Tag Archives: LeT terrorist

جموں وکشمیر, وطن نامہ

پلوامہ : سیکورٹی فورسز اور دہشت گردوں کے درمیان انکاؤنٹر ، ایک دہشت گرد ہلاک

جنوبی کشمیر کے پلوامہ ضلع کے فاسی پورہ میں جمعرات کو سیکورٹی فورسز اور دہشت گردوں کے درمیان انکاؤنٹر ہوا۔ پولیس، سی آر پی ایف اور فوج کی مشترکہ ٹیم نے دہشت گرد کو مار گرایا ہے۔ مقامی دہشت گرد کے چھپنے کی خفیہ اطلاع پر سیکورٹی فورسز نے علاقے کو گھیرے میں لے کر سرچ آپریشن کیا۔ سیکورٹی فورسز آہستہ آہستہ آگے بڑھ رہے تھے۔اس دوران گھیرا تنگ ہوتا دیکھ کر دہشت گرد نے فائرنگ شروع کر دی۔ جوابی کارروائی میں دہشت گرد مارا گیا ہے۔ پولیس نے بتایا کہ اس کی لاش برآمد کر لی گئی ہے۔ اس شناخت کی تصدیق کی جا رہی ہے۔ موقع سے اسلحہ، گولہ بارود اور قابل اعتراض مواد برآمد ہوا ہے۔

اس سے پہلے پیر کو دہشت گردوں نے جنوبی کشمیر کے شوپیاں ضلع میں ایک حملے میں ایک غیر مقامی ڈرائیور کو نشانہ بنایا تھا۔ دہشت گرد ریزورٹ کے کمرے میں داخل ہوئے اور ڈرائیور کم گائیڈ کو گولی مار دی۔ زخمی ڈرائیور کو اسپتال میں داخل کرایا گیا ہے۔ وہ دو غیر ملکی سیاحوں کو لے کر آیا تھا۔

 

زخمی کی شناخت دہرادون، اتراکھنڈ کے رہنے والے دل رنجیت سنگھ کے طور پر ہوئی ہے۔ وہ تاریخی مغل روڈ پر پداپاون ہارپورہ میں واقع ایک ریزورٹ میں سیاحوں کے ساتھ ٹھہرے ہوئے تھے۔ یہ ریزورٹ شوپیاں شہر سے صرف تین کلومیٹر کے فاصلے پر ہے۔

دو دہشت گردوں کے چھپے ہونے کی اطلاع ملی تھی۔بتایاجا رہا ہے کہ پلوامہ میں دہشت گردوں کے چھپے ہونے کی اطلاع ملی تھی۔ سیکورٹی فورسز کو شبہ ہے کہ دو دہشت گرد گھیرے میں ہیں۔ ان میں سے ایک انکاؤنٹر میں مارا گیا ہے۔ دوسرے دہشت گرد کی تلاش کے لیے سرچ آپریشن کیا جا رہا ہے۔

دونوں دہشت گرد کسی بڑی سازش کو انجام دینے کی نیت سے پلوامہ میں پناہ لیے ہوئے تھے۔ اس سے پہلے کہ وہ کوئی واردات کرتے، فوج نے خفیہ اطلاع کی بنیاد پر ان کا مقام حاصل کرلیا۔ اس کے بعد فوج اور مقامی پولیس اہلکاروں نے جمعرات کی صبح ہی مشترکہ آپریشن شروع کیا۔

جموں وکشمیر, شمالی ہندوستان, وطن نامہ

Terrorism:لشکرطیبہ نےدیاحکم، وادی کشمیرمیں اقلیتوں کوبنایاجائےنشانہ، این آئی اےکاانکشاف

راجوری ضلع کے دھانگری گاؤں میں دہشت گردانہ حملے کے پیچھے کی سازش اب پوری طرح واضح ہو گئی ہے۔ اس دہشت گردانہ حملے کی منصوبہ بندی پاکستان میں مقیم لشکر طیبہ کے آقاؤں نے کی تھی۔ سازش کو انجام دینے کے لیےجموں و کشمیرکچھ نوجوانوں کو دھوکہ دے کر پاکستان لے جایا گیا۔جہاں انہیں نفرت اور دہشت گردی کی تربیت دی گئی اور جموں و کشمیر واپس بھیج دیا گیا۔ پاکستان سے دراندازی کرنے والے ان دہشت گردوں کو وادی کی اقلیتوں کو خاص طور پر نشانہ بنانے کا حکم دیا گیا تھا۔

اس بات کا انکشاف پیر کو ہوا۔ جب قومی تحقیقاتی ایجنسی (این آئی اے) نے ڈھانگری دہشت گردانہ حملے کے سلسلہ میں اپنی پہلی چارج شیٹ عدالت میں داخل کی ہے۔ این آئی اے کے مطابق راجوری دہشت گردانہ حملے کو انجام دینے کے لیے پاکستان سے دراندازی کرنے والے تین دہشت گرد تھے۔

این آئی اے نے پاکستان میں مقیم لشکر کمانڈر ساجد جٹ عرف سیف اللہ ساجد کا نام لیا ہے۔نیشنل انویسٹی گیشن ایجنسی نے پانچ دہشت گردوں کے خلاف چارج شیٹ دائر کردی ہے۔دہشت گردی کے ماحولیاتی نظام کو تباہ اور ختم کرنے کی اپنی کوششوں کو آگے بڑھاتے ہوئے، قومی تحقیقاتی ایجنسی نے کالعدم لشکر طیبہ تنظیم کے تین مفرور پاکستان میں مقیم ہینڈلرز سمیت پانچ ملزمان کو چارج شیٹ کیا ہے۔

چارج شیٹ میں شامل تین افراد لشکر طیبہ کے ہینڈلر ہیں۔ان کی شناخت سیف اللہ عرف ساجد جٹ، محمد قاسم اور ابو قتل عرف قتل سندھی کے نام سے ہوئی ہے۔

واضح رہے کہ یکم جنوری دو ہزار تئیس کو راجوری ضلع کے ڈھانگری میں ہونے والے دہشت گردانہ حملے میں پانچ شہری ہلاک اور متعدد دیگر شدید زخمی ہوئے تھے ۔ اگلی صبح دہشت گردوں کی طرف سے نصب کی گئی آئی ای ڈی کے پھٹنے سے مزید دو شہری ہلاک اور متعدد زخمی ہو گئے تھے۔

شمالی ہندوستان, وطن نامہ

بڑی خبر: لشکرطیبہ کادہشت گرد دہلی سے گرفتار، کپواڑہ میں سرگرم تھا یہ دہشت گرد

نئی دہلی: ملک کی دارالحکومت دہلی میں لشکر طیبہ کے ایک خطرناک دہشت گرد کو گرفتار کر لیا گیا ہے۔ بتایا جا رہا ہے کہ جموں و کشمیر کے کپواڑہ میں سرگرم لشکر طیبہ ماڈیول کے اس سرگرم دہشت گرد کو نئی دہلی ریلوے اسٹیشن سے گرفتار کیا گیا ہے۔ دہلی پولیس نے یہ جانکاری دی ہے۔ ملزم دہشت گرد کی شناخت ریاض احمد کے نام سے ہوئی ہے۔

دہلی پولیس کے مطابق دہلی پولیس کی ریلوے پولیس نے بتایا ہے کہ اس ملزم دہشت گرد نے ایل او سی کے پار سے اسلحہ اور گولہ بارود حاصل کرنے میں اہم کردار ادا کیا تھا۔ ملزم ریٹائرڈ فوجی ہے۔ وہ ملک کے دارالحکومت میں کس مقصد کے لیے آیا تھا، یہ بھی معلوم نہیں ہے۔ فی الحال پولیس اس سے پوچھ تاچھ کررہی ہے۔

 

وہ خورشید احمد راتھر اور غلام سرور راتھر کے ساتھ مل کر ایل او سی کے پار دہشت گردوں کے ذریعے اسلحہ اور گولہ بارود حاصل کرنے کی سازش میں ملوث تھا۔ وہ کپواڑہ، کشمیر کا رہنے والا ہے۔ خفیہ اطلاع کی بنیاد پر پولیس نے اسے صبح سویرے نئی دہلی ریلوے اسٹیشن سے گرفتار کرلیاہے۔

پولیس کے مطابق ملزم کے قبضے سے ایک موبائل فون اور ایک سم کارڈ برآمد ہوا ہے۔ ملزم ریاض احمد کو قانون کی مناسب دفعات کے تحت گرفتار کیا گیا ہے اور جموں و کشمیر کے متعلقہ تھانے کے پولیس افسران کو ان کی سطح پر مزید ضروری کارروائی کے لیے مطلع کر دیا گیا ہے۔

عالمی منظر

Iran Airstrike Pakistan: ایران کے فضائی حملہ سے نئے انکشاف! آخراپنے ہی جال میں کیسے پھنس گیاپاکستان؟

نئی دہلی: ایران نے جیش العدل دہشت گرد گروپ سے منسلک دو دہشت گردوں کے ٹھکانوں پر بمباری کرکے پاکستان کو بے نقاب کردیا ہے۔ ایران نے پاکستان میں سرگرم دہشت گرد تنظیموں کے کیمپوں پر سرجیکل اسٹرائیک کی ہے اور بتایا جا رہا ہے کہ اس فضائی حملے میں اب تک 100 سے زائد افراد ہلاک ہو چکے ہیں جن میں دہشت گرد اور عام شہری بھی شامل ہیں۔ ایران کے حملے کے بعد دہشت گرد تنظیم جیش العدل نے بھی بیان جاری کیا ہے جس میں کہا گیا ہے کہ ایران نے بلوچستان میں تنظیم کے اراکین کے گھروں کو نشانہ بنایا ہے۔ اس کا مطلب ہے کہ دہشت گرد تنظیم نے بھی اعتراف کیا ہے کہ اس کے دہشت گرد بلوچستان میں موجود ہیں۔

دراصل پاکستان دہشت گردوں کو مسلسل پناہ دے رہا ہے اور پاکستان کے مختلف مقامات پر دہشت گردوں کے تربیتی کیمپ چل رہے ہیں۔ ہندوستان کے بعد اب ایران نے بھی پاکستان میں موجود دہشت گردوں پر فضائی حملہ کر دیا ہے۔ ایران نے منگل کو پاکستان کے بلوچستان میں سرگرم دہشت گرد تنظیم جیش العدل کے ٹھکانوں پر حملہ کیا۔ انٹیلی جنس رپورٹس کے مطابق یہ حملے تربت اور پنچکور میں واقع دہشت گردوں کے کیمپوں پر کیے گئے۔ یہ دہشت گرد کیمپ پاکستان کے ساتھ بلوچستان کی سرحد سے 122 کلومیٹر کے فاصلے پر ہیں۔ ایران نے منگل کی رات گئے ان دہشت گرد کیمپوں پر کئی راکٹ حملے کیے تھے۔ ایران کے ان حملوں میں 100 سے زائد افراد ہلاک ہو چکے ہیں۔

جیش العدل نے پاکستان کو بے نقاب کر دیا ہے۔اگر اس طرح دیکھا جائے تو دہشت گرد تنظیم جیش العدل نے خود بیان دے کر پاکستان کو بے نقاب کر دیا ہے۔جیش العدل نے بیان جاری کرتے ہوئے کہا ہے کہ ایران نے بلوچستان میں ہمارے دہشت گردوں پر حملہ کیا ہے۔گھروں پر حملہ کرکے جنگجوؤں کو نشانہ بنایا گیا، جس کے نتیجے میں اس کے ایک جنگجو کے دو بچے ہلاک اور تین بچیاں زخمی ہوئیں۔ دہشت گرد تنظیم نے اعتراف کیا ہے کہ بلوچستان میں اس کے دہشت گرد موجود ہیں اور ایران نے وہاں اپنے دہشت گردوں کو نشانہ بنایا ہے۔

پاکستان نے ایران کو خبردار کیا

جیش العدل دہشت گرد گروپ سے منسلک دو اہداف کو نشانہ بنانے کے ایران کے دعویٰ کے پیش نظر، پاکستان نے بدھ کو سخت مذمت کی اور پڑوسی ملک کو ‘اس کی فضائی حدود کی خلاف ورزی’ پر خبردار کیا اور کہا کہ اس طرح کے اقدامات کے ‘سنگین نتائج’ نکل سکتے ہیں۔ پاکستان نے ایران کے حملے کو اپنی فضائی حدود کی خلاف ورزی قرار دیتے ہوئے کہا کہ یہ اس کی خودمختاری پر حملہ ہے۔ یہی نہیں بلکہ انہوں نے ایرانی سفیر کو فون کرکے سخت ناراضگی کا اظہار کیا۔

جیش العدل ایران میں حملے کرتی رہی ہے۔قابل ذکر ہے کہ یہ دہشت گرد تنظیم ایران میں مسلسل دہشت گردانہ حملے کر رہی ہے جس کی وجہ سے ایران کو بھاری نقصان اٹھانا پڑ رہا ہے۔ انٹیلی جنس معلومات کی بنیاد پر ایران نے پاکستان میں داخل ہو کر منگل کی رات سرجیکل اسٹرائیک کی۔ اس سرجیکل اسٹرائیک میں جیش العدل کے کئی دہشت گرد مارے گئے۔

خیال کیا جا رہا ہے کہ ایران آنے والے دنوں میں اس طرح کے سرجیکل اسٹرائیک بھی کر سکتا ہے۔ ان حملوں کی وجہ سے پاکستان اور ایران کے درمیان کشیدگی مزید گہری ہو سکتی ہے۔ ہم آپ کو بتادیں کہ پاکستان اور ایران کے درمیان اب تک دوستانہ تعلقات رہے ہیں۔

جموں وکشمیر, شمالی ہندوستان, وطن نامہ

سری نگر بارہمولہ ہائی وے پر آئی ای ڈی بم برآمد، پورے علاقے میں ہائی الرٹ جاری

جموں: سری نگر بارہمولہ ہائی وے پر لاوی پورہ علاقے میں آئی ای ڈی بم بھی ملاہے۔ بم ڈسپوزل ا سکواڈ موقع پر پہنچ گیا ہے۔ سیکورٹی فورسز نے پورے علاقے کو گھیرے میں لے لیا ہے۔ پورے علاقے میں ہائی الرٹ جاری کر دیا گیا ہے۔ ہم آپ کو بتادیں کہ پونچھ حملے کے بعد جموں و کشمیر میں فوج ہائی الرٹ پر ہے اور دہشت گردوں کی تلاش کے لیے سرچ آپریشن کیا جا رہا ہے۔

تین دن قبل 24 دسمبر کو بھی دہشت گردوں نے بارہمولہ میں ایک ریٹائرڈ افسر کو نشانہ بنایا تھا۔ بارہمولہ کے گینٹمولہ میں دہشت گردوں نے مسجد میں گھس کر ایک ریٹائرڈ ایس ایس پی کو گولی مار کر ہلاک کر دیا۔ دہشت گردوں نے ریٹائرڈ اے ایس پی محمد شفیع پر اس وقت فائرنگ کی جب وہ مسجد میں اذان دے رہے تھے۔ اس سےپہلے 21 دسمبر کو مسلح دہشت گردوں نے جموں و کشمیر کے پونچھ ضلع میں فوج کی دو گاڑیوں پر گھات لگا کر حملہ کیا تھا۔ اس دہشت گردانہ حملے میں چار فوجی شہید ہوئے تھے۔

وزیر دفاع راج ناتھ سنگھ حملے کا جائزہ لینے کے لیے آج جموں و کشمیر کا دورہ کر رہے ہیں۔ وہ آج صبح 11.30 بجے جموں پہنچیں گے جہاں سے وہ راجوری جائیں گے اور حملے کے مقام کا جائزہ لیں گے۔ وزیر دفاع کمانڈرز کے ساتھ میٹنگ کریں گے اور سیکیورٹی انتظامات کا جائزہ بھی لیں گے۔

ہم آپ کو بتادیں کہ پونچھ دہشت گردانہ حملے میں پاکستان اور چین اتحاد کا بڑا کردار بے نقاب ہو گیا ہے۔ انٹلی جنس ایجنسی کے ذرائع کے مطابق دہشت گرد حملے میں چین کا تیار کردہ اسلحہ استعمال کیا گیا۔ اس کے ساتھ ساتھ PAFF اور TRF جیسی دہشت گرد تنظیمیں چین میں تیار کردہ آلات استعمال کر رہی ہیں۔

بتایا گیا کہ پونچھ حملے میں چینی ساختہ ہتھیار، باڈی سوٹ، کیمرے اور مواصلاتی آلات بھی استعمال ہوئے۔ فی الحال علاقے میں دہشت گردوں کی تلاش کے لیے سرچ آپریشن تیز کردیا گیا ہے۔

جموں وکشمیر, شمالی ہندوستان, وطن نامہ

Rajouri Encounter: کوئی یوپی کا تو کوئی کشمیر کا… یہ ہیں راجوری انکاؤنٹر کے 5 شہید جوان، جنہوں نے ملک کی خاطر قربان کر دی اپنی جان

راجوری: یونین ٹیریٹری کے لیفٹیننٹ گورنر منوج سنہا، فوج کی شمالی کمان کے کمانڈر لیفٹیننٹ جنرل اوپیندر دویدی، فوج کے حکام اور پولیس نے جمعہ کو جموں و کشمیر کے راجوری ضلع میں ایک تصادم کے دوران شہید ہونے والے پانچ فوجیوں کو خراج عقیدت پیش کیا۔ پانچوں فوجیوں کی جسد خاکی کو راجوری سے جموں کے آرمی جنرل اسپتال لایا گیا، جہاں پر پھول چڑھانے کی تقریب منعقد کی گئی۔

یہ بھی پڑھیں:

کیا اسرائیل میں قید خاتون اسراء کو رہا کیا جائے گا؟ فلسطینی خواتین کا مانا جاتا ہے آئیکون

Qatar News: جان بچانے کا موقع؟ موت کی سزا پانے والے 8 ہندوستانیوں کو دکھی امید کی کرن، قطر کی عدالت نے قبول کرلی یہ عرضی

لیفٹیننٹ گورنر سنہا، لیفٹیننٹ جنرل دویدی، چیف سکریٹری ڈاکٹر اے کے مہتا، ڈائرکٹر جنرل آف پولیس آر آر سوین، ڈویژنل کمشنر رمیش کمار اور انسپکٹر جنرل آف پولیس آنند جین اور وہاں موجود مسلح افواج کے افسران، عام شہریوں اور پولیس کی بڑی تعداد نے پورے فوجی اعزاز کے ساتھ شہید فوجیوں کو خراج عقیدت پیش کیا۔

شہید کیپٹن ایم وی پرانجل: کیپٹن ایم وی پرانجل (63 راشٹریہ رائفلز) دہشت گردوں سے لڑتے ہوئے شہید ہوگئے۔ پرانجل اصل میں کرناٹک کے منگلور کے رہنے والے تھے۔ کیپٹن پرانجل کے پسماندگان میں ان کی اہلیہ ادیتی ہیں۔

شہید کیپٹن شبھم گپتا: کیپٹن شبھم گپتا (9 پارہ) نے راجوری میں انکاؤنٹر میں اپنی جان قربان کی۔ کیپٹن شبھم اتر پردیش کے آگرہ کے رہنے والے تھے۔ کیپٹن گپتا کے خاندان میں ان کے والد بسنت کمار گپتا ہیں۔

حوالدار عبدالمجید: جموں و کشمیر پولیس کا سپاہی عبدالمجید راجوری میں دہشت گردوں کے ساتھ تصادم میں شہید ہوگئے۔ عبدالمجید پونچھ کے رہنے والے تھے۔ حوالدار مجید کے پسماندگان میں ان کی اہلیہ سگیرا بی اور تین بچے ہیں۔

لانس نائک سنجے بشٹ: لانس نائک سنجے بشٹ، نینی تال، اتراکھنڈ کے رہنے والے، شہید فوجیوں میں شامل ہیں۔ لانس نائیک بشٹ کے خاندان میں والدہ منجو دیوی بھی شامل ہیں۔

سچن لور: علی گڑھ، اتر پردیش سے تعلق رکھنے والے پیرا ٹروپر سچن لور بھی راجوری انکاؤنٹر میں شہید ہونے والے فوجیوں میں شامل ہیں۔ عہدیداروں نے بتایا کہ ترنگے میں لپٹے ہوئے شہید فوجی جوانوں کی لاشوں کو آخری رسومات کے لیے جموں سے ان کے آبائی مقامات پر پہنچایا جائے گا۔ پیرا ٹروپر لور کے خاندان میں ان کی والدہ بھگوتی دیوی ہیں۔

راجوری انکاؤنٹر کے بعد، شمالی فوج کے کمانڈر لیفٹیننٹ جنرل اوپیندر دویدی کہتے ہیں، “ہم نے اپنے فوجی جوانوں کو کھو دیا ہے لیکن ہم نے دہشت گردوں کو ختم کر دیا ہے۔ ہمارے بہادر سپاہیوں نے اپنی جان کی پرواہ کیے بغیر تربیت یافتہ غیر ملکی دہشت گردوں کو ختم کرنے کا کام کیا ہے۔ یہ بہت بڑی بات ہے۔ یہ دہشت گردوں اور پاکستان کے ایکو سسٹم پر کاری ضرب ہے۔ علاقے میں 20 سے 25 دہشت گرد سرگرم ہو سکتے ہیں۔ “ہمیں ایک سال کے عرصے میں صورتحال پر قابو پانے کے قابل ہونا چاہئے۔”

بدھ اور جمعرات کی درمیانی شب درمسال کے باجی مل علاقے میں سیکورٹی فورسز کے ساتھ 36 گھنٹے تک جاری رہنے والے مقابلے میں دو دہشت گرد، بشمول افغانستان سے تربیت یافتہ لشکر طیبہ (ایل ای ٹی) کے ایک اعلیٰ کمانڈر کو ہلاک کر دیا گیا۔ اس دوران دو کیپٹن سمیت پانچ فوجی بھی شہید ہوئے ہیں۔

جموں وکشمیر

رجوری انکاؤنٹر:سیکورٹی فورسزکوملی بڑی کامیابی، لشکرطیبہ کاپاکستانی دہشت گرد قاری سمیت دو دہشت گرد ہلاک

جموں ڈویژن کے راجوری ضلع میں دوسرے دن بھی انکاؤنٹر جاری ہے۔ اس آپریشن میں سیکورٹی فورسز کو بڑی کامیابی ملی ہے۔ پی آر او ڈیفنس نے بتایا کہ فائرنگ کے دوران پاکستانی دہشت گرد قاری سمیت دودہشت گردوں کو ماراگرایاگیاہے۔ اسے پاکستان اور افغانستان میں تربیت دی گئی ہے ۔ قاری لشکرطیبہ کا ایک کمانڈر تھا۔

وہ گزشتہ ایک سال سے راجوری اور پونچھ میں اپنے گروپ کے ساتھ سرگرم تھا۔ اسے ڈھنگری اور کنڈی حملوں کا ماسٹر مائنڈ بھی سمجھا جاتا ہے۔ ان دہشت گردوں کو ان علاقوں میں دہشت گردی کی بحالی کے لیے بھیجا گیا تھا۔ وہ ایک تربیت یافتہ ا سنائپر تھا اور آئی ای ڈیز لگانے کا ماہر تھا، غاروں سے حملے کرتا تھا۔ اس سال یکم جنوری کو راجوری کے دھانگری میں دوہرا دہشت گردانہ حملہ کیا گیا تھا جس میں سات افراد مارے گئے تھے۔ ان میں سے پانچ افراد فائرنگ اور دو آئی ای ڈی دھماکے میں ہلاک ہوئے۔

بدھ کی صبح 10 بجے شروع ہونے والے انکاؤنٹر شام 7 بجے تک جاری رہا۔ اندھیرا ہونے کے باعث نو گھنٹے بعد فائرنگ روک دی گئی تاہم سیکیورٹی فورسز نے دونوں دہشت گردوں کو گھیرے میں لے لیا۔ شہید ہونے والے اہلکاروں کی شناخت کیپٹن ایم وی پرانجل، 63 آر آر/سگنل، کرناٹک، کیپٹن شبھم، 9-پارہ، آگرہ سے اور حوالدار مجید، 9-پارہ، پونچھ، جموں کے طور پر کی گئی ہے۔ ہلاک ہونے والوں میں سے ایک کی شناخت تاحال ظاہر نہیں کی گئی۔ 9 پاڑہ کے میجر مہرا کے ہاتھ اور سینے میں چوٹیں آئیں۔ انہیں ہوائی جہاز سے ادھم پور کے کمانڈ اسپتال لے جایا گیا ہے۔ ان کی حالت مستحکم ہے۔ ایک زخمی فوجی راجوری کے 50 جنرل اسپتال میں زیر علاج ہے۔

یہ بھی پڑھیں :

معلومات کے مطابق، اتوار کی دیر شام علاقے میں دو دہشت گردوں کی موجودگی کی اطلاع ملنے کے بعد فوج، جموں و کشمیر پولیس اور سی آر پی ایف کے اہلکار چار دنوں سے تلاشی آپریشن کر رہے تھے۔ اتوار کی شام سیکورٹی فورسز کو اطلاع ملی تھی کہ بندوقوں کے ساتھ دو مشکوک افراد بریوی کے علاقے میں ایک گھر میں داخل ہوئے اور رات کا کھانا کھانے کے بعد فرار ہوگئے۔ جس کے بعد بڑے پیمانے پر سرچ آپریشن شروع کیا گیا۔ آپریشن میں سونگھنے والے کتوں کے علاوہ ڈرونز کے ذریعے تلاشی بھی لی گئی۔

سی آر پی ایف نے دہشت گردوں کی تلاش میں اپنے کوبرا کمانڈوز کو بھی تعینات کیا تھا۔ بدھ کی صبح سیکورٹی فورسز نے دہشت گردوں کو ڈھونڈ نکالا جو علاقے میں داخل ہوئے تھے جس کے بعد دونوں طرف سے فائرنگ شروع ہوئی جو شام 7 بجے تک رک گئی۔ عسکری ذرائع کا کہنا ہے کہ محصور دو دہشت گردوں کو ختم کرنے کے لیے اضافی فوجی دستے طلب کر لیے گئے ہیں۔ گھیرا مزید مضبوط کیا جا رہا ہے۔ حکام نے بتایا کہ اضافی نفری کو شامل کر کے آپریشن کو تیز کر دیا گیا ہے۔ دونوں دہشت گرد غیر ملکی معلوم ہوتے ہیں اور اتوار سے علاقے میں گھوم رہے تھے۔

جموں وکشمیر, شمالی ہندوستان, وطن نامہ

راجوری میں آٹومیٹک اسلحوں سے لیس ہیں دہشت گرد، چھپ کر فوجی افسران کو بنایا تھا نشانہ

نئی دہلی: راجوری کے کالاکوٹ علاقے میں جاری تصادم میں فوج اور دہشت گردوں کے درمیان شدید فائرنگ جاری ہے۔ یہ دہشت گرد آٹومیٹک اسلحوں سے لیس ہیں اور ان کے پاس بھاری مقدار میں گولہ بارود ہونے کا شبہ ہے۔ گھنے جنگل میں چھپے ان دہشت گردوں نے گذشتہ چند دنوں سے علاقے میں اپنی سرگرمیاں شروع کر رکھی تھیں۔ پولیس اور فوج کو 19 نومبر کو ان دہشت گردوں کی موجودگی کا علم ہوا اور اس کے بعد سے جنگل میں مشترکہ آپریشن شروع کیا گیا۔ یہ دہشت گرد قریبی دیہات میں گھس کر کھانا کھا رہے تھے۔ اب راشٹریہ رائفلز، جموں کشمیر پولیس اور فوج کے خصوصی دستوں نے پورے علاقے کو گھیرے میں لے لیا ہے۔ دہشت گردوں کے زخمی ہونے کی بھی خبر ہے۔

یہ بھی پڑھیں:

کئی سال تک گھستی رہی ایڑیاں، نہیں ملی پہچان، پھر 24 سال بڑے اداکار کے ساتھ دیے انٹیمیٹ سین، راتوں رات بن گئی اسٹار

سستے میں شملہ-منالی کا ٹور کرائیں گی یہ گاڑیاں، قیمت 6 لاکھ سے کم، 34 کلومیٹر کی شاندار مائلیج

PHOTOS: کبھی دہلی آئیں… تو ضرور آزمائیں یہ 5 خاص پکوان، ملے گا زبردست ذائقہ، جانئے خاصیت

جموں و کشمیر کے راجوری میں دہشت گردوں کے ساتھ تصادم میں فوج کے دو افسر اور ایک جوان شہید، دونوں طرف سے فائرنگ جاری

کشمیر پولیس افسر نے بتایا کہ پچھلے کچھ دنوں سے دہشت گردوں کی نقل و حرکت کی خبریں آ رہی تھیں۔ اس پر ایکشن لیتے ہوئے پولیس اور فوج کا مشترکہ آپریشن شروع کیا گیا۔ اس آپریشن میں دو کیپٹن اور دو سپاہیوں سمیت چار فوجی جوان شہید ہوئے ہیں۔ فوج کی 16 کور ملٹری یونٹ کے ذرائع نے بتایا ہے کہ دہشت گرد جس طرح سے فائرنگ کر رہے ہیں، واضح رہے کہ ان کے پاس آٹومیٹک اسلحہ ہیں۔ گھنے جنگلات کے باعث دہشت گردوں کو چھپنے میں مدد مل رہی ہے۔ لیکن اب وہ مکمل طور پر گھرے ہوئے ہیں۔

9 گھنٹے سے جاری ہیں انکاؤنٹر، دہشت گرد اب بھی کر رہے فائرنگ
فوج کی 16 کور ملٹری یونٹ کے ذرائع نے بتایا کہ بدھ کو کالاکوٹ تھانے کے بیروی گاؤں، سالوکی، سیال سوئی، دھرمسال سے ملحقہ جنگلات میں فوجیوں کو تعینات کیا گیا ہے۔ ڈرون اور سونگھنے والے کتوں کی مدد سے دہشت گردوں کو پکڑنے کے لیے آپریشن شروع کیا گیا۔ پھر بدھ کی صبح سے ہی یہاں فائرنگ شروع ہو گئی۔ فوج کے مطابق دہشت گردوں کے پاس بھاری مقدار میں گولہ بارود موجود ہوگا، یہی وجہ ہے کہ وہ 9 گھنٹے سے زائد عرصے سے مسلسل فائرنگ کر رہے ہیں۔