بنگلورو: بنگلورو میں جمعرات کو ایک سنسنی خیز معاملہ سامنے آیا۔ بیٹی اپنی ماں سے کہہ کر پارک کیلئے نکلی تھی کہ کچھ دیر بعد آتی ہوں ۔ نہ جانے کیا ہوا کہ ماں کو بیٹی کے رویے پر شک ہو گیا۔ وہ چپکے سے اپنی بیٹی کا پیچھا کرنے لگی۔ پارک میں جو کچھ ہوا اسے دیکھ کر کسی بھی ماں کا خون کھول اٹھے گا۔ دراصل لڑکی جس نوجوان سے ملنے آئی تھی اس نے اس پر چاقو سے تابڑتوڑ حملہ کردیا۔ علامتی تصویر۔جین نگر علاقہ میں اپنی 24 سالہ بیٹی انوشا پر اس کے مبینہ بوائے فرینڈ کے ذریعہ چاقو سے حملہ ہوتے دیکھ کر دوڑ کر اس کی ماں اس کے پاس پہنچی۔ اس نے اپنی بیٹی کے قاتل کو وہاں موجود ایک بڑے پتھر سے حملہ کرکے موت کے گھاٹ اتار دیا۔ بیٹی نے اسپتال لے جاتے ہوئے راستے میں دم توڑ دیا۔ مرنے والے نوجوان کی شناخت 44 سالہ سریش کے طور پر ہوئی ہے۔ علامتی تصویر۔پولیس کے مطابق پانچ سال پہلے جب لڑکی کی عمر 19 سال تھی تب اس کی ملاقات پارک میں ہی سریش سے ہوئی تھی۔ دونوں اچھے دوست بن چکے تھے۔ پھر دونوں کے درمیان کسی بات پر جھگڑا ہو گیا اور انوشا نے خود کو سریش سے دور کر لیا تھا۔ علامتی تصویر۔ایک پولیس افسر نے کہا کہ ابتدائی تحقیقات سے پتہ چلتا ہے کہ سریش نے دوری بنانے کے انوشا کے فیصلے کو قبول نہیں کیا۔ یہی وجہ ہے کہ پارک میں ملاقات کے دوران سریش نے مبینہ طور پر اس پر چاقو سے دو بار وار کیا۔ علامتی تصویر۔گھر سے نکلنے سے پہلے انوشا نے اپنی ماں کو اطلاع دی تھی کہ وہ پانچ منٹ کے لیے پارک میں کسی سے ملنے جا رہی ہے اور جلد ہی واپس آ جائے گی۔ ماں کو گڑبڑ کا شبہ ہوا اور انہوں نے بیٹی کا پیچھا کیا۔ علامتی تصویر۔بنگلورو ساؤتھ ڈی سی پی لوکیش بھرامپا جگلاسر نے پی ٹی آئی کو بتایا کہ اب تک کی تحقیقات کی بنیاد پر ایسا لگتا ہے کہ سریش نے انوشا کو چاقو مارا تھا۔ انوشا کی ماں اپنی بیٹی کو بچانے کے لیے بھاگی اور اس دوران اس نے سریش کے سر پر پتھر مارا اور وہ موقع پر ہی دم توڑ گیا۔ علامتی تصویر۔انہوں نے فی الحال ہم ایک عینی شاہد سے پوچھ گچھ کر رہے ہیں۔ انوشا شدید زخمی ہو گئی تھی۔ ایک چوٹ انس کے سینے پر تھی اور دوسری گردن پر۔ اسے اسپتال میں مردہ قرار دیا گیا۔ دونوں ایک دوسرے کو اپنے کام کی جگہ سے جانتے تھے۔ جبکہ سریش ایک ایونٹ مینجمنٹ کمپنی میں کام کرتا تھا ۔ انوشا اس سے دوری بنائے رکھنے کی کوشش کر رہی تھی، جس کی وجہ سے یہ واقعہ پیش آیا۔ علامتی تصویر۔
