نئی دہلی : رام نومی کے دن مشرقی دہلی کے شکر پور علاقے میں اس وقت سنسنی پھیل گئی جب گھر 97 اے سے لوگوں کی چیخیں سنائی پڑیں۔ جب پڑوس میں رہنے والے لوگ چیخ و پکار سن کر گھر پہنچے تو جیسے ہی انہیں پورے واقعہ کا علم ہوا سب حیران رہ گئے۔ بتایا جا رہا ہے کہ ان کا پوتا گھر کے کمرے میں تھا اور بیٹا غائب تھا، یہی نہیں کمرے میں بہو اور بہو کے بھائی کی لاشیں پڑی تھیں۔

بتایا جا رہا ہے کہ ایک آئی ٹی کمپنی میں کام کرنے والے شریے نے اپنی ہی 29 سالہ بیوی اور 18 سال کے سالے کا چاقو مار کر قتل کر دیا۔ کیونکہ وہ اس واقعے کے بعد گھر سے غائب ہے۔ پولیس کا کہنا ہے کہ جرم کرنے کے بعد ملزم شوہر موقع سے فرار ہوگیا۔ تاہم یہ قتل کیوں ہوا اور اس کے پیچھے کیا وجہ ہے یہ ابھی تک واضح نہیں ہوسکا ہے۔

پولیس کو بدھ کی صبح اس واقعہ کا علم اس وقت ہوا جب پہلی منزل پر رہنے والے شریے کے والد اپنے بیٹے کو جگانے گئے۔ جب وہ اوپر گئے تو دیکھا کہ دروازہ کھلا ہے۔ جیسے ہی انہوں نے کمرے کا دروازہ کھولا تو دیکھا کہ ان کا دو سال کا پوتا (شریے کا بیٹا) بستر پر پڑا ہے، جب کہ کمرے میں ہی شریے کی بیوی اور شریے کے سالے کی لاشیں پڑی تھیں۔ کمرے میں یہ منظر دیکھ کر وہ چیخ پڑے۔ چیخ کی آواز سن کر محلے کے لوگ فوراً ان کے گھر پہنچ گئے۔

اس کے بعد معاملے کی اطلاع پولیس کو دی گئی۔ پولیس کے مطابق انہوں نے قتل کا مقدمہ درج کر لیا ہے اور ملزم شریے کی تلاش کی جارہی ہے۔ بتایا جا رہا ہے کہ شریے کے دو سال کے بیٹے کی سالگرہ دو دن بعد یعنی 19 تاریخ کو ہے جس میں شرکت کے لیے شریے کی بیوی کا بھائی آیا ہوا تھا۔ بتایا جا رہا ہے کہ یہ پورا گھر تین منزلہ ہے۔

اس معاملے میں پولیس کا کہنا ہے کہ اہل خانہ کے بیانات میں کئی تضادات ہیں اور شبہ ہے کہ کرائم سین کے ساتھ بھی چھیڑ چھاڑ کی گئی ہو گی۔ خاندان کے سبھی افراد کے کردار کی جانچ کی جا رہی ہے۔