اداکارہ کو 29 اپریل کو سوالات کے جوابات دینے ہوں گے
مغربی ہندوستان, وطن نامہ

‘باہوبلی’فیم اداکارہ تمنابھاٹیہ مشکل میں! مہاراشٹرسائبر سیل نے بھیجا سمن، جانئےکیاہے معاملہ؟

نئی دہلی: بالی ووڈ اداکار سنجے دت کے بعد اب ساؤتھ کی اداکارہ تمنا بھاٹیہ کا نام غیر قانونی آئی پی ایل میچ اسٹریمنگ کیس میں سامنے آگیا ہے۔ ‘باہوبلی’ فیم اداکارہ کو اس سلسلے میں مہاراشٹر سائبر برانچ نے پوچھ تاچھ کے لیے طلب کرلیاہے۔ مہاراشٹر سائبر سیل نے اداکارہ کو سمن بھیجا ہے اور انہیں 29 اپریل کو پوچھ گچھ کے لیے پیش ہونے کو کہا ہے۔ اس معاملے کے بعد تمنا بھاٹیہ مشکل میں دکھائی دے رہی ہیں۔

‘باہوبلی’ فیم اداکارہ تمنا بھاٹیہ کو 29 اپریل کو سائبر برانچ میں پوچھ گچھ کے لیے حاضر ہونا پڑے گا، جہاں انہیں سوالات کے جوابات دینے ہوں گے۔ مہاراشٹر سائبر سیل نے فیئر پلے ایپ پر آئی پی ایل 2023 کی غیر قانونی اسٹریمنگ کے سلسلے میں تمنا کو پوچھ تاچھ کے لئے حاضر ہونے کو کہاہے۔

اداکارہ کو 29 اپریل کو سوالات کے جوابات دینے ہوں گے۔ نیوز ایجنسی اے این آئی کے ایک ٹویٹ کے مطابق، ‘مہاراشٹر سائبر سیل نے اداکارہ تمنا بھاٹیہ کو فیئر پلے ایپ پر آئی پی ایل 2023 کی غیر قانونی اسٹریمنگ کے سلسلے میں پوچھ گچھ کے لیے بلایا، جس سےویاکوم 18 کو کروڑوں روپے کا نقصان ہوا۔ انہیں 29 اپریل کو مہاراشٹر سائبرسیل کے سامنے پیش ہونے کو کہا گیا ہے۔

 

سنجے دت تاریخ پر نہیں پہنچے۔اس سلسلے میں اداکار سنجے دت کو بھی 23 اپریل کو طلب کیا گیا، تاہم وہ پیش نہیں ہوئے۔ اس کے بجائے، انہوں نے اپنا بیان ریکارڈ کرنے کے لیے تاریخ اور وقت مانگا تھا اور کہا تھا کہ وہ سمن میں دی گئی تاریخ پر ہندوستان میں نہیں تھے۔

Viacom18 نے گزشتہ سال شکایت کی تھی۔ٹائمز آف انڈیا کی رپورٹ کے مطابق، ستمبر 2023 میں، Viacom18 نے شکایت کی تھی کہ ان کے پاس IPL میچوں کی نشریات کے لیے انٹلیکچوئل پراپرٹی رائٹس (IPR) ہیں۔ اس کے باوجود، بیٹنگ ایپ فیئر پلے پلیٹ فارم غیر قانونی طور پر میچوں کو اسٹریم کر رہی تھی۔ اس کی وجہ سے Viacom18 کو 100 کروڑ روپے سے زیادہ کا نقصان ہوا ہے۔

یہ ستارے ہیں ملوث

ایف آئی آر کے بعد بادشاہ، سنجے دت، جیکولین فرنینڈیز اور تمنا سمیت کئی ستاروں کو پوچھ گچھ کے لیے بلایا گیا۔ اس کیس میں دسمبر 2023 میں بیٹنگ ایپ کے ایک ملازم کو گرفتار کیا گیا تھا۔