والی سب سے بڑی سیریز ہیلتھ وے میڈیکل اور 55 جی پی کلینک والے پارک وے شینٹن کا کہنا ہے کہ انہوں نے سانس کے انفیکشن میں 30 فیصد اضافہ دیکھا ہے۔

رپورٹ میں کہا گیا ہے کہ 43 جی پی کلینک والے ریفلس میڈیکل میں بھی ایسی بیماریوں میں اضافہ دیکھا گیا ہے۔ 2 دسمبر کے ویک اینڈ کے لئے وزارت صحت (MOH) کے تازہ ترین اعداد و شمار سے پتہ چلتا ہے کہ سنگاپور کے 25 پالی کلینکس میں روزانہ اوسطاً 2,970 معاملات سامنے آئے ہیں، جبکہ 2018 سے 2022 تک ہر روز اوسطاً 2,009 معاملات سامنے آئے تھے۔

حالانکہ یہ وبا سے پہلے کے سالوں میں ہر دن 3,000 سے 3,500 سے کم ہے، یہ COVID-19 کے خلاف برتی گئی احتیاطی تدابیر کی وجہ سے لگ بھگ تین سالوں کی تک کم انفیکشن کی شرح کے بعد آیا ہے۔ 2020 اور 2021 میں پالی کلینکس دسمبر کے اوائل میں ایک دن میں 1,000 سے کم کیسز دیکھنے کو مل رہے تھے۔ پالی کلینکس پرائمری کیئر سیٹنگز میں تقریباً 20% سنگین معاملات کا علاج کرتے ہیں، جبکہ 1,800 GP کلینک بقیہ کیسز کو ہینڈل کرتے ہیں۔

یہ بھی پڑھئے: آرٹیکل 370 : پاکستان کو سپریم کورٹ کے فیصلہ سے لگی مرچی، جانئے کیا کہا؟

یہ بھی پڑھئے: پاکستان میں دہشت گردانہ حملہ،پولیس اسٹشین میں اندھا دھند فائرنگ، 23 سیکورٹی اہلکاروں کی موت


اسی ہفتے 32,000 سے زیادہ لوگوں کا COVID-19 کا علاج کیا گیا۔ تقریباً 460 کو اسپتال میں داخل کرایا گیا اور نو کو انتہائی نگہداشت کی ضرورت تھی، جس کی وجہ سے سرکاری اسپتالوں میں بستروں کی کمی ہوگئی۔

معیشت

یو پی آئی کے ساتھ جڑا سنگاپور کا PayNow، وزیر اعظم انریندر مودی نے لانچ کی کراس بارڈر کنکٹیویٹی سروس

gif

gifUPI is now connected with PayNow: ہندوستان کا ڈیجیٹل ادائیگی کا نظام UPI اب سنگاپور کے PayNow سے جڑ گیا ہے۔ دونوں ممالک کے درمیان کراس بارڈر فنٹیک کنیکٹیویٹی سروس کو وزیر اعظم مودی نے سنگاپور کے وزیر اعظم لی ہیسین لونگ کے ساتھ ویڈیو کانفرنسنگ کے ذریعے لانچ کیا۔ اس موقع پر پی ایم مودی نے کہا، “آج یو پی آئی ہندوستان میں سب سے پسندیدہ ادائیگی کا نظام بن گیا ہے۔”

وزیر اعظم نریندر مودی نے کہا کہ یونیفائیڈ پیمنٹس انٹرفیس (UPI) اور سنگاپور کے ‘Pay Now’ کا انضمام ہندوستان-سنگاپور تعلقات کے لیے ایک نیا سنگ میل ہے۔

اس سروس کو لانچ کرتے ہوئے پی ایم مودی نے کہا کہ UPI-PayNow لنکیج دونوں ممالک کے شہریوں کے لیے ایک تحفہ ہے، جس کا وہ طویل عرصے سے انتظار کر رہے تھے۔ میں اس کے لیے ہندوستان اور سنگاپور دونوں کو مبارکباد دیتا ہوں۔ بہت سے ماہرین نے پیش گوئی کی ہے کہ ڈیجیٹل والیٹ لین دین جلد ہی نقد لین دین کو پیچھے چھوڑ دے گا۔


ریزرو بینک آف انڈیا کے گورنر شکتی کانتا داس اور سنگاپور کی مانیٹری اتھارٹی کے منیجنگ ڈائریکٹر روی مینن نے اس سہولت کا آغاز کیا۔ پی ایم مودی نے کہا، “آج ہوئی شروعات نے ‘کراس بارڈر فنٹیک کنیکٹیویٹی’ کے ایک نئے باب کا آغاز کیا ہے۔ آج سے سنگاپور اور ہندوستان میں لوگ اپنے موبائل فون سے اسی طرح رقم منتقل کر سکیں گے جس طرح وہ اپنے اپنے ممالک میں کرتے ہیں۔

انہوں نے کہا کہ اس سہولت سے خاص طور پر این آر آئیز، طلباء، پیشہ ور افراد اور ان کے اہل خانہ کو فائدہ ہوگا۔ وزیر اعظم نے کہا کہ سال 2022 میں یو پی آئی کے ذریعے 12,6000 ارب روپے سے زیادہ کے 74 ارب لین دین ہوئے ہیں۔ انہوں نے کہا، “یوپی آئی کے ذریعے اتنی بڑی تعداد میں لین دین یہ ظاہر کرتا ہے کہ یہ مقامی طور پر تیار کردہ ادائیگی کا نظام بہت محفوظ ہے۔”

ہم آپ کو بتاتے چلیں کہ اس سے قبل آر بی آئی نے جی -20 ممالک کے مسافروں کو ہندوستان میں یو پی آئی ادائیگی کرنے کی اجازت دینے سے متعلق سرکلر جاری کیا تھا۔ UPI ایک ادائیگی کا پلیٹ فارم ہے جہاں متعدد بینک اکاؤنٹس کو موبائل ایپ میں مربوط یا ایک ساتھ جوڑا جا سکتا ہے اور اس کے ذریعے آپ بینک ٹرانزیکشن سمیت کئی سہولیات سے فائدہ اٹھا سکتے ہیں۔

(بھاشا ان پٹ کے ساتھ)