نئی دہلی : الیکشن کمیشن نے عام آدمی پارٹی (اے اے پی) کو اپنے لوک سبھا انتخابی مہم کے گانے کے مواد کو تبدیل کرنے کا حکم دیا ہے۔ الیکشن کمیشن نے کہا کہ گانے میں ایک نعرے میں اروند کیجریوال کی گرفتاری کا بار بار ذکر کرنا عدلیہ پر شکوک پیدا کرتا ہے۔ جو کہ اس کے رہنما خطوط اور ایڈورٹائزنگ کوڈ کی دفعات کی خلاف ورزی ہے۔ الیکشن کمیشن نے دہلی کی حکمران جماعت سے کہا ہے کہ وہ ضروری تبدیلیاں کرنے کے بعد انتخابی گیت کو سرٹیفیکیشن کے لیے دوبارہ جمع کرائیں۔

الیکشن کمیشن نے کہا کہ ‘ہم جیل کے جواب میں ووٹ دیں گے’ میں ایک جارحانہ بھیڑ کو اروند کیجریوال کی تصویر کے ساتھ سلاخوں کے پیچھے دکھایا گیا ہے، جو ‘عدلیہ پر شکوک و شبہات پیدا کرتا ہے’ اس کے علاوہ اس جملہ کو اشتہار میں کئی بار دکھایا گیا ہے ، کیبل ٹیلی ویژن نیٹ ورکس رولز 1994 کے تحت مقررہ ای سی آئی ہدایات اور پروگرام اور اشتہارات کوڈ کے رول 6(1(g) کی دفعات کی خلاف ورزی کرتا ہے۔ الیکشن کمیشن نے کچھ ایسے جملے درج کیے ہیں جس کو اس نے ضابطہ کی خلاف ورزی میں پایا ہے۔

قابل ذکر ہے کہ مارچ میں مرکزی تفتیشی ایجنسی ای ڈی نے دہلی شراب پالیسی معاملے میں اروند کیجریوال کو گرفتار کیا تھا۔ عام آدمی پارٹی کا دعویٰ ہے کہ انہیں جیل میں ڈالا گیا کیونکہ بی جے پی نہیں چاہتی تھی کہ وہ موجودہ لوک سبھا انتخابات میں مہم چلائیں۔ حالانکہ اس ماہ کے شروع میں دہلی ہائی کورٹ نے ان کی گرفتاری کو برقرار رکھا تھا۔

ادھر AAP لیڈر آتشی نے دعویٰ کیا کہ الیکشن کمیشن نے AAP کے انتخابی گیت پر پابندی لگا دی ہے۔ انہوں نے کہا کہ ‘یہ کارروائی بی جے پی کا ایک سیاسی اسٹنٹ ہے۔’