نئی دہلی : ہندوستان سے پاکستان جاکر اسلام قبول کرنے والی انجو ایک بار پھر خبروں میں آگئی ہے۔ اس نے پولیس تفتیش کے دوران انکشاف کیا کہ وہ عیسائی مذہب پر یقین رکھتی ہے۔ جب سے انجو ہندوستان واپس آئی ہے، وہ خبروں کی سرخیوں میں ہیں۔ اس نے پولیس کو بتایا کہ ‘وہ ہندو مذہب کے بارے میں کچھ زیادہ نہیں جانتی ۔’ اس نے پولیس کو بتایا کہ اروند (اس کا شوہر) اسے بہت مارتا تھا، اس لئے وہ اپنی مرضی سے پاکستان چلی گئی تھی۔

پاکستان سے واپس آنے کے بعد انجو کو پولیس کی پوچھ گچھ سے گزرنا پڑا۔ اس دوران اس نے کئی چونکا دینے والے انکشافات کئے۔ وہ اس سال جولائی میں پاکستان چلی گئی تھی۔ وہ اپنے شوہر اروند سے یہ کہہ کر گئی تھی کہ میں گھومنے جا رہی ہوں، دو چار دن میں واپس آ جاؤں گی، لیکن ویزے کی تفصیلات معلوم کرنے پر پتہ چلا کہ وہ 90 دنوں کے ویزہ پر پاکستان گئی تھی۔ انجو نے وہاں اپنے فیس بک دوست نصر اللہ سے شادی کرلی تھی۔ پاکستان میں انجو نے اسلام قبول کرکے فاطمہ بن گئی تھی۔

پولیس تفتیش کے دوران انجو نے انکشاف کیا کہ وہ عیسائی مذہب میں یقین رکھتی ہے۔ انجو جیسے ہی ہندوستان پہنچی، بھیواڑی پولیس پوچھ گچھ کے لئے سونی پت پہنچ گئی تھی۔ ایس پی یوگیش دادھیچ نے بتایا کہ انجو عیسائی مذہب میں یقین رکھتی ہے اور ہندو رسم و رواج کے بارے میں زیادہ نہیں جانتی ہے۔ انجو نے کہا کہ اس کی بیٹی اس کو بہتر سمجھتی ہے۔

یہ بھی پڑھئے:    اترپردیش:80مدارس میں 100کروڑروپے کی فنڈنگ کامعاملہ، ایس آئی ٹی کررہی ہے تحقیقات

یہ بھی پڑھئے:    تلنگانہ کے دوسرے وزیراعلیٰ کے حیثیت سے اے ریونت ریڈی کی آج حلف برداری

پاکستان سے واپسی کے بعد انجو اپنی بیٹی سے ملنے سونی پت پہنچی تھی۔ وہیں اروند نے انجو سے کافی دیر تک فون پر باتیں کی۔ اس کے بعد اروند نے انجو اور نصراللہ کے خلاف درج مقدمہ واپس لے لیا ہے۔ دراصل اروند نے انجو اور نصراللہ کے خلاف مقدمہ درج کرایا تھا۔ بچوں کے بارے میں اروند نے کہا کہ ‘بچے جیسا چاہیں گے، ویسا ہی ہوگا۔’

چندی گڑھ : 5 ماہ تک پاکستان میں رہنے کے بعد انجو اب ہندوستان واپس آگئی ہیں۔ اس کا پاکستانی شوہر نصراللہ انجو کو واگہہ بارڈر پر ڈراپ کرنے کیلئے آیا تھا۔ یہاں اس نے بتایا کہ انجو اپنے بچوں سے ملنے کیلئے ہندوستان گئی ہے اور وہ جلد ہی پاکستان واپس آجائے گی۔ فی الحال اس کے پاس پاکستانی ویزا ہے۔

بتادیں کہ گزشتہ 24 جولائی کو انجو باقاعدہ طور پر ویزا لے کر پاکستان گئی تھی اور 25 جولائی کو اس نے نصر اللہ سے شادی کرکے اپنا نام فاطمہ رکھ لیا تھا۔ ان دنوں انجو میڈیا کی سرخیوں میں تھیں اور ان کی شادی کے ویڈیوز بھی کافی وائرل ہوئے تھے۔

نصراللہ کا کہنا ہے کہ انجو سے اس کی دوستی سوشل میڈیا کے ذریعے ہوئی تھی۔ دونوں کے درمیان 4 سالوں سے افیئر چل رہا تھا۔ اس دوران ہم ہر روز ایک دوسرے سے بات کرتے تھے۔ نصراللہ نے دعویٰ کیا تھا کہ انجو نے پہلے شادی کی پیشکش کی تھی۔ اس کے بعد 21 جولائی کو انجو ویزا لے کر ان سے ملنے پاکستان آ گئی۔ انجو پہلے اسلام آباد اور پھر واگہہ بارڈر کے راستے دیر پہنچی تھی۔

نیوز18 اردو اب وہاٹس ایپ پر بھی، جوائن کرنے کیلئے یہاں کلک کریں۔

راجستھان میں انجو کے ہندوستان شوہر اروند اور ان کے بچے اس سے ناراض ہیں جب کہ خاندان کے دیگر افراد کا کہنا ہے کہ انجو کی دوسری شادی غلط تھی۔ کہا جاتا ہے کہ انجو پہلے نئی دہلی جائے گی۔ انجو نے پہلے بھی محبت کی شادی کی تھی اور اس کے بچے فی الحال اپنے والد اروند کے ساتھ رہ رہے ہیں۔

یہ بھی پڑھئے: چین میں آئی نئی ​​بیماری نے ہندوستان کو دی ٹینشن؟ الرٹ پر 6 ریاست، لوگوں کو دی گئی یہ صلاح

یہ بھی پڑھئے: ہم ذاتی معاملوں سے نہیں نمٹ سکتے… سپریم کورٹ نے نفرت انگیز تقاریر کے معاملے کی سماعت کے دوران یہ کیوں کہا؟

اروند نے پہلے ہی کہہ دیا تھا کہ وہ انجو کو کسی بھی حالت میں بچوں سے نہیں ملنے دیں گے۔ انہوں نے کہا تھا کہ انہوں نے اس سلسلہ میں مقامی پولیس کو بھی آگاہ کر دیا ہے۔ اس لئے ایسا مانا جا رہا ہے کہ اگر انجو اپنے بچوں سے ملنے کی کوشش کرتی ہے تو تنازع بڑھ سکتا ہے۔