نئی دہلی: وزیر اعلیٰ اروند کیجریوال تہاڑ جیل سے باہر آنے کے فوراً بعد اپنے گھر پہنچ گئے ہیں۔ سپریم کورٹ سے ضمانت ملنے کے بعد ٹرائل کورٹ سے ان کی عبوری ضمانت کے کاغذات تیار کیے گئے اور وہ لیکر وکلاء تہاڑ جیل پہنچ گئے۔ جس کے بعد وزیر اعلیٰ کو تقریباً 7 بجے تہاڑ جیل سے رہا کر دیا گیا۔ دوسری جانب سی ایم کی اہلیہ سنیتا کیجریوال بھی اپنے شوہر کا خیرمقدم کرنے کے لئے تہاڑ جیل پہنچی تھیں۔ عام آدمی پارٹی کے کارکنوں کی بڑی تعداد جیل کے باہر جمع ہوگئی۔ عام آدمی پارٹی کے وزراء، ایم ایل اے، ایم پی اور کونسلر بھی تہاڑ جیل کے باہر نظر آئے۔
عام آدمی پارٹی کے سینئر لیڈر گوپال رائے نے تمام کارکنوں کو تہاڑ جیل کے باہر جمع ہونے کی ہدایت دی ہے۔گھر پہنچتے ہی کارکنوں، ایم ایل ایز اور وزراء کی بڑی تعداد نے ان کا استقبال کیا۔ سی ایم اروند کیجریوال نے کارکنوں سے خطاب کیا۔ اس موقع پر اروند کیجریوال نے کہا کہ میں سپریم کورٹ کے جج کا شکریہ ادا کرنا چاہتا ہوں، جن کی وجہ سے میں آج آپ سب کے درمیان ہوں۔ عوام سے گزارش ہے کہ ہم سب نے مل کر ملک کو آمریت سے بچانا ہے۔
Addressing his first public rally after getting interim bail in #DelhiLiquorPolicy case, Delhi CM Arvind Kejriwal said, ‘I had promised I will come back soon, here I am.’ #arvindkejriwal #kejriwal #delhiliquorscam #aamaadmiparty #aap #enforcementdirectorate #politics pic.twitter.com/0edKOeaDFU
— News18 (@CNNnews18) May 10, 2024
عام آدمی پارٹی کے کارکنوں سے خطاب کرتے ہوئے اروند کیجریوال نے کہا کہ وہ کل صبح 11 بجے ہنومان جی مندر جائیں گے جس کے بعد دوپہر ایک بجے پریس کانفرنس کریں گے۔اس دوران انہوں نے کہا کہ وہ کل جنوبی دہلی میں روڈ شو کریں گے۔ایم ایل اے سنجیو جھا، حاجی یونس، عبدالرحمان،سی ایم اروند کیجریوال کی رہائش گاہ پہنچ گئے ہیں۔
اروند کیجریوال کے استقبال کے لیے سی ایم کی رہائش گاہ کے مین گیٹ پر پھول چڑھائے جا رہے ہیں۔دہلی کے سی ایم اروند کو سپریم کورٹ سے عبوری ضمانت ملنے کے بعد، عام آدمی پارٹی نے ایک نیا گانا جاری کیا، جس کے بول ‘بندے میں ہے دم’ ہیں۔