نئی دہلی: کانگریس کی اگلی بھارت جوڑو نیائے یاترا سے پہلے پارٹی صدر ملکارجن کھڑگے نے ایک بڑی اپیل کی ہے۔ کانگریس صدر ملکارجن کھڑگے نے ہفتہ کو پریس کانفرنس میں میڈیا سے تعاون کی اپیل کی اور کہا کہ آپ ہمارا ساتھ دیں ورنہ ہم ختم ہو جائیں گے۔ آپ ہمارے آکسیجن ہیں۔ بھارت جوڑو نیائے یاترا کے بارے میں معلومات دیتے ہوئے کانگریس کے سربراہ نے کہا کہ 14 جنوری سے شروع ہونے والی یہ بھارت جوڑو نیائے یاترا منی پور سے شروع ہو کر 15 ریاستوں سے گزرے گی۔ اس دوران کھڑگے نے بھارت جوڑو نیائے یاترا کا لوگو اور نعرہ جاری کیا۔
ملکارجن کھڑگے نے کہا کہ انڈیا الائنس کے تمام اتحادیوں کو بھی شامل ہونے کی دعوت دی گئی ہے، جہاں بھی ممکن ہوسکے گا وہ شامل ہوں گے۔ بتادیں کہ کانگریس کے سینئر لیڈر راہل گاندھی اس یاترا کی قیادت کریں گے۔ اس سفر کا نام ’’بھارت جوڑو نیائے یاترا‘‘ ہے، جو ملک کی کل 15 ریاستوں سے گزرے گی۔ اس دوران راہل گاندھی اور کانگریس کی ٹیم 6700 کلومیٹر پیدل سفر کرے گی۔ بتایا گیا کہ سب سے طویل سفر اتر پردیش میں ہوگا، جہاں راہل 1074 کلومیٹر کا سفر کریں گے۔ اس دوران وہ 11 دنوں میں ریاست کے 20 اضلاع کا احاطہ کریں گے۔
کانگریس کی بھارت جوڑو نیائے یاترا 14 جنوری کو دوپہر 12:30 بجے امپھال، منی پور سے شروع ہوگی۔ منی پور کے بعد یہ ناگالینڈ، پھر آسام، اروناچل پردیش اور واپس آسام کے راستے میگھالیہ میں داخل ہوگی۔ بھارت جوڑو نیائے یاترا پھر بنگال ، بہار، جھارکھنڈ، اڈیشہ اور اتر پردیش، گجرات اور مہاراشٹر جائے گی۔ اس یاترا کے لیے کانگریس پارٹی نے INDI اتحاد کی سبھی جماعتوں کو بھی مدعو کیا ہے۔
یہ بھی پڑھئے: اس سے بچئے، آگے سے ایسا نہ ہو … جب وزیر اعظم مودی نے بی جے پی ممبران اسمبلی کو دی ہدایت
یہ بھی پڑھئے: نیوی کےمارکوس کمانڈوزکاکارنامہ، ہائی جیک جہازپرمارا چھاپہ، تمام21ارکان کوکروایاآزاد
کہاں ۔ کتنے دن کی یاترا
بنگال میں 5 دن اور 7 اضلاع۔
بہار میں 4 دن اور 7 اضلاع۔
جھارکھنڈ میں 8 دن اور 13 اضلاع۔
چھتیس گڑھ میں 536 کلومیٹر، 5 دن اور 7 اضلاع۔
اتر پردیش میں 1074 کلومیٹر، 11 دن اور 20 اضلاع ۔
راجستھان میں 128 کلومیٹر، 1 دن اور 2 اضلاع۔
