چورو : چورو ضلع میں ایک عجیب و غریب محبت کی کہانی سامنے آئی ہے۔ یہاں پانچ بچوں کے باپ کو 26 سالہ لڑکی سے پیار ہو گیا۔ اس شخص نے اپنی گرل فرینڈ اور بیوی کو ایک دوسرے سے بات کرنے کے لئے ملایا۔ بیوی نے بھی اس پر کوئی اعتراض نہیں کیا۔ اس نے کہا کہ کوئی بات نہیں ہم ساتھ رہ لیں گے۔ لیکن اس پوری کہانی میں گرل فرینڈ کا بھائی ویلن بن گیا۔ اس نے عاشق شخص اور اپنی بہن کو گولی مارنے کی دھمکی دی ہے۔ اس پر بوائے فرینڈ اور گرل فرینڈ نے پولیس سے رابطہ کرکے تحفظ کی درخواست کی ہے۔معلومات کے مطابق یہ عجیب و غریب محبت کی کہانی چورو ضلع کے تارا نگر علاقے سے متعلق ہے ۔ تحصیل تارا نگر کے گاؤں مداواس کی بی ایڈ کی طالبہ لکشمی نے 5 بچوں کے باپ ٹرک ڈرائیور کا ہاتھ تھام لیا ہے۔ یہ 26 سالہ لڑکی ایک ٹرک ڈرائیور کے ساتھ لیو ان ریلیشن شپ میں رہ رہی ہے۔ علامتی تصویر۔حیران کن بات یہ ہے کہ اس ٹرک ڈرائیور کی بیوی بھی اس کے ساتھ ہی رہے گی۔ سب کچھ سب کی رضامندی سے ہوا ہے۔ لیکن گرل فرینڈ کے بھائیوں کو یہ رشتہ پسند نہیں آیا۔ اس نے عاشق ٹرک ڈرائیور اور لڑکی کو گولی مارنے کی دھمکی دی ہے۔ اس کے بعد دونوں حال ہی میں سیکورٹی کا مطالبہ کرتے ہوئے ایس پی آفس پہنچے۔ علامتی تصویر۔تارا نگر پولیس بھی سپرنٹنڈنٹ آف پولیس کے دفتر پہنچی اور لڑکی کا بیان ریکارڈ کیا۔ لکشمی نے بتایا کہ وہ تارا نگر کے وارڈ نمبر 7 کے رہنے والے نریندر سنگھ کے ساتھ اپنی مرضی سے لیو ان ریلیشن شپ میں رہ رہی ہے۔ اس نے بتایا کہ نریندر ایک ٹرک ڈرائیور ہے اور شادی شدہ بھی ہے۔ وہ خود تارا نگر میں بی ایڈ کر رہی ہے۔ علامتی تصویر۔وہیں نریندر نے بتایا کہ اس کی شادی 2007 میں ہوئی تھی۔ وہ 4 بیٹیوں اور ایک بیٹے کا باپ ہے۔ اس کی بیوی چھوٹی چھوٹی باتوں پر اس سے جھگڑا کرتی ہے اور وہ کافی چڑچڑی طبیعت کی ہے۔ علامتی تصویر۔نریندر نے بتایا کہ وہ لکشمی کے بھائی سے شناسائی تھی ۔ تقریباً 5 سال پہلے وہ لکشمی کے گاؤں ایک شادی میں گیا تھا۔ وہاں اس کی لکشمی سے ملاقات ہوگئی۔ اس کے بعد دونوں موبائل پر بات کرنے لگے۔ وہ لکشمی کو پسند کرنے لگا۔ علامتی تصویر۔نریندر نے بتایا کہ اس نے اپنی بیوی کو اس بارے میں بتایا اور اسے موبائل پر لکشمی سے بات کرنے کے لیے بھی کہا۔ اس کی بیوی کو اس پر کوئی اعتراض نہیں ہے۔ اب وہ اپنی بیوی اور بچوں کے ساتھ ساتھ اپنی گرل فرینڈ لکشمی کو بھی اپنے ساتھ ہی رکھے گا ۔ علامتی تصویر۔لکشمی نے بتایا کہ 23 فروری کو دونوں اپنا گھر چھوڑ کر جے پور آگئے۔ ان دونوں نے جے پور میں کافی سیر کی۔ اب اس کے بھائی نے پہلے فیس بک کے ذریعے دونوں کو گولی مارنے کی دھمکی دی۔ اس کے بعد اب دوبارہ دھمکی آمیز پیغامات بھیج رہے ہیں۔ علامتی تصویر۔ادھر اس پورے معاملہ میں تارا نگر پولیس نے بتایا کہ کنبہ نے لکشمی کی گمشدگی کی شکایت درج کرائی تھی، اس لئے ان کے بیانات لئے جا رہے ہیں۔ لکشمی کے چار بھائی ہیں۔ علامتی تصویر۔ (Credit- Canva)
