نئی دہلی : بدھ کی رات دیر گئے دہلی میں انڈیا گیٹ کے قریب ایک شخص نے آئس کریم بیچنے والے کا چاقو مار کر قتل کر دیا۔ مقتول کی شناخت 25 سالہ پربھاکر کے طور پر کی گئی ہے۔ وہ سنگم وہار، دہلی میں رہتا تھا اور آبائی طور پر اتر پردیش کے اٹاوہ کے رہنے والا تھا۔ پولیس کے مطابق بدھ کی رات 9 بجکر 2 منٹ پر کرتویہ پاتھ پولیس اسٹیشن کو انڈیا گیٹ کے قریب لڑائی کی اطلاع ملی، جس کے بعد پولیس کی ٹیم موقع پر پہنچ گئی۔ علامتی تصویر۔پولیس ٹیم نے موقع پر پربھاکر کو زخمی حالت میں پایا۔ اسے فوری طور پر لیڈی ہارڈنگ اسپتال لے جایا گیا جہاں ڈاکٹروں نے اسے مردہ قرار دے دیا۔ نئی دہلی کے ڈی سی پی دیوش کمار مہالا نے کہا کہ جانچ کے دوران پتہ چلا کہ پربھاکر انڈیا گیٹ پر آئس کریم بیچتا تھا۔ علامتی تصویر۔20 سال کی عمر کا ایک نوجوان اس کی آئس کریم ریہڑی پر آیا اور اس پر چاقو سے کئی وار کردیا۔ پولیس ٹیم کو جائے واقعہ پر خون اور چپل ملے۔ لیکن مقتول کا موبائل فون غائب تھا۔ مقتول کے اہل خانہ سے تفصیل سے پوچھ گچھ کی گئی اور یہ بات ریکارڈ پر آئی کہ پربھاکر کا ایک نابالغ لڑکی سے رشتہ تھا۔ علامتی تصویر۔معاملہ کو حل کرنے کے لیے پولیس ٹیم نے مبینہ لڑکی اور اس کے کنبہ کے افراد کے موبائل نمبروں کی نگرانی شروع کی اور این سی آر میں مختلف مقامات پر مشترکہ چھاپے بھی مارے۔ ڈی سی پی نے کہا کہ ملزم کے فرار کے راستے کا پتہ لگانے کے لیے جائے وقوع کے قریب لگے سی سی ٹی وی کیمروں کا بھی تجزیہ کیا گیا۔ علامتی تصویر۔جانچ میں اس بات کی بھی تصدیق ہوئی کہ نابالغ لڑکی مقتول اور اتر پردیش کے گونڈا کے رہنے والے اجے عرف آکاش نامی شخص دونوں کے ساتھ رشتے میں تھی۔ ڈی سی پی نے کہا کہ پربھاکر سے جان چھڑانے کے لیے اس نے اجے کے ساتھ سازش کی اور اسے اپنے عاشق کو ختم کرنے پر اکسایا۔ علامتی تصویر۔پولیس نے آخر کار اجے کو پکڑ لیا۔ مقتول کے قبضے سے موبائل فون بھی برآمد ہوا ہے۔ اجے نوئیڈا کے گاؤں شاہ پورہ میں ملک ٹینٹ ہاؤس میں مزدور اور ڈرائیور کا کام کرتا تھا۔ علامتی تصویر۔
