Tag Archives: Haryana Police
نوجوان کی بے رحمانہ پٹائی کامعاملہ: ویڈیو وائرل ہونے کے بعدبٹو بجرنگی کےخلاف مقدمہ درج
فرید آباد: فرید آباد، ہریانہ کا ایک ویڈیو وائرل ہوا ہے۔ یہ نوح تشدد کے ملزم اور گئو رکشک تنظیم سے وابستہ بٹو بجرنگی کی ویڈیو ہے جو سوشل میڈیا پر وائرل ہو رہی ہے، فی الحال پولیس نے ویڈیو کے سلسلے میں مقدمہ درج کر لیا ہے۔جانکاری کے مطابق،بٹو بجرنگی ایک نوجوان کو لاٹھیوں سے پیٹتے ہوئے دیکھا جا رہا ہے۔ بتایا جا رہا ہے کہ یہ ویڈیو بٹو بجرنگی کے گھر کے باہر کا ہے۔ جس نوجوان کی پٹائی کی گئی اس پر الزام ہے کہ اس نے ایک لڑکی کو لالچ دیا اور پھر ان کے ساتھ غلط کام کرنے کی کوشش کی۔ اس کے بعد لوگوں نے اسے پکڑ کر مارا پیٹا۔
ویڈیو وائرل ہونے کے بعد پولیس نے نوٹس لیتے ہوئے اس پورے معاملے میں دونوں فریقوں کے خلاف مقدمہ درج کر لیا۔عورت کی شکایت پر نواجوان کے خلاف مقدمہ درج کیاگیاہے اور نوجوان کی شکایت پر بٹو بجرنگی اور اس کے ساتھیوں کے خلاف مقدمہ درج کیا گیا ہے ۔جنہوں نے اسے مارا تھا۔
Cow vigilante Bittu Bajrangi who already has several FIRs against him can be seen thrashing a man in front of the police. The policeman seen in the video (deployed for Bittu’s security) is calmly watching instead of stopping. @FBDPolice @DGPHaryana pic.twitter.com/Ms5pdpTZzF
— Mohammed Zubair (@zoo_bear) April 2, 2024
اس پورے واقعہ میں ایک بات تو واضح ہے کہ بٹو بجرنگی اور اس کے ساتھیوں نے نوجوان کو جس طرح زدوکوب کیا۔ جس کی وجہ سے بٹو بجرنگی اور اس کے ساتھیوں میں پولیس انتظامیہ کا کوئی خوف نظر نہیں آرہا ہے۔ کیونکہ اس دوران بٹو بجرنگی کے ساتھ ایک پولیس اہلکار بھی نظر آتا ہے، جو اس کی سیکورٹی کے لیے تعینات ہے۔
فرید آباد پولیس نے ویڈیو وائرل ہونے کے بعد بٹو بجرنگی اور اس کے ساتھیوں کے خلاف آئی پی سی کی دفعہ 323، 341، 506، 34 کے تحت مقدمہ درج کیا گیا ہے۔ پولیس ترجمان سوبے سنگھ نے اس کی تصدیق کی ہے۔
Divya Pahuja Murder :دیویاپاہوجاکی لاش ،قتل کے11دن بعدملی، قتل کیوں کیاگیا، لاش کہاں اور کیسے ملی؟
Divya Pahuja Murder:ماڈل دیویا پاہوجا قتل کیس میں دیویا پاہوجا کی لاش ہریانہ کے فتح آباد ضلع کے ٹوہانہ علاقے کی کوڈانی ہیڈ کینال میں پھنسی ہوئی ملی۔ دیویا پاہوجا کی بہن نینا پاہوجا نے دیویا کی پیٹھ پر بنے ٹیٹو سے لاش کی شناخت کی ہے۔ گروگرام پولیس کے ڈی سی پی کرائم وجے کمار نے اس کی تصدیق کی ہے۔ پولیس لاش کا ڈی این اے ٹیسٹ کروا سکتی ہے۔
یاد رہے کہ این ڈی آر ایف کی 25 رکنی ٹیم دیویا کی لاش کی تلاش کے لیے پٹیالہ پہنچی تھی۔ این ڈی آر ایف کی ٹیم گروگرام اور پنجاب پولیس کے ساتھ مل کر پٹیالہ سے کھنوری سرحد تک نہر میں لاش کی تلاش کر رہی تھی، لیکن دیویا پاہوجا کی لاش ہریانہ کے فتح آباد ضلع کے ٹوہانہ کے کوڈانی ہیڈ سے ملی۔پولیس نے لاش کو نہر سے نکالنے کے بعد دیویا کے گھر والوں کو اس کی تصاویر بھیج دیں۔ تصویر دیکھ کر دیویا کی بہن نے لاش کی شناخت کی۔ اس سے پہلے، اہم ملزم ابھیجیت کے ساتھی بلراج گل کو جمعرات کو مغربی بنگال ہوائی اڈے سے گرفتار کیا گیا تھا۔ بلراج گل ملک چھوڑ کر بنکاک جانے کا منصوبہ بنا رہاتھا۔دیویا پاہوجا گینگسٹر سندیپ گڈولی کی گرل فرینڈ تھی اور 2 جنوری کو اس کا قتل کر دیا گیا تھا۔ پولیس نے اس معاملے میں بلراج گل کو گرفتار کیا تھا۔ اس کی پوچھ تاچھ کی بنیاد پر گروگرام پولیس نے دیویا کی لاش نہر سے برآمد کی۔
پولیس پچھلے 11 دنوں سے گینگسٹر سندیپ گڈولی کی گرل فرینڈ دیویا کی لاش، تلاش کرنے میں مصروف تھی۔ گروگرام پولیس نے وہ کار برآمد کی تھی جو مبینہ طور پر ماڈل دیویا پاہوجا کی لاش کو ٹھکانے لگانے کے لیے استعمال کی گئی تھی۔ ماڈل دیویا کو گروگرام کے ایک ہوٹل کے کمرے میں گولی مار کر قتل کر دیا گیا تھا ۔ بلراج نے پولیس کو بتایا تھا کہ اسی نے دیویا کی لاش کو ٹھکانے لگایا تھا اور اسے ٹوہانہ نہر میں پھینک دیا تھا۔
پانچ لوگ دیویا کو ایک ہوٹل میں لے گئے تھے۔پولیس کے مطابق، گینگسٹر سندیپ گڈولی کی گرل فرینڈ دیویا (27 سال) کو منگل کو پانچ لوگ ہوٹل کے ایک کمرے میں لے گئے۔ پولیس کے مطابق، دیویا کو مبینہ طور پر سر میں گولی ماری گئی تھی کیونکہ وہ ہوٹل کے مالک کو ‘فحش تصویروں’ کے لیے بلیک میل کر کے پیسے بٹور رہی تھی۔ پولیس نے بتایا کہ سی سی ٹی وی فوٹیج میں ہوٹل کے مالک ابھیجیت سنگھ (56) سمیت مشتبہ افراد اس کی لاش کو مبینہ طور پر سفید چادر میں لپٹی ہوئی ہوٹل سٹی پوائنٹ کی لابی سے نیلے رنگ کی BMW کار میں گھسیٹتے ہوئے نظر آ رہے ہیں۔
پولیس نے بتایا کہ فوٹیج میں ملزم دیویا کی لاش کو ٹرنک میں رکھتے ہوئے اور کار میں ہوٹل سے بھاگتے ہوئے دیکھا جا سکتا ہے۔ ایک سینئر پولیس افسر نے بتایا کہ ابھیجیت نے ہوٹل سے تقریباً ایک کلومیٹر دور بلراج گل عرف ہیمراج (28) کو کار سونپی تھی۔ گروگرام پولیس نے بتایا کہ بی ایم ڈبلیو کار پنجاب کے پٹیالہ کے ایک بس اسٹینڈ پر لاوارث پائی گئی تھی۔
1جنوری کو دیویا پاہوجا ،قاتل ابھیجیت سنگھ کے ساتھ سیر کے لیے گئی تھی اور پھر 2 جنوری کو ابھیجیت اور ایک اور شخص کے ساتھ صبح 4:15 بجے گروگرام کے سٹی پوائنٹ ہوٹل پہنچی۔ 2 جنوری کی رات کو، ابھیجیت سنگھ نے اپنے دیگر ساتھیوں کے ساتھ مل کر دیویا کا قتل کیا اور پھر اس کی لاش کو اپنی کار میں ٹھکانے لگانے کے لیے اپنے دو دیگر ساتھیوں کو 10 لاکھ روپے دیے۔ ابھیجیت کے دونوں ساتھی لاش لے کر بھاگ گئے۔ تاہم پولیس نے ابھیجیت اور دیگر دو افراد کو حراست میں لے کر معاملے کی تحقیقات شروع کر دی ہے۔ دیویا پاہوجا کا نام پہلی بار گروگرام کے گینگسٹر سندیپ گڈولی کے انکاؤنٹر میں سامنے آیا تھا۔