نئی دہلی : آسٹریلیا کے اسٹار کرکٹر گلین میکسویل ایک بار پھر تنازعات میں گھر گئے ہیں۔ الزام ہے کہ آل راؤنڈر گلین میکسویل نے ایک تقریب میں اتنی زیادہ شراب پی کہ انہیں اسپتال میں داخل کرانا پڑا۔ اب کرکٹ آسٹریلیا (سی اے) پورے معاملے کی تحقیقات کر رہا ہے۔ میکسویل کو ویسٹ انڈیز کے خلاف اگلے ون ڈے سیریز کے لیے پیر کو اعلان کی گئی آسٹریلیائی ٹیم میں بھی شامل نہیں کیا گیا ہے۔ کہا گیا ہے کہ انہیں ‘آرام’ دیا گیا ہے۔
آسٹریلیائی اخبار ‘ڈیلی ٹیلی گراف’ کے مطابق گلین میکسویل ساتھی کرکٹر بریٹ لی کے راک بینڈ ‘سکس اینڈ آؤٹ’ کا شو دیکھنے ایڈیلیڈ پہنچے تھے۔ اس کے بعد انہوں نے پب میں جم کر پارٹی کی، جس کی وجہ سے ان کی صحت بگڑ گئی۔ اس کے بعد ایمبولینس کو بلایا گیا اور میکسویل کو اسپتال میں داخل کرایا گیا۔ تاہم انہیں جلد ہی اسپتال سے چھٹی دیدی گئی۔
گلین میکسویل پیر کو ایک بار پھر اس وقت سرخیوں میں آگئے جب انہیں آسٹریلیا کی ون ڈے ٹیم میں جگہ نہیں ملی۔ آسٹریلیا کو 2 فروری سے ویسٹ انڈیز کے خلاف 3 ون ڈے میچوں کی سیریز کھیلنی ہے۔ اس سیریز میں آسٹریلیا کی قیادت اسٹیو اسمتھ کریں گے۔ اس ٹیم میں فریزر میگرک کو شامل کیا گیا ہے۔ گلین میکسویل کی جگہ میگرک کو ٹیم میں موقع دیا گیا ہے۔ بتایا گیا ہے کہ میکسویل کو ورک لوڈ مینجمنٹ کے تحت آرام دیا گیا ہے۔
یہ بھی پڑھئے: ثانیہ مرزا کا کھیل سے لے کر شادی تک رہا تنازع، اس بات پر تو ہوا تھا جم کر ہنگامہ
یہ بھی پڑھئے: انتہائی خوبصورت ہیں پاکستانی کرکٹ اسٹار شعیب ملک کی نئی اہلیہ ثنا جاوید، دیکھئے تصاویر
کرکٹ آسٹریلیا اس پورے واقعہ پر نظر رکھے ہوئے ہے۔ سی اے نے ایک بیان جاری کرتے ہوئے کہا کہ ‘بورڈ اس بارے میں معلومات اکٹھا کر رہا ہے کہ ایڈیلیڈ میں گلین میکسویل کے ساتھ ہفتے کے آخر میں کیا ہوا ۔ لیکن انہیں ون ڈے ٹیم سے باہر رکھنے کی وجہ یہ نہیں ہے۔ میکسویل ٹی ٹوینٹی سیریز میں ٹیم میں واپس آئیں گے۔