No Category, انٹرٹینمنٹ اداکارہ کی ڈبیو فلم نے ہلا دیا باکس آفس، دوسری نے کما ڈالے 950 کروڑ اور تیسری سے ہوگیا کریئر تباہ Gallery April 10, 2024 Urdu News18 اس فلم میں زائرہ وسیم کو کافی پسند کیا گیا تھا۔ یہی نہیں لوگوں نے زائرہ وسیم کی اداکاری کو بھی خوب سراہا تھا۔ اس کے ساتھ کشمیر سے تعلق رکھنے والی زائرہ وسیم کی خوبصورتی کے بھی لوگ دیوانے تھے۔ حالانکہ زائرہ وسیم نے اپنی دوسری فلم سے بھی باکس آفس کو ہلا کر رکھ دیا۔ لیکن اس فلم کے بعد زائرہ وسیم کا کیرئیر ختم ہو گیا۔ تصویر: Instagram@IMDB زائرہ وسیم نے اپنے کیرئیر کے عروج پر بالی ووڈ کی گلیمرس اور شہرت کو الوداع کہہ دیا تھا۔ زائرہ وسیم نے اپنے کیرئیر میں صرف 3 فلموں میں کام کیا۔ 23 اکتوبر 2000 کو پیدا ہوئی زائرہ وسیم نے اپنی پہلی فلم صرف 16 سال کی عمر میں کی تھی۔ زائرہ وسیم نے 2016 کی دنگل میں شاندار کام کیا تھا۔ زائرہ وسیم کی اس فلم نے دنیا بھر میں 2000 کروڑ روپے کمائے تھے۔ تصویر: Instagram@IMDB اس فلم نے چین میں بھی تہلکہ مچادیا تھا ۔ اس فلم کو ہندوستان کے ساتھ ساتھ دنیا بھر میں بھی بے حد پسند کیا گیا تھا۔ پہلی فلم ہٹ ہونے کے بعد زائرہ وسیم کو اگلی فلم ملی۔ زائرہ وسیم نے 2017 میں ریلیز ہوئی فلم ‘سیکریٹ سپر اسٹار’ میں بھی اپنی زبردست اداکاری سے لوگوں کے دل جیت لیے۔ اس فلم نے بھی باکس آفس پر خوب دھوم مچائی۔ تصویر: Instagram@IMDB زائرہ وسیم نے اس فلم میں عامر خان کے ساتھ اسکرین شیئر کیا تھا۔ فلم سیکریٹ سپر اسٹار نے دنیا بھر کے باکس آفس پر 912 کروڑ روپے کما کر تاریخ رقم کی۔ ایک کے بعد ایک ہٹ فلمیں دینے کے بعد زائرہ وسیم کے پاس فلموں کی لائن لگ گئی۔ تصویر: Instagram@IMDB زائرہ وسیم آخری بار 2019 کی فلم ‘دی اسکائی از پنک’ میں نظر آئی تھیں۔ حالانکہ یہ فلم باکس آفس پر فلاپ ہوگئی۔ اس فلم کے بعد زائرہ وسیم نے بالی ووڈ کی گلیمرس دنیا کو الوداع کہہ دیا۔ کم عمری میں ملنے والی تمام شہرت کے باوجود زائرہ وسیم نے ممبئی کی دنیا کو الوداع کہا اور اپنے خاندان کے ساتھ رہنے کشمیر چلی گئیں۔ تصویر: Instagram@IMDB اب زائرہ کشمیر میں اپنے گھر میں رہتی ہیں۔ زائرہ وسیم نے 2019 سے کوئی فلم نہیں کی ہے۔ حالانکہ زائرہ کے مداح اب بھی ان کی فلم کا انتظار کر رہے ہیں۔ تصویر: Instagram@IMDB زائرہ وسیم فلموں سے دور ہونے کے باوجود سوشل میڈیا پر سرگرم رہتی ہیں۔ زائرہ وسیم اپنے انسٹاگرام اور ٹویٹر پر اپنے خیالات شیئر کرتی رہتی ہیں۔ تصویر: Instagram@IMDB
No Category, انٹرٹینمنٹ 100 فلموں میں کیا کام، دی کئی سپرہٹ فلمیں، پاگل خانہ میں گزارے دن، 26 سال سے اداکار کا نہیں مل رہا کوئی سراغ Gallery April 10, 2024 Urdu News18 نئی دہلی : آج ہم آپ کو بالی ووڈ کے ایک مشہور اداکار کے بارے میں بتانے جارہے ہیں، جو گزشتہ 26 سال سے لاپتہ ہیں اور آج تک ان کا کوئی سراغ نہیں مل سکا اور اس اداکار کا نام راج کرن ہے۔ بتادیں کہ 70 اور 80 کی دہائی میں راج کرن کا نام بالی ووڈ کے مشہور ستاروں کی فہرست میں شامل تھا۔ انہوں نے کئی بالی ووڈ فلموں میں کام کیا۔ شائقین میں ان کی ایک الگ شناخت تھی۔ راج ممبئی کے ایک سندھی گھرانے میں پیدا ہوئے تھے۔ انہوں نے 1975 میں بی آر اشارا کی فلم ‘کاغذ کی ناو’ سے بالی ووڈ میں قدم رکھا تھا۔ 1980 کی دہائی میں انہیں 100 سے زائد فلموں میں کام کرتے دیکھا گیا۔ ان کا فلمی کریئر کافی اچھا جا رہا تھا۔ اس دوران انہوں نے بالی ووڈ کی کئی سپر ہٹ فلموں میں بھی کام کیا۔ میڈیا رپورٹس کے مطابق راج نے لیڈ کے ساتھ ساتھ کئی فلموں میں معاون کردار بھی ادا کیے لیکن ایک دن وہ اچانک غائب ہو گئے اور آج وہ 26 سال سے لاپتہ ہیں۔ جن ستا میں شائع ایک خبر کے مطابق وہ ڈپریشن کا شکار ہو گئے تھے جس کے بعد ان کے لاپتہ ہونے کی خبر پہلی بار سال 1999 میں سامنے آئی تھی۔ خبروں کی مانیں تو اسے بائیکھلا جیل بھیج دیا گیا تھا۔ اسی دوران سال 2011 میں یہ خبر آئی تھی کہ آنجہانی اداکار رشی کپور نے ان کے بھائی گوبند مہتانی کو فون کرکے جب راج کے بارے میں دریافت کیا تھا تو اس وقت وہ اٹلانٹا کے پاگل خانہ میں تھے ، لیکن اس کے بعد سے ان کی کوئی خبر نہیں ہے۔ ان کا خاندان ابھی تک ان کا انتظار کر رہا ہے اور پورا خاندان ان کی تلاش کر رہا ہے۔ بتادیں کہ راج کی بیوی کا نام روپا تھا، جنہوں نے اب دوسری شادی کر لی ہے۔ دوسری شادی کے بعد انہوں نے اپنا نام بدل کر روپا مشرو والا رکھ لیا ہے۔ وہیں راج کی دو بیٹیاں ہیں، رشیکا مہتانی اور منت مہتانی۔ ان کی بیٹی رشیکا ہر سالگرہ پر اپنے والد کے لیے ایک پوسٹ لکھتی ہیں۔
No Category, اسپورٹس آئی پی ایل میں چوکوں سے زیادہ لگائے چھکے، 2 بلے باز بنا چکے ہیں ڈبل سنچری، فہرست میں صرف ایک ہندوستانی Gallery April 10, 2024 Urdu News18 دنیا کی مقبول ترین ٹی ٹوینٹی لیگ انڈین پریمیئر لیگ میں غیر ملکی کھلاڑیوں کا جلوہ نظر آتا ہے۔ اس میں بھی ویسٹ انڈیز کرکٹ کے دھماکہ خیز بلے بازوں کے نام زیادہ تر نظر آتے ہیں۔ کرس گیل سے لے کر آندرے رسل تک کے بلے ٹورنامنٹ میں رنز کی بارش کرچکے ہیں ۔ AP انڈین پریمیئر لیگ میں کئی طوفانی بلے باز آئے ہیں لیکن ویسٹ انڈیز کے بلے بازوں کا نام ٹاپ پر آتا ہے۔ چوکے سے زیادہ چھکے لگانے والے بلے بازوں کی اس فہرست میں بھی ویسٹ انڈیز کے بلے باز ہی چھائے ہوئے ہیں ۔AP آئی پی ایل کی تاریخ میں چوکے سے زیادہ چھکے لگانے کے معاملے میں ممبئی انڈینز کے سابق آل راؤنڈر کیرون پولارڈ کا نام سرفہرست ہے۔ ان کے کھاتے میں 218 چوکے ہیں جبکہ چھکوں کی تعداد 223 ہے۔ AP اس فہرست میں دوسرے نمبر پر جو کھلاڑی ہیں، وہ بھی ویسٹ انڈیز کرکٹ کے لیے کھیل چکے ہیں۔ کولکاتہ نائٹ رائیڈرز کے دھماکہ خیز بلے باز آندرے رسل نے 157 چوکے لگائے جبکہ چھکوں کی تعداد 203 ہے۔AP آئی پی ایل میں چوکوں سے زیادہ چھکے لگانے والے بلے بازوں کی فہرست میں تیسرے نمبر پر بھی ویسٹ انڈیز کے ہی کرکٹر ہیں۔ لکھنؤ سپر جائنٹس کے لئے کھیل رہے نکولس پورن نے ٹورنامنٹ میں 85 چوکے لگائے ہیں جبکہ مجموعی طور پر 103 چھکے لگا چکے ہیں۔ AP آئی پی ایل میں چوکوں سے زیادہ چھکے لگانے والے بلے بازوں کی فہرست میں واحد ہندوستانی کے طور پر آل راؤنڈر شیوم دوبے نے جگہ بنائی ہے ۔ چنئی سپر کنگز کی جانب سے کھیلنے والے اس کھلاڑی کے نام 67 چوکے ہیں درج ہیں جبکہ کل 83 چھکے لگائے ہیں۔ (AFP) آئی پی ایل میں چوکوں سے زیادہ چھکے لگانے والے بلے بازوں کی فہرست میں پانچویں نمبر پر بھی ویسٹ انڈیز کے کھلاڑی کا نام ہے۔ راجستھان رائلز کی طرف سے کھیل رہے شیمرون ہیٹمائر نے 68 چوکے لگائے ہیں جبکہ 76 چھکے لگا چکے ہیں ۔ AP
No Category, انٹرٹینمنٹ اس مشہور اداکارہ نے داو پر لگایا کریئر، کروڑپتی کاروباری سے کی شادی، 9 سال میں ہی ہوگیا طلاق اور پھر… Gallery April 9, 2024 Urdu News18 نئی دہلی : اداکاری کی دنیا کی معروف اداکارہ جنہوں نے اپنے کیرئیر میں کئی ایسے کردار ادا کیے جنہیں لوگ آج بھی بھلا نہیں سکے ہیں۔ وہ انیل کپور کے ساتھ کلٹ کلاسک فلم میں نظر آئی تھیں۔ آج انڈسٹری میں انہیں کام نہیں مل رہا ہے۔ وہ اداکارہ جس نے انڈسٹری میں اپنے کام سے لوگوں کے دل جیت کر ایک الگ پہچان بنائی ہے، وہ پوجا بترا ہیں۔ اپنے کریئر کے عروج پر اداکارہ نے کروڑ پتی بزنس مین سونو اہلووالیا سے شادی کرلی تھی۔ لیکن اداکارہ صرف 9 سال بعد طلاق ہوگیا تھا۔ پوجا طلاق کو لے کر بھی خبروں میں رہی تھیں۔ شادی کے چند سال بعد 2012 میں دونوں میں طلاق ہوگیا اور طلاق کی وجہ بچہ تھا، پوجا کے شوہر بچے چاہتے تھے، لیکن وہ ایسا نہیں چاہتی تھیں۔ آج پوجا بترا اپنی خوبصورتی اور فٹنس کی وجہ سے بھی خبروں میں رہتی ہیں۔ ان کی فٹنس دیکھ کر کوئی بھی ان کی عمر کا اندازہ نہیں لگا سکتا۔ اپنے اداکاری کے کیریئر میں پوجا بترا نے ہندی، تمل اور تیلگو فلموں میں کام کیا لیکن فلموں سے زیادہ وہ اپنی ذاتی زندگی کی وجہ سے سرخیوں میں رہیں۔ ایک طویل عرصے تک اداکاری کی دنیا سے دور رہنے کے بعد پوجا نے سال 2021 میں او ٹی ٹی کے ذریعے واپسی کی تھی۔ انہوں نے ویب سیریز ‘اسکواڈ’ میں ایک دمدار کردار ادا کیا تھا۔ تجربہ کار اداکار ڈینی ڈینزونگپا کے بیٹے رنجنگ نے اس سیریز میں اپنا آغاز کیا تھا۔ بتادیں کہ پوجا نے سال 2019 میں نواب شاہ سے خفیہ طریقے سے شادی کی تھی۔ پھر بعد میں مداحوں کو شادی کی حقیقت بتا دی۔ دونوں اب خوشگوار ازدواجی زندگی گزار رہے ہیں۔ پوجا فلمی پردے سے دور ہیں، لیکن وہ برانڈ اینڈورسمنٹس سے کافی کماتی ہیں۔ اداکارہ عیش و آرام کی زندگی گزار رہی ہیں۔ وہ سوشل میڈیا کے ذریعے اپنے مداحوں کو اپنی زندگی سے متعلق اپ ڈیٹس دیتی رہتی ہیں۔
No Category, انٹرٹینمنٹ 30 زبان میں گائے 15000 گانے، مشہور ہوتے ہی بیوی سے چھپاکر کرلی دوسری شادی، اور پھر… Gallery April 9, 2024 Urdu News18 بالی ووڈ میں ایک ایسا گلوکار ہے جس نے نیپالی فلم ’سندور‘ سے اپنے کیریئر کا آغاز کیا تھا۔ اس کے بعد گلوکار نے محمد رفیع، آشا بھوسلے، لتا منگیشکر، الکا یاگنک، انورادھا پوڈوال، سونو نگم، کمار سونو جیسے ستاروں کے ساتھ کئی گانے گائے۔ انہوں نے راجیش روشن، آر ڈی برمن، بپی لہڑی، مانس مکھرجی، کلیان جی ۔ آنند جی جیسے لیجنڈ موسیقاروں کے ساتھ کام کرکے کافی نام اور پیسہ کمایا ۔ اس لیجنڈ گلوکار نے 30 زبانوں میں 15 ہزار سے زائد گانے گا کر میوزک انڈسٹری میں تاریخ رقم کی۔ یہاں ہم بات کر رہے ہیں لیجنڈ پلے بیک سنگر ادت نارائن کے بارے میں۔ یکم دسمبر 1955 کو نیپال کے سپتاری ضلع میں پیدا ہوئے ادت کا پورا نام ادت نارائن جھا ہے۔ انہوں نے اپنے کیریئر کا آغاز نیپالی فلم سندور سے کیا تھا۔ اس کے بعد کچھ بھوجپوری گانے بھی گائے۔ موسیقار راجیش روشن نے انہیں ہندی فلموں میں گانے کا موقع فلم انیس بیس میں دیا۔ تاہم انہیں عامر خان کی فلم ‘قیامت سے قیامت تک’ سے کامیابی ملی۔ اس فلم کا سب سے مقبول گانا ‘پاپا کہتے ہیں بڑا نام کرے گا’ کو ادت نے گایا تھا۔ اس فلم کے ساتھ ہی ادت کی قسمت چمک گئی اور اس گانے کے لیے انھیں پہلا فلم فیئر بہترین گلوکار کا ایوارڈ دیا گیا۔ ادت نارائن کو حکومت ہند نے سال 2009 میں پدم شری ایوارڈ سے نوازا تھا۔ اس کے بعد انہوں نے تین بار بہترین گلوکار کا نیشنل ایوارڈ بھی حاصل کیا۔ انہیں 5 فلم فیئر بہترین گلوکار کے ایوارڈ بھی مل چکے ہیں۔ حالانکہ ادت آج بھلے ہی فلموں میں کم گاتے ہیں، لیکن انہوں نے تقریباً 3 دہائیوں تک میوزک انڈسٹری پر راج کیا۔ اپنے کیریئر کے دوران ان کا موازنہ آنجہانی گلوکار کشور کمار اور محمد رفیع سے کیا جاتا تھا۔ ادت کی ذاتی زندگی کے بارے میں بات کریں تو وہ کافی تنازعات میں رہے ہیں۔ کبھی ریڈیو نیپال میں میتھلی اور نیپالی لوک گیت گا کر اپنے کیریئر کا آغاز کرنے والے ادت نے نہ صرف ایک بار بلکہ دو بار شادی کی۔ میڈیا رپورٹس کے مطابق ادت نارائن نے 1984 میں بہار میں رنجنا جھا نامی خاتون سے شادی کی تھی۔ ان کی شادی اس وقت ہوئی تھی جب انہیں بالی ووڈ میں کوئی پہچان نہیں ملی تھی۔ حالانکہ بالی ووڈ میں شناخت بنانے کے بعد ادت نے گلوکارہ دیپا گتراج سے شادی کی۔ ادت کی دیپا کے ساتھ دوسری شادی تھی۔ ان کی پہلی بیوی کو اس شادی کا بالکل علم نہیں تھا۔ شوہر کی دوسری شادی کا علم ہوا تو پیروں تلے سے زمین کھسک گئی۔ انہوں نے ایک ہوٹل میں ایت کو کافی بدنام کیا تھا۔ کہا جاتا ہے کہ دیپا سے شادی کے بعد ادت کافی تنازعات میں گھر گئے تھے۔ ان کی پہلی بیوی رنجنا جھا نے ان کے خلاف دھوکہ دہی اور طلاق دیے بغیر دوسری شادی کرنے کا الزام لگاتے ہوئے مقدمہ درج کرایا۔ کہا جاتا ہے کہ ابتدائی دنوں میں ادت ان تمام باتوں کو افواہ قرار دیتے رہے ۔ ادت کے انکار سے ان کی پہلی بیوی کا دل ٹوٹ گیا اور رنجنا نے عدالت سے رجوع کیا اور پھر تصاویر اور دستاویزات دکھائے۔ عدالت نے ان کی تصویر تسلیم کر لی اور ادت کو اپنی شادی کا اعتراف کرنا پڑا۔ اس کے بعد عدالت نے انہیں اپنی دونوں بیویوں کو ساتھ رکھنے کا حکم دیا۔ بتادیں کہ دیپا اور ادت کا ایک بیٹا گلوکار آدتیہ نارائن ہے ۔ tring.co.in کے مطابق ادت نارائن کی آمدنی کا بڑا ذریعہ رئیل اسٹیٹ ہے۔ جہاں انہوں نے پہلے ہی کافی سرمایہ لگا رکھا ہے۔ اس کے علاوہ وہ فلموں اور ریکارڈز میں گانے گا کر اور ٹیلی ویژن ریئلٹی شوز میں جج کے طور پر بھی کافی پیسہ کماتے ہیں۔
No Category, انٹرٹینمنٹ سچے واقعات پر بنی دل دہلانے دینے والی سیریز، اگر غلطی سے بھی دیکھ لی پوری تو راتوں کی نیند ہوجائے گی حرام Gallery April 9, 2024 Urdu News18 آپ نے سچے واقعات پر مبنی کئی سیریز اور فلمیں دیکھی ہوں گی لیکن اگر آپ نے وہ نام جو آج ہم آپ کو بتانے جارہے ہیں وہ غلطی سے بھی دیکھ لیا تو آپ کو اندھیرے سے ڈر لگنے لگے گا۔ اس کی کہانی اور کردار آپ کے ذہن سے کبھی نہیں نکلیں گے۔ تصویر: IMDb ہم جس ویب سیریز کے بارے میں بات کر رہے ہیں اس کا نام ‘آخری سچ’ ہے۔ تمنا بھاٹیہ، ابھیشیک بنرجی، شیون نارنگ، عمر شریف، کریتی وج، فردوس حسن اور ارونا سونی جیسے کئی ستاروں نے اس میں اہم کردار ادا کیے تھے۔ تصویر: IMDb ‘آخری سچ’ میں ابھیشیک بنرجی کا مرکزی کردار ہے۔ سیریز کے آغاز میں دکھایا گیا ہے کہ دہلی کے بروری علاقے میں ایک خاندان کے 11 افراد کی موت ہو جاتی ہے۔ سب کی لاشیں لٹکی ہوئی پائی جاتی ہیں۔ سب کی آنکھوں پر کپڑا ہے اور ہاتھ پیچھے سے بندھے ہوئے ہیں۔ تصویر: IMDb اس واقعہ کی خبر پورے شہر میں جنگل کی آگ کی طرح پھیل جاتی ہے۔ کسی کو سمجھ نہیں آتا ہے کہ سب نے خودکشی کی ہے یا کسی نے انہیں مار دیا ہے۔ تصویر: IMDb دہلی پولیس اس معاملے کی تحقیقات شروع کرتی ہے۔ اس میں تمنا بھاٹیہ نے تفتیشی افسر کا کردار ادا کیا ہے۔ وہ ایک ہی خاندان کے 11 لوگوں کی موت کی وجہ جاننے کی ذمہ داری اٹھاتی ہے۔ تصویر: IMDb آہستہ آہستہ کہانی آگے بڑھتی ہے اور واقعے کی وجہ سامنے آتی ہے۔ دراصل سیریز ‘آخری سچ’ ایک سچے واقعے پر مبنی ہے۔ یہ دہلی کے بروری کیس پر مبنی ہے جس میں ایک ہی خاندان کے 11 افراد مارے گئے تھے۔ اس واقعے کی کہانی ویب سیریز ‘آخری سچ’ میں بیان کی گئی ہے۔ تصویر: IMDb تمنا بھاٹیہ اور ابھیشیک بنرجی کی ویب سیریز ‘آخری سچ’ ان دنوں OTT پر چل رہی ہے۔ اس کی ہدایت کاری رابی گریوال نے کی تھی۔ تصویر: IMDb
No Category, Trending شیرمال ہو یا نان، عید میں ان روٹیوں کے بغیر ادھورا ہے جشن، تصویروں میں دیکھئے جھلک Gallery April 8, 2024 Urdu News18 لکھنؤ کی مشہور شیرمل روٹی ایک روایتی ڈش ہے، جو اپنے میٹھے ذائقے اور نرم بناوٹ کے لیے مشہور ہے۔ اس کی مقبولیت صرف لکھنؤ تک محدود نہیں ہے بلکہ حیدرآباد اور کشمیر کے لوگ بھی اسے کافی پسند کرتے ہیں۔ آپ ناشتے اور چائے کے ساتھ اس کے مزیدار ذائقے سے لطف اندوز ہو سکتے ہیں۔ یہ تہواروں اور تقریبات میں پیش کیا جاتا ہے۔ آٹے، چینی، دودھ، خمیر، زعفران، گھی یا تیل اور الائچی کے پاؤڈر سے بنی اس روٹی کو کباب، قورمہ، سالن اور مٹھائی کے ساتھ کھایا جاتا ہے۔ خمیری روٹی، جسے خمیری بریڈ بھی کہا جاتا ہے، ایک روایتی ہندوستانی روٹی ہے، جو نرم، پھولی ہوئی اور قدرے موٹی ہوتی ہے۔ یہ شمالی ہندوستان خاص طور پر لکھنؤ، دہلی، اتر پردیش اور راجستھان میں مقبول ہے۔ خمیری روٹی کو ابھارنے اور نرم ہونے کے لیے آٹے میں خمیر ملایا جاتا ہے۔ اس کے لیے آٹا، خمیر، چینی، دہی، دودھ، گھی اور نمک استعمال کیا جاتا ہے۔ یہ روٹی عید کے موقع پر پکوانوں کے ساتھ بڑے شوق سے کھائی جاتی ہے۔ تافتان، ایک مشہور جنوبی ایشیائی روٹی ہے، جو اپنے نرم، مٹھاس اور کریمی ذائقے کے لیے مشہور ہے۔ یہ آٹا، خمیر، دودھ، چینی، دہی، گھی اور انڈوں سے بنائی جاتی ہے۔ اسے تہواروں اور تقریبات پر گریوی اور سالن کے ساتھ پیش کیا جاتا ہے۔ گوزبان ایک انتہائی لذیذ اور نرم نان یا روٹی ہے، جسے کھانے کے بعد آپ کو اطمینان کا احساس ملتا ہے۔ اس خصوصی روٹی میں ہلکی سی مٹھاس ہوتی ہے، جو اسے خاص بنا دیتی ہے۔ اسے لکھنؤ میں آسانی سے 5 سے 10 روپے میں خریدا جا سکتا ہے۔ آپ اسے کسی بھی سالن یا کباب کے ساتھ کھا سکتے ہیں۔ تندوری پراٹھا ایک اہم شمالی ہندوستانی ڈش ہے، جس کی ابتدا لکھنؤ سے ہوئی ہے۔ یہ پراٹھا ہے، جو تندور میں پکایا جاتا ہے۔ تندوری پراٹھا بنانے کے لیے ایک مرکب تیار کیا جاتا ہے جس میں میدا، گندم کا آٹا، تیل یا گھی، نمک اور پانی شامل ہوتا ہے۔ اسے عام طور پر کباب، گریوی، مکھن، دہی، اچار یا چٹنی کے ساتھ پیش کیا جاتا ہے۔
No Category, انٹرٹینمنٹ 19 سال کی عمر میں کی شادی، 7 سال بعد پیار نے دی دوبارہ دستک، اب ایسی زندگی گزارہی یہ مشہور اداکارہ Gallery April 4, 2024 Urdu News18 اداکارہ اسنیہا واگھ نے مقبول ٹی وی سیریل ‘ویر کی ارداس ویرا’ میں ایک ماں کا کردار ادا کیا تھا۔ ایک ماں جو اپنے بچوں کی خاطر ہر حد پار کرنے کو تیار رہتی ہے۔ اس شو میں اسنیہا کے کردار کو کافی پسند کیا گیا تھا۔ ‘ویرا’ میں اسنیہا کو ایک ایسی خاتون کے کردار میں دیکھا گیا تھا جس کی شادی شدہ زندگی اتار چڑھاؤ سے بھری ہوئی رہتی ہے۔ تصویر: instagram@snehawagh اداکارہ نے پہلی بار سال 2007 میں شادی کی تھی ، لیکن ان کی شادی میں انہیں سوائے دکھ اور پریشانی کے کچھ نہیں ملا۔ اسنیہا واگھ نے سال 2007 میں آویشکار درویکر سے شادی کی تھی، لیکن اداکارہ کی شادی کا خوشگوار خواب جلد ہی خوفناک حقیقت میں بدل گیا۔ تصویر: instagram@snehawagh اداکارہ نے اپنے پہلے سابق شوہر آویشکار درویکر پر گھریلو تشدد کے سنگین الزامات لگائے تھے۔ انہوں نے اپنے انٹرویو میں کئی بار بتایا تھا کہ اپنی پہلی شادی میں انہیں مار پیٹ کا سامنا کرنا پڑا تھا اور آخر کار روز روز کی لڑائیوں سے تنگ آکر انہوں نے طلاق لینے کا فیصلہ کیا۔ تصویر: instagram@snehawagh اپنے پہلے شوہر سے طلاق کے بعد اسنیہا کئی سالوں سے اپنی شرائط پر تنہا زندگی گزار رہی تھیں جب سال 2015 میں ان کی زندگی میں ایک بار پھر محبت نے دستک دی۔ اداکارہ نے بزنس مین انوراگ سولنکی کے ساتھ دوسری شادی کی تھی۔ تصویر: instagram@snehawagh اسنیہا واگھ کی انوراگ سولنکی کے ساتھ دوسری شادی کے آغاز سے ہی دونوں کے درمیان اختلافات شروع ہوگئے اور شادی کے صرف ایک سال بعد ہی دونوں نے علاحدگی اختیار کرلی تھی۔ اپنے دوسرے شوہر سے علاحدگی کے بعد اے بی پی کو دیے گئے ایک انٹرویو میں اداکارہ نے کہا تھا کہ ان کے سابق شوہر انوراگ سولنکی برے انسان نہیں تھے، مگر وہ صرف ان کے لئے ٹھیک نہیں تھے۔ تصویر: instagram@snehawagh دو دو بار دل ٹوٹنے کے بعد اسنیہا نے مان لیا کہ وہ شادی کے لیے نہیں بنی ہیں ۔ اداکارہ نے اپنے انٹرویو میں کہا تھا کہ اکثر لڑکے مضبوط خواتین سے تعلقات قائم نہیں رکھ پاتے ہیں۔ اس کے ساتھ ہی انہوں نے بتایا تھا کہ اب وہ اکیلی خوش ہیں اور اپنی اہلیت کے بل بوتے پر اپنے خاندان کا خیال رکھتی ہیں۔ تصویر: instagram@snehawagh ایک کامیاب اداکارہ ہونے کے علاوہ اسنیہا واگھ ایک ڈائریکٹر بھی ہیں۔ وہ صرف 13 سال کی تھیں جب انہوں نے مراٹھی تھیٹر میں اپنے کیریئر کا آغاز کیا تھا اور انہوں نے اپنے ٹی وی سفر کا آغاز مراٹھی سیریلز سے بھی کیا تھا ۔ تصویر: instagram@snehawagh
No Category, اسپورٹس ٹی 20 ورلڈ کپ میں کس نے کھیلی سب سے بڑی اننگز… کتنی مرتبہ پار ہوا 100 کا ہندسہ، ٹاپ 10 میں صرف ایک ہندوستانی شامل Gallery April 4, 2024 Urdu News18 ویسٹ انڈیز کے طوفانی سلامی بلے باز کرس گیل نے ٹی ٹوینٹی ورلڈ کپ میں دو سنچریاں بنائی ہیں۔ گیل نے پہلی بار 2007 میں میزبان جنوبی افریقہ کے خلاف سنچری بنائی تھی۔ انہوں نے 117 رنز کی اننگز کھیلی تھی جب کہ دوسری بار 2016 کے ورلڈ کپ میں انگلینڈ کے خلاف ناٹ آوٹ 100 رنز بنائے تھے۔ اپنے پورے T20 کیریئر کی بات کریں تو گیل نے 463 T20 میچوں میں 22 سنچریاں بنائی ہیں۔ گیل ٹی ٹوینٹی کرکٹ میں سب سے زیادہ سنچریاں بنانے والے بلے باز ہیں۔ (AFP) انگلینڈ کے سابق اوپنر ایلکس ہیلز نے 2014 کے T20 ورلڈ کپ میں 116 رنز کی ناٹ آوٹ اننگز کھیلی تھی۔ ہیلز نے چٹاگرام میں سری لنکا کے خلاف کھیلا تھا۔ انہوں نے 64 گیندوں میں 11 چوکے اور 6 چھکے لگائے۔ پاکستان کے احمد شہزاد ورلڈ کپ میں سب سے بڑی اننگز کھیلنے کے لحاظ سے چوتھے نمبر پر ہیں۔ شہزاد نے 2014 کے ورلڈ کپ میں بنگلہ دیش کے خلاف ناٹ آوٹ 111 رنز بنائے تھے۔ (AFP) ٹی ٹوئنٹی ورلڈ کپ میں سب سے بڑی اننگز کھیلنے کے معاملے میں جنوبی افریقہ کے ریلی روسو 5ویں نمبر پر ہیں۔ روسو نے 2022 کے ورلڈ کپ میں بنگلہ دیش کے خلاف سڈنی میں 109 رنز بنائے تھے۔ اس اننگز میں انہوں نے 56 گیندوں پر 7 چوکے اور 8 چھکے لگائے۔ نیوزی لینڈ کے گلین فلپس نے 104 رنز کی اننگز کھیلی۔ فلپس سب سے بڑی اننگز کھیلنے والے بلے بازوں کی فہرست میں چھٹے نمبر پر ہیں۔ (AFP) بنگلہ دیش کے سلامی بلے باز تمیم اقبال نے 2016 کے T20 ورلڈ کپ میں 103 رنز کی ناٹ آوٹ اننگز کھیلی تھی۔ دھرم شالہ میں کھیلے گئے میچ میں تمیم کی سنچری کی بنیاد پر بنگلہ دیش نے عمان کو ڈک ورتھ لوئس اصول کے تحت 54 رنز سے شکست دی۔ تمیم نے اپنی سنچری اننگز میں 63 گیندوں پر 10 چوکے اور 5 چھکے لگائے تھے۔ (AFP) انگلینڈ کے طوفانی سلامی بلے باز وکٹ کیپر بلے باز جوس بٹلر نے 2021 کے T20 ورلڈ کپ میں سری لنکا کے خلاف ناٹ آوٹ 101 رنز بنائے تھے۔ اس اننگز میں انہوں نے 67 گیندوں پر 6 چوکے اور اتنے ہی چھکے لگائے۔ شارجہ میں کھیلے گئے اس میچ میں انگلینڈ نے 26 رنز سے کامیابی حاصل کی۔ بٹلر آئندہ ٹی ٹوینٹی ورلڈ کپ میں انگلینڈ کی ٹیم کی کپتانی کرتے نظر آ سکتے ہیں۔ وہ اس ورلڈ کپ میں اپنی ٹیم کی جیت میں اہم کردار ادا کر سکتے ہیں۔ سب کی نظریں بٹلر کی بلے بازی پر ہوں گی۔ (AFP) ہندوستانی کرکٹ ٹیم کے سابق بلے باز سریش رینا ٹی ٹوینٹی ورلڈ کپ میں سب سے بڑی اننگز کھیلنے کے معاملے میں نویں نمبر پر ہیں۔ رینا نے 2010 کے T20 ورلڈ کپ میں جنوبی افریقہ کے خلاف 60 گیندوں پر 9 چوکوں اور 5 چھکوں کی مدد سے 101 رنز کی اننگز کھیلی تھی۔ (AFP) ٹی ٹوینٹی ورلڈ کپ میں سب سے بڑی اننگز کھیلنے کے معاملے میں سابق سری لنکن کپتان مہیلا جے وردھنے 11 ویں نمبر پر ہیں۔ جے وردھنے نے 2010 کے ورلڈ کپ میں زمبابوے کے خلاف 64 گیندوں میں 10 چوکوں اور چار چوکوں کی مدد سے 100 رنز بنائے تھے۔ (AFP)
No Category, Trending دیر رات کو بھی بند کمرے سے آتی تھی خطرناک آواز، شک گہرایا تو لگ گئے جاسوس اور پھر… Gallery April 4, 2024 Urdu News18 بڑی کارروائی کرتے ہوئے بہار کی مظفر پور پولیس نے ایک غیر قانونی منی گن بنانے والی فیکٹری کا پردہ فاش کیا ہے۔ لوک سبھا انتخابات سے پہلے مظفر پور پولیس نے ہتھیاروں کے اسمگلروں کے خلاف بڑی کارروائی کی ہے۔ خفیہ طور پر چلنے والی منی گن فیکٹری کا پردہ فاش کیا گیا ہے۔ مظفر پور پولیس نے نہ صرف اس معاملہ کا انکشاف کیا بلکہ اسلحے کے اسمگلر کو بھی گرفتار کر لیا، جس کی شناخت منچون عرف محمد عمر کے طور پر ہوئی ہے، جو صدر تھانہ علاقے کے مجھولیا کا رہنے والا ہے۔ بتایا جا رہا ہے کہ وہ گھر کے اندر ایک بند کمرے میں دیسی کٹا تیار کر کے مجرموں کو بھاری رقم میں سپلائی کرتا تھا۔ یہ بڑا کھیل پولیس کی ناک کے نیچے کافی عرصے سے چل رہا تھا، جسے مظفر پور پولیس نے پیشہ ورانہ انداز میں بے نقاب کیا۔ دراصل پولس کو اس بات کا علم ہو گیا تھا کہ ایک بند کمرے میں منی گن فیکٹری چلائی جا رہی ہے۔ اس کے بعد پولیس نے پہلے معلومات کی بنیاد پر تفتیش کی اور پھر سینئر سپرنٹنڈنٹ آف پولیس کے حکم پر چھاپے مارنے شروع کر دیے گئے۔ خاص بات یہ ہے کہ مظفر پور پولیس کی جانب سے منی گن فیکٹری پر چھاپہ اتنے پیشہ ورانہ انداز میں مارا گیا کہ اسلحہ اسمگلر فرار نہیں ہو سکا اور موقع سے پکڑ لیا گیا۔ اسلحہ اسمگلر کا سراغ لگانے کے لیے مزید کارروائی کی جارہی ہے۔ وہیں ایک دیسی ساختہ پستول، تین نیم تیار دیسی پستول، تین کارتوس اور ایک میگزین کے ساتھ بڑی تعداد میں اسلحہ سازی کا سامان برآمد کیا گیا ہے۔ ایس ڈی پی او احیا پور ونیتا سنگھا نے پریس کانفرنس میں یہ جانکاری دی۔