بنگلورو کی ان دو بہنوں کی محنت، ذوق و شوق کو سلام، تقریبا ساڑھے چار سال کی محنت کے بعد قرآن مجید کے نسخہ کو خوبصورت اور دلکش انداز میں کپڑے پر کیا پیش، جی ہاں بی بی تبسم اور سریا قریشی ان دونوں بہنوں نے اپنے ہاتھوں سے قرآن پاک کے ہر ہر حرف کی کڑھائی کی ہے، سوئی دھاگے سے قرآن مجید کی تمام آیات کپڑے پر پیش کیا ہے، کل 5 جلدوں میں قرآن شریف کے30 پارے یعنی ہر جلد میں6 پارے محفوظ کئے ہیں،
خاص طور پر چھوٹی بہن بی بی تبسم کو بچپن سے ہی کشیدہ کاری کا شوق تھا، ابتداء میں قرآن مجید کی چھوٹی چھوٹی آیتوں کی ایمبرائڈری کیا کرتی تھیں، ایک دن خیال آیا کہ کیوں نہ مکمل قرآن مجید کی ایمبرائڈری کی جائے، لہذا چار سال قبل بی بی تبسم نے اپنی بڑی بہن سریا قریشی کے ساتھ ملکر قرآنمجید کی پہلی سورۃ فاتحہ سے آغاز کیا اور آخری سورۃ الناس تک مکمل کیا۔
قرآن مجید کا یہ نسخہ کل 604 صفحات پر مشتمل ہے۔ کاٹن کے کپڑے اور اینکر کمپنی کے دھاگے کا استعمال کرتے ہوئے اس کام کو انجام دیا ہے، ویلویٹ کپڑے میں۵ جلدوں کی انہوں نے خود بائنڈنگ کی ہے، بی بی تبسم پہلے پینسل سے قرآن تحریر کرتیں پھر دونوں بہنیں ملکر اپنے گھر کے کام کاج مکمل ہوتے ہی قرآن مجید کے نسخہ کی کڑھائی کے کام میں لگ جاتیں، اسطرح ان دونوں بہنوں نے کپڑے پر قرآن مجید کا نسخہ تیار کیا ہے، جو آسانی کے ساتھ پڑھا جاسکتا ہے، اور جاذب النظر ہے، اہم بات یہ ہے کہ عالم دین کی رہنمائی میں قرآن مجید کا یہ نسخہ تیار کیا گیا ہے۔ ان دونوں بہنوں کی آرزو ہے کہ وہ اپنے اس فن کو مدینہ کی لائبریری کی زینت بنائیں، اس لئے انہوں نے سعودی حکومت سے رابطہ بھی کیا ہے۔
View this post on Instagram
نیوز18اردو سے بات کرتے ہوئے بی بی تبسم نے کہا کہ پہلے وہ کپڑوں اور کی چھوٹی چھوٹی آیتوں کی ایمبرائڈری کرتے ہوئے انہیں قرآن پاک کو ایمبرائڈری کے ذریعہ کپڑے پر تحریر کرنے کا خیال کیاہے۔ تبسم کا کہناہے کہ اس ابتدائی خیال کے بعد انکی بہن سریا قریشی نے ان کی ہمت افزائی کی ہے۔ تبسم کا کہناہے کہ وہ اس قرآن مجید کو مدینہ منورہ کی لابئریری میں رکھنا کی تمنا رکھتی ہے۔اس سلسلہ میں سعودی عرب حکومت سے رابطہ کیاگیاہے۔
اس موقع پر نیوز 18اردوسے بات کرتے ہوئے سریا قریشی نے کہا کہ تبسم کی جانب سے جب کپڑےک پر ایمبرائڈری کے ذریعہ قرآن مجید لکھنے کی تجویز پیش کی گئی تو انہیں یہ آئیڈیا کافی پسند آیاہے۔ سریا قریشی کا کہناہے کہ اس لئے انہوں نے بھی اس نیک کام میں تبسم کی مدد کرنے بیڑہ اٹھایا۔
ان دونوں بہنوں کے اس کارنامے کی ہر جانب سے ستائش کی جارہی ہے، اہل خانہ، دوست و احباب سب خوشی و فخر محسوس کررہے ہیں۔بی بی تبسم کی دوست تسمیہ کا کہناہے کہ ایمبرائڈری کے ذریعہ کپڑے پر قرآن مجید کا نسخہ تیار کرکے تبسم نے بہت ہی قابل ستائش کام کیاہے۔بی بی تبسم کی ایک اور بہن سمیہ کا کہناہے کہ تبسم اور سریا قریشی نے اپنے اس کارنامہ سے ناصرف ایک خاندان بلکہ پورے بنگلورو اور کرناٹک کا نام روشن کیاہے۔
اپنے دونوں بیٹیوں کے کارنامہ سے بی بی تبسم اور سریا قریشی کے والدین بھی بے حد خوشی نظر آرہے ہیں۔بی بی تبسم کے والدہ گلناز نے نیوز18اردو سے بات چیت کرتے ہوئے کہاکہ انکے بیٹیوں کے اس کارنامہ سے وہ بہت خوش ہے انہوں نے تمام لوگوں سے ان کے دوبیٹیوں کے لیے دعائیں کرنے کی اپیل کی ہے۔بی بی تبسم اور سریا قریشی کا کہناہے کہ ابھی چند ماہ یہ قرآن مجید بنگلورو میں رہے گا۔اس کے بعد مدینہ منورہ کی لائبریری کیلئے اسے روانہ کیا جائے گا۔