Tag Archives: Raj Kundra

مغربی ہندوستان, وطن نامہ

شلپاشیٹی کےشوہرراج کندراکی97کروڑ روپے کی جائیداد ضبط، منی لانڈرنگ کیس میں ای ڈی کا ایکشن

شلپا شیٹی اور راج کندرا کی کی مشکلات میں پھر بڑھتی نظر آرہی ہے۔ دراصل ای ڈی یعنی انفورسمنٹ ڈائریکٹوریٹ نے شلپا کے شوہر راج کندرا کے خلاف بڑی کارروائی کی ہے اور ان کی کروڑوں کی جائیداد ضبط کر لی ہے۔آپ کو بتا دیں کہ ای ڈی نے منی لانڈرنگ کیس میں شلپا شیٹی اور ان کے شوہر راج کندرا کی 97 کروڑ روپے کی جائیداد ضبط کر لی ہے۔ شلپا کے بزنس مین شوہر راج کندرا کے خلاف فحش فلموں کی تیاری اور اس کی تشہیر کے سلسلے میں کارروائی کرتے ہوئے ای ڈی نے کہا کہ تقریباً 97.79 کروڑ روپے کے منقولہ اور غیر منقولہ اثاثے کندرا جوڑے کے ہیں اور یہ کارروائی منی لانڈرنگ کی روک تھام کے قانون( PMLA 2022)کے تحت کی گئی ہے۔ ان میں ممبئی کے مضافاتی علاقے جوہو میں ایک رہائشی فلیٹ جو شلپا شیٹی کے نام ہے، ساتھ ہی پونے میں ایک بنگلہ اور کندرا کے ایکویٹی شیئرز بھی شامل ہیں۔ ED کے ذریعہ منسلک جائیدادوں/حصص کی انفرادی تشخیص کا انکشاف نہیں کیا گیا ہے۔

ای ڈی نے کیوں کارروائی کی؟

انفورسمنٹ ڈائریکٹوریٹ کی کارروائی مہاراشٹر پولیس اور دہلی پولیس کی طرف سے میسرز ویری ایبل ٹیک پرائیویٹ لمیٹڈ، مرحوم امیت بھردواج، اجے بھردواج، وویک بھردواج، سمپی بھردواج، مہندر بھاردواج اور کئی دیگر ایم ایل ایم ایجنٹوں کے خلاف درج کی گئی متعدد ایف آئی آرز کی بنیاد پر تحقیقات کے طور پر سامنے آئی ہے۔

 

ایف آئی آر کے مطابق ملزم نے 2017 میں بٹ کوائن کی شکل میں 6,600 کروڑ روپے کی خطیر رقم جمع کی تھی۔ یہ رقم سرمایہ کاروں سے بٹ کوائن کی شکل میں ہر ماہ 10فیصد منافع کے جھوٹے وعدے کے ساتھ اکٹھی کی گئی۔ یہ بٹ کوائن مبینہ طور پر بٹ کوائن مائننگ کے لیے تھے، سرمایہ کاروں کو کرپٹو اثاثہ میں خاطر خواہ منافع کی امید تھی۔ تاہم، پروموٹرز نے مبینہ طور پر سرمایہ کاروں کو دھوکہ دیا اور بٹ کوائنز کو غیر واضح آن لائن بٹوے (Online Wallet)میں چھپا دیا۔

راج کندرا پر کیا الزام ہے؟

ای ڈی نے دعویٰ کیا ہے کہ اس کی تحقیقات سے پتہ چلا ہے کہ راج کندرا نے یوکرین میں بٹ کوائن مائننگ فارم قائم کرنے کے لیے ‘گین بٹ کوائن پونزی اسکام’ کے ماسٹر مائنڈ اور پروموٹر امیت بھردواج سے 285 بٹ کوائنز حاصل کیے تھے۔ یہ بٹ کوائن، سادہ لوح سرمایہ کاروں سے حاصل کیے گئے، امیت بھردواج نے جمع کیے تھے اور اب کندرا کے قبضے میں ہیں۔ ان کی مالیت 150 کروڑ روپے سے زیادہ ہے۔

انٹرٹینمنٹ

شلپا شیٹی اور راج کندرا نے شرلن چوپڑا کے خلاف کیا 50 کروڑ روپئے کا ہتک عزت کا مقدمہ

نئی دہلی: بالی ووڈ کی مشہور اداکارہ شلپا شیٹی (Shilpa Shetty) اور ان کے شوہر راج کندرا (Raj Kundra) نے اداکارہ شرلن چوپڑا (Sherlyn Chopra) کے خلاف 50 کروڑ روپئے کا ہتک عزت کا مقدمہ دائر کیا ہے۔ نیوز ایجنسی آئی اے ایس کے مطابق، شرلن چوپڑا نے راج کندرا اور شلپا شیٹی کے خلاف مبینہ طور پر جنسی استحصال، دھوکہ دہی اور مجرمانہ دھمکی کے لئے شکایت درج کی تھی۔

واضح رہے کہ شلپا شیٹی کے شوہر راج کندرا حال ہی میں ایک پورنو گرافی معاملے (Pornography case) میں ان کی گرفتاری کے بعد سرخیوں میں تھے۔ اس معاملے میں پولیس نے شرلن چوپڑا کے بیان درج کروائے تھے، جنہوں نے ان پر آن لائن پورن بنانے اور تقسیم کرنے کا الزام لگایا تھا، جس کے بعد حال ہی میں شرلن چوپڑا نے راج کندرا اور شلپا شیٹی کے خلاف پولیس میں شکایت درج کروائی تھی۔ شرلن چوپڑا نے راج کندرا اور شلپا شیٹی کے خلاف مبینہ طور پر ذہنی اور جنسی ہراسانی کے ساتھ دھوکہ دہی کے الزام لگاتے ہوئے معاملہ درج کروایا تھا۔

Twitter Printshot

ایک پریس کانفرنس کے دوران انہوں نے کہا تھا، ’لڑکیوں سے جسم کی نمائش کرواکر آپ ان کے رقم کی ادائیگی کیوں نہیں کرتے؟ آپ ان کو چونا کیوں لگاتے ہیں؟ آپ ان کو ٹوپی کیوں پہناتے ہیں؟ کیا یہ ہوتا ہے ایتھیکل بزنس؟ آپ کو بزنس مین بننا ہے، جائیے سیکھئے، ٹاٹا کیسے بزنس کرتے ہیں۔ ایتھکس کے ساتھ کرتے ہیں، جو وعدے کرتے ہیں وہ نبھاتے ہیں اور آپ کیا کرتے ہیں؟ آپ آرٹسٹ کے گھر پر جاکر ان کا جنسی استحصال کرتے ہیں۔ ان کے گھر پر جاکر اسے انڈرورلڈ کی دھمکی دیتے ہیں۔ بولتے ہیں جنسی استحصال کرتے ہیں۔

شرلن چوپڑا نے انکشاف کرتے ہوئے یہ بھی کہا تھا کہ وہ راج کندرا کے خلاف اپنا معاملہ واپس لینے کے لئے اپریل، کو جوہو پولیس اسٹیشن میں پیش ہوئی تھیں۔ راج کندرا پر مزید الزام لگاتے ہوئے شرلن چوپڑا نے کہا تھا کہ 27 مارچ 2019 کو راج کندرا دیر رات ان کے گھر آئے تھے اور اس نے اس کا جنسی استحصال کیا۔ ساتھ ہی 29 مارچ کو انہوں نے راج کندرا کے دباو میں ایک فوٹو شوٹ کروایا تھا۔

انٹرٹینمنٹ

شلپا شیٹی کو لگاتار کھری کھوٹی سنا رہی ہیں شرلن چوپڑا ، پڑھئے اب تک کے ان کے بیان

نئی دہلی : بالی ووڈ اداکارہ شلپا شیٹی کے شوہر اور کاروباری راج کندرا کو ممبئی پولیس نے فحش مواد بنانے اور شائع کرنے کے الزام میں گرفتار کیا تھا ۔ ان پر الزام لگایا گیا تھا کہ وہ ایڈلٹ کنٹینٹ بناکر آن لائن پبلش کرتے ہیں ۔ شلپا شیٹی کے گھر سمیت کئی مقامات پر چھاپے بھی مارے گئے تھے ۔ بعد میں اس معاملہ میں شلپا شیٹی کا بیان بھی ریکارڈ کیا گیا تھا ۔ انہوں نے کہا تھا کہ وہ اپنے کام میں اتنی مصروف رہتی تھیں کہ انہیں معلوم نہیں تھا کہ راج کندرا کیا کرتے تھے ۔

ایسی اطلاعات بھی تھیں کہ چھاپوں اور بیانات ریکارڈ کرنے کے دوران شلپا شیٹی رو پڑی تھیں ، لیکن شلپا اور راج کے علاوہ بھی اس معاملہ کو لے کر کئی لوگوں کے نام سامنے آئے ، جس میں شرلن چوپڑا کا نام بھی شامل ہے ۔ انہوں نے اس معاملہ پر کئی مرتبہ بیان دیا ہے ۔

شرلن چوپڑا نے اس معاملہ میں اپنا بیان بھی درج کرایا ہے ۔ وہ اس معاملہ کے بعد مسلسل سرخیوں میں رہی ہیں ۔ بعد میں انہوں نے کئی ویڈیوز کے ذریعہ شلپا شیٹی کو بھی نشانہ بنایا ۔ انہوں نے یہ بھی بات کی کہ ان سے کیسے راج کی ویب سائٹ پر ایڈلٹ مواد کیلئے کہا گیا تھا ۔ ایک انٹرویو میں انہوں نے یہ بھی کہا تھا کہ راج کندرا نے ان کا استحصال کیا تھا ۔

کئی ویڈیوز میں انہوں نے شلپا شیٹی کو بھی نشانہ بنایا ۔ یہاں ہم آپ کو کچھ ویڈیوز دکھانے جا رہے ہیں ، جس میں انہوں نے شلپا شیٹی کے خلاف جم کر بولا ہے۔ ایک ویڈیو شیئر کرتے ہوئے انہوں نے کہا تھا : ہائے شلپا دیدی! میری آپ سے درخواست ہے کہ متاثرہ لڑکیوں کے ساتھ کچھ ہمدردی کا اظہار کریں ، کوئی بھی اپنی غلطیوں کو تسلیم کرنے سے چھوٹا نہیں ہوتا ۔


اس کے بعد حال ہی میں شرلن چوپڑا نے ایک اور ویڈیو جاری کرتے ہوئے شلپا شیٹی پر ‘ایڑا بن کر پیڑا کھانے’ کا الزام بھی لگایا ہے ۔ انہوں نے ویڈیو میں کہا کہ کئی میڈیا رپورٹس میں خبریں آرہی ہیں کہ انہیں اپنے شوہر کے ان کاموں کے بارے میں جانکاری نہیں تھی ، انہیں اپنے شوہر کی منقولہ اور غیر منقولہ جائیداد کے ذرائع کی جانکاری نہیں  ہے ، اسے ایڑا بن کر پیڑا کھانا کہتے ہیں ۔


فی الحال راج کندرا پولیس کی حراست میں ہیں اور ممبئی پولیس نے ان کے خلاف 1500 صفحات کی چارج شیٹ داخل کی ہے۔