آل انڈیا ترنمول کانگریس نے ٹویٹ کرکے یہ جانکاری دی۔
وطن نامہ

مغربی بنگال کی وزیراعلی ممتا بنرجی سنگین طور پر زخمی، ٹی ایم سی نے شیئر کی تصویر، کہا: دعا کریں

کولکاتہ : مغربی بنگال کی وزیر اعلیٰ ممتا بنرجی شدید زخمی ہو گئی ہیں۔ بتایا جارہا ہے کہ وزیراعلی کے سر پر گہری چوٹ لگی ہے ۔ آل انڈیا ترنمول کانگریس نے ٹویٹ کرکے یہ جانکاری دی۔ انہوں نے ٹویٹ میں لکھا ہے کہ انہیں شدید چوٹیں آئی ہیں اور سب لوگ ان کے لیے دعا کریں۔

ایس ایس کے ایم اسپتال کے ایک اہلکار کے مطابق 69 سالہ ممتا بنرجی جنوبی کولکاتہ کے بالی گنج ضلع میں ایک تقریب سے لوٹنے کے فوراً بعد پھسل گئیں اور اپنے گھر کے فرنیچر سے ان کا سر ٹکرا گیا ۔ بتایا جا رہا ہے کہ ٹی ایم سی لیڈر ابھیشیک بنرجی نے انہیں علاج کے لیے ایس ایس کے ایم اسپتال میں داخل کرایا ہے۔

اسپتال میں داخل ممتا بنرجی بار بار گھر واپسی کی ضد کر رہی ہیں۔ ان کا قافلہ اسپتال میں تیار ہے۔ امکان ظاہر کیا جا رہا ہے کہ ممتا بنرجی گھر میں زخمی ہوئی ہیں، حالانکہ ابھی تک کوئی ٹھوس سرکاری اطلاع نہیں ہے۔

یہ بھی پڑھئے: کن تین ایشوز پر لوک سبھا الیکشن میں کئے جائیں گے ووٹ؟ ملک کے عوام نے بتایا

یہ بھی پڑھئے:  News18 Mega Opinion Poll: بہار میں اس بار بھی این ڈی اے کا جلوہ، 40 میں سے مل رہی اتنی سیٹیں

ممتا بنرجی کی چوٹ کی خبر ان کی ایک تصویر شیئر کرتے ہوئے ٹی ایم سی نے ایکس پر لکھا ہے کہ ہماری چیئرپرسن ممتا بنرجی کو بڑی چوٹ لگی ہے۔ برائے کرم ان کے لئے دعا کریں ۔