نئی دہلی: آئی سی سی ون ڈے ورلڈ کپ کے فائنل میں شکست کے بعد ہندوستانی ٹیم آسٹریلیا کے خلاف ٹی ٹوئنٹی سیریز کھیلنے اترے گی۔ اس کے لیے بی سی سی آئی نے ٹیم کا اعلان کر دیا ہے۔ ہندوستانی ٹیم کی کپتانی سوریہ کمار یادو کو سونپی گئی ہے۔ رنکو سنگھ کی ٹیم میں واپسی ہوئی ہے جبکہ اکشر پٹیل کو بھی جگہ دی گئی ہے۔ 5 میچوں کی یہ سیریز 23 نومبر سے 5 دسمبر کے درمیان کھیلی جائے گی۔
ہندوستانی کرکٹ ٹیم آئی سی سی ون ڈے ورلڈ کپ کے فائنل میں شکست کو بھول کر آسٹریلیا کے خلاف نئی شروعات کرنے جا رہی ہے۔ سلیکٹرز نے پیر 20 نومبر کو آئندہ سیریز کے لیے 15 رکنی اسکواڈ کا اعلان کیا۔ ورلڈ کپ کھیلنے والے سوریہ کمار یادیو کو کپتانی کی ذمہ داری سونپی گئی ہے۔ اس کے علاوہ ایشان کشن اور پرسدھ کرشنا واحد کھلاڑی ہیں جو ورلڈ کپ ٹیم کا حصہ تھے۔
‘حکومت بنتے ہی 4 فیصد مسلم ریزرویشن ختم کر دیں گے’، تلنگانہ میں وزیر داخلہ امت شاہ کا اعلان
سپرہٹ فلم سے کیا ڈیبیو، بیک ٹو بیک 5 فلموں نے خوب چھاپے نوٹ، 4 سال سے 1 ہٹ کو ترس رہا اداکار
کل ہمارا دن نہیں تھا… شکست کے بعد پہلی بار محمد شامی نے کیا جذباتی سوشل پوسٹ، جانئے کیا کہا…
رولز رائس لگژری کار سے مہنگا گھوڑا: قیمت 7 کروڑ روپے، قد 64 انچ اور وزن 350 کلو، پڑھیں خاصیت
ہندوستان-آسٹریلیا ٹی 20 سیریز کا شیڈول
ہندوستانی ٹیم جمعرات 23 نومبر سے آسٹریلیا کے خلاف 5 میچوں کی ٹی 20 سیریز کھیلے گی۔ سیریز کا آخری میچ 3 دسمبر کو کھیلا جانا ہے۔ پہلا میچ وشاکھاپٹنم میں کھیلا جانا ہے جبکہ دوسرا میچ 26 نومبر کو تریویندرم میں کھیلا جائے گا۔ تیسرا ٹی ٹوئنٹی میچ 28 نومبر کو گوہاٹی میں کھیلا جائے گا جبکہ چوتھا میچ یکم دسمبر کو رائے پور میں کھیلا جائے گا۔ سیریز کا پانچواں اور آخری ٹی ٹوئنٹی میچ 3 دسمبر کو بنگلور میں کھیلا جانا ہے۔
🚨 NEWS 🚨#TeamIndia’s squad for @IDFCFIRSTBank T20I series against Australia announced.
Details 🔽 #INDvAUShttps://t.co/2gHMGJvBby
— BCCI (@BCCI) November 20, 2023
آسٹریلیا کے خلاف ہندوستان کی ٹی-20 ٹیم
سوریہ کمار یادو (کپتان)، رتوراج گائیکواڑ (نائب کپتان)، ایشان کشن، یشسوی جیسوال، تلک ورما، رنکو سنگھ، جیتیش شرما (وکٹ کیپر)، واشنگٹن سندر، اکسر پٹیل، شیوم دوبے، روی بشنوئی، ارشدیپ سنگھ، پرسدھ کرشنا، اویش خان، مکیش کمار