جے ڈی ایس نے سابق وزیر اعظم ایچ ڈی دیوے گوڑا کے پوتے پراجول ریونا کے خلاف خواتین کے قابل اعتراض ویڈیو بنانے اور ان پر زبردستی کرنے کے الزام میں کارروائی کی ہے۔ ایچ ڈی دیوے گوڑا کی جے ڈی ایس نے پراجول ریونا کو معطل کرنے کا نوٹس جاری کیا ہے۔ یہ فیصلہ پارٹی کی کور کمیٹی کے اجلاس کے بعد کیا گیا ہے۔ کرناٹک کے سابق وزیر اعلیٰ اور جے ڈی ایس لیڈر ایچ ڈی کمارسوامی نے منگل (30 اپریل 2024) کو کہا کہ ہم پرجول ریوانہ کے خلاف کارروائی کریں گے۔ ہم اس سلسلے میں ریوانا کی حمایت نہیں کریں گے۔ یہ ایک شرمناک معاملہ ہے۔
ایچ ڈی ریوانا ،ہاسن سے موجودہ رکن پارلیمنٹ ہیں۔ 33 سالہ پراجول ہاسن لوک سبھا حلقہ سے نیشنل ڈیموکریٹک الائنس (این ڈی اے) کے امیدوار ہیں، جہاں 26 اپریل کو ووٹنگ ہوئی تھی۔ پرجول ریوانا کی گھریلو ملازمہ کی شکایت کی بنیاد پر ضلع کے ہولینارسی پور پولیس اسٹیشن میں مقدمہ درج کیا گیا ہے۔یاد رہے کہ اس معاملہ میں کرناٹک کی کانگریس حکومت نے ایس آئی ٹی تشکیل دی ہے اور اب ایس آئی ٹی اس معاملہ کی جانچ کررہی ہے۔
#BreakingNews | #PrajwalRevanna should have been expelled: #Karnataka #Congress @reethu_journo shares details with @JamwalNews18
Listen in to more political reactions coming in#BJP #JDS pic.twitter.com/GquUTDo0DH
— News18 (@CNNnews18) April 30, 2024
شکایت کنندہ نے کہا کہ وہ پرجول ریونا کی بیوی بھوانی کی رشتہ دار ہے۔ متاثرہ نے الزام لگایا کہ کام شروع کرنے کے چار ماہ بعد پراجول ریونا نے اسے جنسی طور پر ہراساں کرنا شروع کر دیا جبکہ پراجول اس کی بیٹی کو ویڈیو کال کرتا تھا اور ‘فحش باتیں’ کرتا تھا۔ شکایت کنندہ نے یہ بھی الزام لگایا کہ اس کی اور اس کے خاندان کے دیگر افراد کی جان کو خطرہ ہے۔
دریں اثنا، خواتین کے قومی کمیشن (این سی ڈبلیو) نے کرناٹک پولیس سے لوک سبھا کے رکن پراجول ریوانہ کے جنسی ہراسانی کے الزامات پر تین دن کے اندر رپورٹ طلب کی ہے۔ اس معاملے سے متعلق کئی ویڈیوز سوشل میڈیا پر منظر عام پر آنے کے بعد کمیشن نے کرناٹک کے پولیس ڈائریکٹر جنرل کو خط لکھا۔ ویڈیو میں مبینہ طور پر ریوانا کو متعدد خواتین کے خلاف جنسی استحصال کی کارروائیوں میں ملوث دکھایا گیا ہے۔ کمیشن نے ملزمین کی گرفتاری کے لیے فوری اور فیصلہ کن اقدامات کرنے پر زور دیا ہے۔ بتایا جا رہا ہے کہ پرجول ملک سے فرار ہو چکے ہیں۔