مغربی بنگال کی وزیر اعلیٰ ممتا بنرجی ایک بار پھر زخمی ہوگئی ہیں۔ فائل فوٹو ۔
وطن نامہ

مغربی بنگال کی وزیراعلی ممتا بنرجی پھر زخمی، ہیلی کاپٹر میں چڑھتے وقت لڑکھڑا کر گر گئیں

کولکتہ: مغربی بنگال کی وزیر اعلیٰ ممتا بنرجی ایک بار پھر زخمی ہوگئی ہیں۔ ممتا بنرجی کو یہ چوٹ درگاپور میں ہیلی کاپٹر میں سوار ہونے کے دوران لگی۔ وہ ہیلی کاپٹر سے درگاپور سے آسنسول جا رہی تھیں۔ موصولہ اطلاعات کے مطابق بعد میں انہیں وہاں تعینات سیکورٹی اہلکاروں نے اٹھایا۔ تاہم انہیں زیادہ چوٹ نہیں آئی اور اور وہ آسنسول روانہ کیلئے روانہ ہوگئیں۔

بتا دیں کہ وہ آسنسول ٹی ایم سی امیدوار شتروگھن سنہا کی حمایت میں ایک ریلی سے خطاب کرنے جا رہی تھیں۔ جب ممتا بنرجی ہیلی کاپٹر کے اندر جا رہی تھیں تو وہ اپنا توازن کھو بیٹھیں اور لڑکھڑا کر گر گئیں۔ ان کے پاوں میں معمولی چوٹ آئی ہے۔


اس وقت یہ واقعہ پیش آیا تو ان کے سیکورٹی اہلکاروں نے فوری طور پر ان کی مدد کی۔ بنگال کی وزیر اعلیٰ ممتا بنرجی کچھ دیر بعد درگاپور سے آسنسول کے لیے روانہ ہو گئیں۔

ٹی ایم سی ذرائع نے بتایا کہ ان کی چوٹ زیادہ سنگین نہیں ہے اور وہ آسنسول میں پارٹی کی انتخابی ریلی میں شرکت کریں گی۔ بتادیں کہ وہ پہلے بھی کئی بار زخمی ہو چکی ہیں۔