نئی دہلی : سن رائزرس حیدرآباد کے کپتان پیٹ کمنز کی محبت کی کہانی کافی دلچسپ رہی تھی۔ انہوں نے بیکی بوسٹن سے شادی کی تھی، جو پہلے ان کی دوست ہوا کرتی تھی ۔ آسٹریلیا کی ٹیسٹ اور ون ڈے ٹیم کے کپتان پیٹ کمنز نے نیو ساؤتھ ویلز کے ساحلی شہر بیریون بے میں اپنی منگیتر بیکی بوسٹن سے شادی کی تھی۔ اس جوڑے کا ایک 2 سال کا بیٹا بھی ہے۔ جو شادی سے 9 ماہ پہلے اس دنیا میں آچکا تھا۔ اس کا نام ایلبی ہے۔

دونوں نے جون 2020 میں منگنی کی تھی۔ وہ اس سال شادی بھی کرنا چاہتے تھے لیکن کورونا وائرس کی وجہ سے انہوں نے اپنی شادی ملتوی کر دی اور بیٹے کی پیدائش کے 9 ماہ بعد ایک دوسرے سے شادی کی۔ کمنز اور بیکی کی پہلی ملاقات 2013 میں ہوئی تھی اور پہلی ہی ملاقات میں کمنز نے انہیں اپنا دل دے دیا تھا اور آہستہ آہستہ ان کی دوستی محبت میں بدل گئی۔ کمنز کو بیکی سے سچی محبت ہو گئی تھی۔

بتادیں کہ بیکی کا تعلق برطانیہ کے شہر یارک شائر سے ہے۔ کرکٹ میں برطانیہ اور آسٹریلیا کی رائیولری مشہور ہے۔ لیکن یہ چیز ان کے رشتے میں کبھی نہیں آئی ۔ بیکی اور کمنز کے درمیان نہ صرف سرحدوں کا فاصلہ ہے، بلکہ عمر کا  بھی فرق ہے۔ بیکی کمنز سے 3 سال بڑی ہیں۔ بیکی پیشے کے لحاظ سے ایک انٹیریئر ڈیزائنر ہیں۔ انہوں نے بی اے آنرز کی ڈگری حاصل کی ہے۔

خیال رہے کہ پیٹ کمنز کی کپتانی میں ہی آسٹریلیا کے خلاف ہندوستانی ٹیم کو گزشتہ سال منعقدہ ون ڈے ورلڈ کپ کے فائنل میں شکست کا منہ دیکھنا پڑا تھا۔ ہندوستان  کسی بھی میچ میں نہیں ہارا تھا۔ لیکن آسٹریلیا نے انہیں فائنل میں شکست دی تھی۔ کمنز کی کپتانی میں آسٹریلیا نے گزشتہ سال ورلڈ ٹیسٹ چیمپئن شپ کے فائنل میں بھی ہندوستان کو شکست دی تھی۔