نئی دہلی : اننت امبانی اور رادھیکا مرچنٹ نے اتوار کو پری ویڈنگ پارٹی میں شاہ رخ خان کے ساتھ یادگار وقت گزارا۔ ایکان کے ذریعہ انسٹاگرام اسٹوریز پر شیئر کئے گئے ایک نئے ویڈیو میں رادھیکا، اننت اور شاہ رخ خان کی فیملی کو اداکار کے مقبول گانے ‘چھمک چھلو’ پر ڈانس کرتے دیکھا گیا۔ یہ گانا ایکان اور سکھبیر کے ذریعہ پارٹی میں پیش کیا گیا تھا۔

ویڈیو میں رادھیکا مرچنٹ اور شاہ رخ خان کو گلوکاروں کی پرفارمنس کے دوران ڈانس کرتے دیکھا جاسکتا ہے۔ دوسرے حصے میں شاہ رخ خان اننت امبانی کو گانے ‘چھمک چھلو’ کے ہک اسٹیپ سکھاتے ہوئے نظر آئے۔

SRK, Salman and Akon performing on Chammak Challo
byu/InterestingName9026 inBollyBlindsNGossip

ان دل کو چھو لینے والے لمحات کے علاوہ سلمان خان بھی ویڈیو میں ڈھول بجاتے نظر آ رہے ہیں۔ ایکان کی پرفارمنس کے دوران سلمان خان نے ڈھول بجایا اور اس کے بعد انہوں نے اننت امبانی کے ساتھ چھمک چھلو پر ڈانس کرنا شروع کردیا۔

یہ بھی پڑھئے:  اننت ۔ رادھیکا کی پری ویڈنگ تقریب میں نظر آئی امبانی فیملی کی خاص بانڈنگ…دیکھئے تصاویر

یہ بھی پڑھئے:  Anant-Radhika Pre-Wedding Bash: دیپیکا ۔ ریحانہ ہی نہیں ان لیجنڈوں نے بھی لوٹی محفل

ایکان کی پرفارمنس اننت امبانی اور رادھیکا مرچنٹ کے تین روزہ پری ویڈنگ فنکشنز کا حصہ تھی۔ سدھارتھ ملہوترا، کیارا اڈوانی، سیف علی خان، کرینہ کپور خان، مادھوری دیکشت، ورون دھون، انیل کپور، سارہ علی خان، ابراہیم علی خان، اننیا پانڈے اور آدتیہ رائے کپور سمیت کئی بالی ووڈ اسٹارز پارٹی کا حصہ تھے۔

اس میگا ایونٹ میں رانی مکھرجی، دیپیکا پڈوکون، رنویر سنگھ، رنبیر کپور اور عالیہ بھٹ نے بھی شرکت کی۔

(ڈسکلیمر: نیوز 18 اردو ڈاٹ کام، نیٹ ورک 18 میڈیا اینڈ انویسٹمنٹ لمیٹڈ کا حصہ ہے۔ نیٹ ورک 18 میڈیا اینڈ انویسٹمنٹ لمیٹڈ کوانڈپینڈنٹ میڈیا ٹرسٹ کے ذریعے کنٹرول کیا جاتا ہے جو ریلائنس انڈسٹریز کی ملکیت ہے۔)

ممبئی : اننت امبانی کی پری ویڈنگ تقریب کل یعنی یکم مارچ سے شروع ہونے والی ہے۔ اس پری ویڈنگ تقریب میں ہندوستان اور بیرون ملک سے مہمانوں کی آمد کا سلسلہ جاری ہے۔ اس تقریب میں ہالی ووڈ ستاروں کے ساتھ بالی ووڈ ستاروں نے بھی شرکت کرنی شروع کر دی ہے۔

ہالی ووڈ گلوکارہ ریحانہ جمعرات کو یہاں پہنچ گئی ہیں۔ وہیں بالی ووڈ کے بادشاہ شاہ رخ خان بھی پری ویڈنگ تقریب میں شرکت کرنے کے لئے جمعرات کو جام نگر پہنچے ہیں۔ شاہ رخ خان اپنی پوری فیملی کے ساتھ یہاں پہنچے ہیں۔ شاہ رخ خان کے ساتھ ان کی بیٹی سہانا خان، بیوی گوری خان اور دونوں بیٹے بھی جام نگر پہنچ گئے ہیں۔

ریحانہ کے ساتھ ہالی ووڈ کے دیگر ستارے بھی جام نگر پہنچ چکے ہیں۔ ہالی ووڈ کے جادوگر ڈیوڈ بلین بھی یہاں پہنچ چکے ہیں۔ اس کے ساتھ بالی ووڈ گلوکاروں نے بھی یہاں ڈیرے ڈال لئے ہیں۔ اجے-اتول، اریجیت سنگھ، دلجیت دوسانجھ بھی یہاں اپنی آوازوں سے سماں باندھیں گے ۔ سنگرز کے علاوہ بالی ووڈ کے ستارے بھی یہاں جمع ہونا شروع ہو گئے ہیں۔ جھانوی کپور بھی اپنی ٹیم کے ساتھ یہاں پہنچ گئی ہیں۔

یہ بھی پڑھئے: اننت ۔ رادھیکا کی پری ویڈنگ تقریب: ملئے مکیش امبانی کے بھانجے وکرم اور بھانجی اشیتا سے

یہ بھی پڑھئے: عالیہ بھٹ اور ماں نیتو کے ساتھ جام نگر پہنچے رنبیر کپور، راہا بھی سلیبریشن میں ہوں گی شامل

بتادیں کہ اننت امبانی کی پری ویڈنگ تقریب 1 سے 3 مارچ تک جام نگر میں ہونے جا رہی ہے۔ ان رسومات میں دھوم دھام دیکھنے کو ملنے والا ہے۔

بتادیں کہ اننت امبانی اور رادھیکا مرچنٹ کی پری ویڈنگ تقریب گجرات کے جام نگر میں 3 دنوں تک چلے گی ۔ اننت امبانی اور ان کی فیملی ان دنوں مہمانوں کی میزبانی میں مصروف ہیں۔ امبانی خاندان ہندوستان اور بیرون ملک سے آنے والے مہمانوں کا استقبال کر رہا ہے۔ بالی ووڈ کے دیگر ستارے بھی یہاں پہنچے والے ہیں۔

(ڈسکلیمر: نیوز 18 اردو ڈاٹ کام، نیٹ ورک 18 میڈیا اینڈ انویسٹمنٹ لمیٹڈ کا حصہ ہے۔ نیٹ ورک 18 میڈیا اینڈ انویسٹمنٹ لمیٹڈ کوانڈپینڈنٹ میڈیا ٹرسٹ کے ذریعے کنٹرول کیا جاتا ہے جو ریلائنس انڈسٹریز کی ملکیت ہے۔)