اس شادی سے پہلے دونوں کو کافی عرصہ انتظار کرنا پڑا۔ کیونکہ جویریہ پاکستانی شہری ہے اور اسے ہندوستان آنے کا ویزا نہیں مل رہا تھا۔ ویزا کے حصول کی کوششیں تقریباً ساڑھے 5 سال قبل شروع کی گئی تھیں۔ دراصل سمیر خان جرمنی میں تعلیم حاصل کررہے تھے اور ہندوستان آنے کے بعد انہوں نے اپنی والدہ کے موبائل میں جویریہ کی تصویر دیکھی۔ کیونکہ سمیر خان کے خاندان کے بہت سے رشتہ دار پاکستان میں رہتے ہیں۔جویریہ کی تصویر دیکھنے کے بعد سمیر نے فیصلہ کیا کہ وہ اسی سے شادی کرے گا۔ لیکن بعد میں ہندوستان اور پاکستان میں لاک ڈاؤن کی وجہ سے ویزا سروس بند کردی گئی، لیکن سمیر نے اپنی کوششیں جاری رکھی اور آخر کار جویریہ کو ہندوستان آنے کے لئے 45 دن کا ویزا مل گیا۔جویریہ کے چہرے پر خوشی صاف نظر آرہی تھی کہ وہ ہندوستان آکر اور ہندوستان کے کولکتہ کے ایک خاندان کی بہو بننے پر کتنی خوش ہیں۔ جویریہ نے ہندوستان پہنچتے ہی کہا کہ پاکستان میں بھی خوشی کا ماحول ہے۔ مجھے یقین نہیں آرہا کہ میں آخر کار ہندوستانی سرزمین پر پہنچ چکی ہوں۔ جبکہ سمیر کے والد کا کہنا تھا کہ حالانکہ دولہا ان کا بیٹا ہے۔ لیکن جویریہ بھی میری بیٹی ہے۔دونوں جنوری کے پہلے ہفتے میں شادی کرنے جا رہے ہیں۔ تاہم اس سے پہلے سمیر کی جانب سے جویریہ کے لیے طویل مدتی ویزا کی درخواست بھی کی جائے گی۔ تاکہ جویریہ جو وہاں موجود ہیں وہ ہندوستان میں ہی رہ سکیں۔ سمیر کا یہ بھی کہنا ہے کہ اگرچہ وہ جرمنی سے تعلیم یافتہ ہیں۔ لیکن شادی کے بعد وہ جویریہ کے ساتھ ہندوستان میں ہی رہیں گے۔آج، جیسے ہی جویریہ پاکستان-ہندوستان سرحد عبور کر کے اٹاری پہنچی، پورے خاندان نے ڈھول بجا کر اور بھنگڑا ڈال کر ان کا استقبال کیا۔ اب یہ خاندان امرتسر انٹرنیشنل ایئرپورٹ سے کولکاتہ پہنچے گا۔
